اتامەكەنىن اڭساعان اقىن

اقتاۋ قالاسىندا دارىندى بالالارعا ارنالعان قازاق-تۇرىك مامانداندىرىلعان مەكتەپ-ليتسەي ينتەرناتىندا «اتاجۇرتىن اڭساعان تولەگەن ايبەرگەنوۆ» ات­تى حالىقارالىق عىلىمي-تەو­ريالىق كونفەرەنتسيا ءوتتى. كون­فەرەنتسياعا قاتىسۋشىلار ت.ايبەرگەنوۆتىڭ ءومىرى مەن شى­عار­­ماشىلىعىنا بايلانىستى جاسالعان فوتوگالەرەيامەن تانىسىپ, «ايبەرگەنوۆ الەمى» اتى ەكى سەريالى دەرەكتى ءفيلمدى تاماشالادى. اقىن, قازاقستاننىڭ ەڭبەك سىڭىرگەن قايراتكەرى سابىر اداي پلەنارلىق ماجىلىستە كىرىسپە ءسوز سويلەپ, مازمۇندى بايانداماسىمەن كونفەرەنتسيانىڭ شىمىلدىعىن اشىپ بەردى. كونفەرەنتسياعا ارنايى شاقىرىلعان بايان­دا­ما­شى­لاردىڭ قاتارىندا ءوز­بەكس­ت­ان جازۋشىلار وداعىنىڭ ءمۇ­شەسى ءومىرباي ەمبەرگەنوۆتىڭ «سا­عىنىشتان جارالعان دۇنيە», تولەگەن ايبەرگەنوۆتىڭ كىندىك قانى تامعان قوڭىرات اۋدانى «تاڭ نۇرى» اۋىلىنان جەتكىزگەن سارسەنباەۆتىڭ «اقىندى زەرتتەپ تاني بىلسەك», تاراز مەملە­كەت­تىك پەداگوگيكالىق ينستيتۋتى «باۋىر­­جانتانۋ» عىلىمي-زەرتتەۋ ور­تالىعىنىڭ قىزمەتكەرى, پەداگوگيكا عىلىمدارىنىڭ ما­گيسترى ءالىمباي نايزاباەۆتىڭ «تولەگەنتانۋداعى زەرتتەۋلىك ماسەلەلەر», ق. جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىنىڭ ستۋدەنتى گۇلفايرۋس لاتيفۋللينانىڭ «تولەگەن ايبەرگەنوۆ پوەزيا­سى­نىڭ پوەتيكاسى» اتتى باياندامالارى تىڭدالدى. پلەنارلىق ماجىلىستە وقىلعان باياندامالار مەن ۇسىنىستار بويىن­شا ءجارىسسوز قىزۋ ءوتتى. كەلىپ تۇسكەن جۇمىستاردى ارنايى كوميسسيا قاراپ, جيناققا ەنەتىن ماقالالار تاڭدالدى. كونفەرەنتسيانىڭ سوڭىندا «ارنا» توبى مەن ونەرلى جاس­تاردىڭ ادەبي-سازدى باعدار­لاما­سى تاماشالاندى. قوڭىراتباي يسپانوۆ, جۋرناليست. ماڭعىستاۋ وبلىسى.