الەمنىڭ جاڭا ميللياردەرلەرى

ولاردىڭ 90 پايىزىن قىتايلىقتار قۇرايدى جاقىندا 2015 قارجى جىلىنىڭ قورىتىندىسى بويىنشا 100 ميللياردەرى بار بەيجىڭدى «الەم ميللياردەرلەرىنىڭ جاڭا استاناسى» دەپ تانىعان Hurun Global Rich رەيتينگىلىك جۇيەسى قازىرگى تاڭدا پلانەتادا 2 188 اسا باي ادامداردىڭ تۇراتىنىن دا اتاپ كورسەتتى. جىل ىشىندە جالپى ميللياردەرلەر سانى 99 ادامعا ارتسا, سولاردىڭ 90-نى قۇرلىقتاعى قىتايدا, گونكونگتا جانە ماكاودا تۇراتىن بولىپ شىقتى. وسىلايشا, سوڭعى كەزدە اتتارى تانىلعان «سۋ جاڭا» بايلاردىڭ 90 پايىزىن اسپاناستى ەلىنىڭ وكىلدەرى الىپ وتىر. سوڭعى ساناق بويىنشا, وسى كۇندەرى بەيجىڭدە تۋرا 100 ميللياردەر تۇرىپ جاتسا, نيۋ-يورك 95 باي-شونجارىمەن ەكىنشى ساتىعا ءتۇسىپ قالعان. وسىنىڭ نەگىزىندە جەر-جاھانداعى ميلليار­دەر قىتايلىقتاردىڭ قاتارى دا ايتارلىقتاي كوبەيە تۇسكەن. مۇنىڭ جالپى ميللياردەرلەر ساپىنا اكەلگەن وزگەرىستەرى دە از ەمەس. اتاپ ايتقاندا, جوعارىداعى مولشەردىڭ 568-ءى قىتايلىقتار بولىپ شىعا كەلگەن. ءسويتىپ, حانزۋ ەلى مۇندا دا ءبىرىنشى ساتىعا قادام باسقان. ونىڭ ەكپىنىمەن ەكىنشى ورىنعا ىعىسىپ كەتكەن اقش-تا بۇلاردىڭ ساناتى 535 ادامعا شاقتالعان. سول سياقتى الەمدەگى ەڭ باي 100 ادامنىڭ قاتارىندا قازىر قىتايدىڭ 9 وكىلى بار ەكەنى بەلگىلى بولدى. سونىڭ ىشىندە بۇل داۋلەتتەگى ەڭ باي سانالاتىن ۆان تسزيانلين امەريكانىڭ اتاقتى بيزنەسمەنى, Microsoft-تىڭ باسشىسى بيلل گەيتس باستايتىن توپتا 27-ءشى ورىندا تۇر. دامير قوجامقۇل.