ساپار اۋقىمى كەڭ

قازاقستان رەسپۋبليكاسىنىڭ مەملە­كەتتىك حات­شىسى گۇلشارا ابدىقالىقوۆا بۇۇ ايەل­دەر احۋالى جونىندەگى كوميس­سيا­­سىنىڭ 60-سەسسياسىنا قاتىسۋ ءۇشىن امە­ري­كا قۇراما شتاتتارىنا باردى, دەپ حا­بار­لادى پرەزيدەنتتىڭ ءباسپاسوز قىز­مەتى. گ.ابدىقالىقوۆا وندا ايەل­دەر­دىڭ قۇقىقتارى مەن مۇمكىندىكتەرى اياسىن كەڭەيتۋ ماسەلەلەرى ءجو­نىن­دە بايانداما جاسايدى دەپ جوس­پار­لانعان. سونداي-اق, مەملەكەتتىك حاتشى 10-12 ناۋرىز ارالىعىنداعى ساپارى اياسىندا ۆاشينگتوندا اقش-تىڭ رەسمي ادامدارىمەن, ىسكەر توپ وكىلدەرىمەن جانە ساراپتامالىق قوعامداستىق وكىل­دەرىمەن بىرقاتار كەزدەسۋ وتكى­زەدى. اتاپ ايتقاندا, اقش-تىڭ ايەل­دەردىڭ جاھاندىق پروب­لەمالارى جونىندەگى ەلشىسى ك.راسسەللمەن, «بولاشاق» باع­دار­لاماسى بويىنشا وقىپ جاتقان قازاقستاندىق ستۋدەنتتەرمەن كەزدەسۋى كوزدەلگەن. بۇدان بولەك, مەملەكەتتىك حاتشى «جاندى داۋىستار» جاھاندىق ارىپتەستىگى» حالىقارالىق ۇكىمەت­تىك ەمەس ۇيىمىنىڭ گالا-قابىل­داۋىندا بولىپ, اتالعان ۇيىمنىڭ پرەزي­دەنتى ە.نەلسونمەن كەز­دە­سەدى جانە «جاھاندىق كوشباس­شى­لىق جولىنداعى ماراپات» سىي­لىعى لاۋرەاتتارىن ماراپاتتاۋ راسىمىنە قاتىسادى. مەملەكەتتىك حاتشىنىڭ ۆا­شينگتونعا ساپارى اق ءۇيدىڭ, مەم­لەكەتتىك دەپارتامەنتتىڭ, كون­گرەستىڭ, سونداي-اق, اقش-تىڭ ىسكەر جانە قوعامدىق توپتارىنىڭ وكىلدەرى, ديپلو­ما­­تيالىق كورپۋس قاتىساتىن «ناۋ­رىز» مەيرا­مى­نا ارنالعان مەرە­كەلىك ءىس-شارامەن قورى­تىن­دىلا­نادى.