پارتيا مۇشەلەرىنىڭ قاتارى تولىقتى

«بىرلىك» ساياسي پارتياسىنىڭ رەسپۋبليكالىق سايلاۋالدى شتابىندا پارتياعا جاڭا مۇشەلەردى قابىلداۋدىڭ سالتاناتتى ءراسىمى ءوتتى. شاراعا بولات بايقاداموۆ, مۇ­رات راەۆ, روزا قۋانىشباەۆا, تولەگەن قۋانىشەۆ, مۇ­رات قو­جامقۇ­لوۆ سەكىلدى پارلامەنت ءماجىلىسىنىڭ دەپۋتات­تى­عى­نان ءۇمىت­كەر­لەر مەن پارتيانىڭ وزگە دە وكىلدەرى مەن جاستار قاتىستى. پارتيا توراعاسىنىڭ ورىنباسارى ب.بايقاداموۆ ءوز سوزىندە استانادا اقپان ايىندا پارتيا قاتارىنا ءوتۋ جونىندە 5 ءوتىنىش ءتۇسىپ, ولاردىڭ بارلىعى قۇپتالعان. «بىرلىك» قۇرامىنا وتكىسى كەلگەن ەرىكتى ازاماتتاردىڭ جاسى 30 بەن 65 ارالىعىندا ەكەن. ولاردىڭ ارقايسىسى سالتاناتتى تۇردە پارتيالىق بيلەتكە يە بولدى. پارتيانىڭ جاڭا مۇشەلەرى «تازا نيەت! ادال قىزمەت! تازا ورتا!» اتتى ۇراندى قولدايتىندارىن, وسى يدەيانى جۇزەگە اسىرۋعا وزدەرىنىڭ بار كۇش-جىگەرلەرىن جۇمسايتىندارىن جەتكىزدى. ماسەلەن, اعىباي حالەت دەگەن ازاماتتىڭ ايتۋىنشا, «بىرلىكتىڭ» سايلاۋالدى باعدارلاماسىمەن تانىسقاننان كەيىن ونىڭ پارتيا قاتارىنا قوسىلۋعا دەگەن ىنتا-نيەتى ويانعان ەكەن. «بىرلىكتىڭ» ءبىزدىڭ ەلىمىزدى الەۋمەتتىك, مادەني, ەكونوميكالىق جاعىنان جاڭا ساپالىق دەڭگەيگە كوتەرۋگە دەگەن قۇلشىنىسى عانا ەمەس, بولاشاق ۇرپاققا ەكولوگياسى تازا جەردى قالدىرۋعا دەگەن ۇمتىلىسى دا قىزىقتىردى», – دەيدى ا. حالەت. ال پارتيانىڭ اقمولا وڭىرىندەگى فيليالىنىڭ توراعاسى, دەپۋتاتتىققا كانديدات م.قوجامقۇلوۆ قازىرگى تاڭدا پارتيا الدىندا تۇرعان باستى مىندەت – سايلاۋالدى باعدارلامانى تولىقتاي جۇزەگە اسىرۋ, سەبەبى, بۇل باعدارلاما قازاقستاندىقتاردىڭ ءومىر ساپاسىن ارتتىرۋعا باعىتتالعانىنا توقتالدى. «سوندىقتان, بۇل باعدارلامانىڭ وتانداستار تاراپىنان قولداۋ تابۋى عانا ەمەس, پارتيانىڭ تىنىس-تىرشىلىگىنە بەلسەندى تۇردە ارالاسۋ دا ماڭىزدى», – دەدى ول. «بىرلىك» پارتياسىنىڭ قاتارىنا جاڭا مۇشەلەردى قابىلداۋ ۇدەرىسى تەك ەلوردادا عانا جۇرگەن جوق. ياعني, پارتيا قۇرامى ەلىمىزدىڭ باسقا دا وڭىرلەرىندەگى ازاماتتارمەن تولىعىپ, ونداعان ازامات پارتيا قاتارىنا قوسىلدى, ولارعا دا جاڭا پارتيالىق بيلەتتەر تابىستالدى. سونداي-اق, پارتيا مۇشەلەرى ۇگىت-ناسيحات جۇمىستارى اياسىندا «بىرلىك» – ءار ۇيگە» اكتسياسىن وتكىزدى. شارا بارىسىندا «بىرلىك» پارتياسىنىڭ وكىلدەرى بىرنەشە ۇيگە بارىپ, سايلاۋالدى باعدارلامانى ءتۇسىندىردى, ازاماتتاردىڭ ۇسىنىس-تىلەكتەرىن تىڭدادى. پارتيا مۇشەسى ر.قۋانىشباەۆا «بىرلىكتىڭ», اسىرەسە, وتباسى ينستيتۋتىنا ايرىقشا ءمان بەرەتىنىن, سەبەبى, ول مىقتى مەملەكەت پەن قوعامنىڭ قالىپتاسۋىنا نەگىز بولاتىنىن جەتكىزدى. «ءبىزدىڭ سايلاۋالدى باعدارلامامىزدا قازاقستان حالقىنىڭ ۇلتتىق سالت-ءداستۇرىن جانە قۇندىلىقتارىن ساقتاۋ مىندەتى تۇر», – دەدى ول. ءلايلا ەدىلقىزى, «ەگەمەن قازاقستان». استانا.