نارىنقول – حالقىنىڭ رۋحى مىقتى ءوڭىر

«اق جول» دەموكراتيالىق پار­تيا­سىنىڭ باسقارما مۇشەسى نۇرلان جا­زىل­بەكوۆ جانە وسى پار­تيانىڭ ال­­ماتى وبلىسىنداعى فيليا­لى­نىڭ باس­شىسى مەيراش شىناسىلوۆا باستاعان ارناۋلى توپ سايلاۋ ال­دىن­داعى ۇگىت-ناسيحات جۇمىستارىن جۇرگىزۋ ءۇشىن شالعايداعى رايىمبەك اۋدانىنا باردى. اۋدان ورتالىعى كەگەن اۋىلىنداعى كەزدەسۋدە ازاماتتاردىڭ كونستيتۋتسيالىق قۇقىعى بويىنشا داۋىس بەرۋدە ءوز تاڭ­داۋلارىن بىلدىرە الاتىندىعى ءتاپتىش­تەلدى. كاسىپكەرلەر پارتياسى دەپ تە تانىلعان اقجولدىقتاردىڭ ماقسا­تى كاسىپكەرلىكپەن بىرگە ءبىلىم بەرۋ, دەن­ساۋلىق ساقتاۋ, الەۋمەتتىك جاعدايدى جاق­سار­تۋ سىندى ومىرلىك ءمانى زور ماسەلەلەر ەكەنىنە دە باسا نازار اۋدارىلدى. ال وسى ۋاقىتقا دەيىن «اق جول» تاراپىنان نە ىستەلىندى دەگەن ساۋالعا ن.جازىلبەكوۆ «تۇر­عىنۇيقۇرىلىسجيناقبانكى» باس­شىلىعى سىباي­لاسقان جەمقورلىقپەن ەلدى الداپ, اۋرە-سارساڭعا سالعاندىعىن بيىك مىنبەر­دەن اشكەرەلەپ, زاڭناما تالابىنا ساي جازالاۋعا سەبەپشى بولعاندىعىن كولدە­نەڭ تارتتى. ءسويتىپ, جۇزدەگەن سالىم­شى­لاردىڭ كونستيتۋتسيالىق قۇقىقتارى قور­عالىپ, اتالعان بانك باسشىلىعى زاڭسىز يەلەنگەن تۇرعىن ۇيلەر يەلەرىنە قايتارىلعان. كولساي كولدەرىندە, شارىن شات­قال­ىندا, بايىنقول وڭىرىندە ءتۋريزمدى دامىتۋ, ەلدى مەكەندەردى گازداندىرۋ ءما­سە­لەلەرىمەن بىرگە, بۇل ءوڭىردىڭ وزەكتى پروب­­لە­ماسى – ەشقانداي ءوندىرىس ورنى جوق بول­­عاندىقتان, بيۋدجەتكە 5 پايىز كىرىس­­پەن, 95 پايىز روتاتسيامەن وتىرعان اۋ­­دان­دا قانداي جاقسىلىقتار بولاتىن­دىعى جايلى اۋداندىق كىرىس ءبولىمىنىڭ باس ما­مانى لاشىن سابىرباەۆا ايتىپ بەردى. جالپى, شالعايداعى اۋىلدارعا با­رۋ­دى جاقسى داستۇرگە اينالدىرا ءبىل­گەن اقجولدىقتار ەل شەكارا­سىن­داعى نا­رىنقول اۋىلىندا دا بولدى. قارا­پايىم حالىق ءماجىلىس دەپۋتاتتىعىنان ۇمىتكەر نۇرلان جازىلبەكوۆتىڭ ايتقاندارىن مۇقيات تىڭداپ, بارلىعىنىڭ كوكەيىندەگى باستى ماسەلە – نارىنقول تاسادا قالا بەرە مە دەگەن ساۋالعا بارىپ تىرەلدى. جوق, نا­رىنقول تاسادا قالمايدى. وب­لىس اكىمى تۇرعىندار الدىندا ەسەپ بەر­­­گەن­ىندە: «ەلباسى تاپسىرماسىنا سايكەس, نارىنقولعا ءتيىستى دەڭگەيدە كوڭىل ءبو­لىنەتىن بولادى», – دەگەن ەدى. سول قۋا­­نىشتى حاباردى نارىنقولدىقتار كوزايىم ەتىپ, الدىمىزدان شىعاردى. نەگىزى­نەن زەينەتكەرلەر عانا قالعان اۋىل تۇرعىن­دارىنان زەينەتاقىنىڭ, ايلىق جالاقى­نىڭ ۋاق­تىلى تولەنىپ تۇراتىن, تۇرماي­تىنى, اۋىل­دا ۇرلىق جاسالمايتىنى, قان­داي اما­نات ايتاتىندىعى سۇرالدى. قالاي دەسەك تە, مۇندا ەلباسىنا دەگەن سەنىمدەرى زور حا­لىق­تىڭ رۋحى مىقتى ەكەنى كورىنىپ تۇردى. تابيعات-انانىڭ تەڭدەسسىز سىيى بۇل وڭىردە بارشىلىق, تەك سونى دۇرىس پاي­دالانا ءبىلۋ كەرەكتىگى دە اتاپ ايتىلدى. ءسويتىپ, اقجولدىقتار شەكارالىق ءوڭىر حالقىمەن جاقسى پىكىر الماسىپ, ءتۇسىنىسىپ قايتتى. نۇربول الدىباەۆ, «ەگەمەن قازاقستان».