دونور اجەي

ۇلى وتان سوعىسى كەزىندە جارالى جاۋىنگەرلەرگە دەپ 100 ليتر قان تاپسىرعان ليديا كليمەنكو وسكەمەندە تۇرادى. شىعىس وڭىرىندە «ۇلكەنگە – قۇرمەت, كىشىگە – ىزەت» دەگەن قازاقى قالىپ, يگى ءداستۇر جاق­سى ساقتالعان. بيىل 8 ناۋرىز مەرەكەسى قارساڭىندا كەشەگى قا­ساپ مايداندا قانىمەن دە, جانىمەن دە ەل مەن جەردى قورعاۋعا ۇلەس قوسقان قايسار ايەلدەر دە نازاردان تىس قالعان جوق. وسكەمەن قالاسىنىڭ تۇرعىنى ليديا كلي­­مەنكو قاتارى سيرەپ قالعان سونداي ساناۋلى قاريالاردىڭ ءبىرى. ۇلى وتان سوعىسىنىڭ ار­داگەرى, 1-ءشى ۋكراين ماي­دانىن­داعى ەۆاكۋاتسيالىق گوسپيتالدە وپەراتسيا جانە گيپس تەحنيكاسى بويىنشا اعا مەدبيكە بولىپ قىزمەت ەتكەن ليديا پاۆ­لوۆنانى وسكەمەن قالاسىنىڭ اكىمى تەمىربەك قاسىمجانوۆ مەرەكەمەن قۇتتىقتادى. باتىر اجە سوعىس جىلدارىندا گوسپيتالگە جەتكىزىلگەن جارالى جاۋىنگەرلەر مەن تۇرعىنداردى اجالدان اراشالاپ قالۋ ءۇشىن 100 ليتردەن استام قان تاپسىرعان ەكەن. – ءسىز مايداندا قارۋ ۇستاعان جاۋىنگەرلەردەن كەم ەرلىك كور­سەت­كەن جوقسىز. جارالىلارعا كو­مەكتەسىپ, ولاردى ەمدەدىڭىز. دونور رەتىندە 100 ليتردەن اس­تام قان تاپسىرعانىڭىزدى بىلە­مىز. وسىلايشا, جەڭىس جولىندا جا­رالى بولعان كوپتەگەن وتان­داس­تارىمىزدىڭ ءومىرىن ساقتاپ قالۋعا ولشەۋسىز ۇلەس قوستىڭىز. ءسىزدىڭ ءومىرىڭىز جاستارىمىزدى ەرلىككە, وتانشىلدىققا باۋليدى, – دەدى قالا باسشىسى زەينەتكەرمەن اڭگىمە بارىسىندا. ايتا كەتەلىك, ليديا اجەي سو­عىستاعى ەرلىكتەرى ءۇشىن «ءىى ءدا­رەجەلى وتان سوعىسى» وردەنىمەن, «مارشال جۋكوۆ» مەدالىمەن, كوپتەگەن مەرەيتويلىق مەدالدارمەن جانە «كسرو-نىڭ قۇرمەتتى دونورى» اتاعىمەن ماراپاتتالعان. دۋمان اناش, «ەگەمەن قازاقستان». وسكەمەن.