قورىتىندى 27 ناۋرىزدان كەشىكتىرىلمەي انىقتالادى

كەشە ورتالىق سايلاۋ كوميسسياسىنىڭ مۇشەلەرى تاتيانا وحلوپكوۆا مەن مارات سارسەمباەۆ داۋىس بەرۋ كۇنى exit poll جۇرگىزۋ ءتارتىبى تۋرالى, سونداي-اق, قازاقستان حالقى اسسامبلەياسى سايلايتىن پارلامەنت ءماجىلىسىنىڭ دەپۋتاتتارىن سايلاۋ بويىنشا داۋىس بەرۋ ءتارتىبى, ورنى جانە ۋاقىتى جونىندە بۇقارالىق اقپارات قۇرالدارى وكىلدەرىنە بريفينگ وتكىزدى. ورتالىق سايلاۋ كوميسسياسىنىڭ مۇشەسى مارات سارسەمباەۆتىڭ اتاپ وتكەنىندەي, «سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 28-بابى 9-تارماعىنا سايكەس سايلاۋمەن بايلانىستى قوعامدىق پىكىرگە سۇراۋ caلۋ ناتيجەلەرىن جاريالاعان كەزدە, بۇقارالىق اقپارات قۇرالدارى سۇراۋ سالۋدى جۇرگiزگەن ۇيىمدى, سۇراۋ سالۋدى جۇرگىزۋگە تاپسىرىس بەرگەن جانە ونىڭ اقشاسىن تولەگەن ادامداردى, سۇراۋ سالۋ جۇرگiزىلگەن ۋاقىتتى, اقپارات جيناۋ ءادiسiن, سۇراۋ سالۋدىڭ ناقتى تۇجىرىمىن, سۇرالعانداردىڭ سانى مەن سۇراۋ سالۋ ناتيجەسىنىڭ قاتەلiك كوەففيتسيەنتiن كورسەتۋگە مiندەتتi. «بۇقارالىق اقپارات قۇرالدارىندا داۋىس بەرۋ كۇنى الدىنداعى بەس كۇن ىشىندە, ياعني 15 ناۋ­رىزدان باستاپ جانە داۋىس بەرۋ كۇنى 20 ناۋرىزدا قوعامدىق پىكىرگە سۇراۋ سالۋ ناتيجەلەرiن, سايلاۋ ناتيجەلەرiنiڭ بولجامىن, سايلاۋعا بايلانىستى وزگە دە زەرتتەۋلەردi جاريالاۋعا جول بەرىلمەيدى. سايلاۋ كۇنi داۋىس بەرۋگە ارنالعان ءۇي-جايدا قوعامدىق پiكiرگە سۇراۋ سالۋعا تىيىم سالىنادى», – دەدى م.سارسەمباەۆ وسى ماسەلە جونىندە. وسك مۇشەسى, سونداي-اق, قحا سايلايتىن دەپۋتاتتارعا داۋىس بەرۋ قالاي وتەتىنىنە دە توقتالدى. ونىڭ ايتۋىنشا, قازاقستان حالقى اسسامبلەياسى سايلايتىن پارلامەنت ءماجىلىسىنىڭ دەپۋتاتتارىن سايلاۋ بويىنشا داۋىس بەرۋ اسسامبلەيا كەڭەسىنىڭ حاتىنا سايكەس قازاقستان حالقى اسسامبلەياسىنىڭ سەسسياسى ءوزىنىڭ جۇمىسىن 21 ناۋرىز كۇنى ساعات 08.00-دە باستايتىن بولادى. «داۋىس بەرۋگە ارنالعان پۋنكت اسسامبلەيانىڭ سەسسياسى وتەتىن عيماراتتا ورنالاستىرىلادى جانە سەسسيا جۇمىسىنىڭ باستالۋىنان ءبىر ساعات بۇرىن, ياعني ساعات 07.00-دە اشىلادى, – دەدى م.سارسەمباەۆ. – داۋىس بەرۋگە ارنالعان پۋنكتتە ول اشىلعان ساتتەن باستاپ داۋىس بەرۋ ناتيجەلەرى انىقتالعانعا دەيىن حالىقارالىق جانە قازاقستاندىق بايقاۋشىلار, بۇقارالىق اقپارات قۇرالدارىنىڭ وكىلدەرى, سونىمەن قاتار, اسسامبلەيا سايلايتىن ءماجىلىس دەپۋتاتتىعىنا كانديداتتاردىڭ سەنىم بىلدىرىلگەن ادامدارى قاتىسۋعا قۇقىلى». ال ورتالىق سايلاۋ كوميس­سيا­سىنىڭ مۇشەسى ت.وحلوپكوۆا داۋىس بەرۋدىڭ ودان كەيىنگى ۇدەرى­سىنەن حاباردار ەتتى. ونىڭ ايتۋىن­شا, اسسامبلەيانىڭ جۇمىسى­نا ونىڭ مۇشەلەرىنىڭ جالپى سا­نى­نىڭ ۇشتەن ەكى بولىگى قاتىسقان جاع­­دايدا, ول وتكىزىلگەن بولىپ ەسەپ­تەلەدى. بۇگىنگى كۇنى قازاق­ستان حالقى اسسامبلەياسىنىڭ قۇرا­مىن­دا 446 مۇشە بار. سەس­سيادا اس­تانا قالاسىنىڭ قالا­لىق سايلاۋ كوميسسياسىنىڭ توراعا­سى داۋىس بەرۋدى وتكىزۋ ءتارتى­بىن تۇسىندىرگەننەن كەيىن اسسام­بلەيا مۇشەلەرىن داۋىس بەرۋگە ارنال­عان پۋنكتكە شاقىرادى. «ساي­لاۋ بيۋللەتەنىنە ءماجىلىس دەپۋتات­تىعىنا تىركەلگەن 9 كاندي­دات­تىڭ بارلىعى ەنگىزىلەدى, – دەدى ول ءارى قاراي. – داۋىس بەرۋگە ارنالعان سايلاۋ بيۋللەتەنى اسسامبلەيا مۇشەسىنە سايلاۋشىلار ءتىزىمىنىڭ نەگىزىندە ونىڭ جەكە با­سىن كۋالاندىراتىن قۇجاتتى ۇسىن­عاندا بەرىلەدى. ءار سايلاۋشى جەكە ءوزى داۋىس بەرەدى. داۋىس بەرۋ جانە داۋىستاردى ساناۋ اياقتالعاننان كەيىن قالالىق سايلاۋ كوميسسياسى داۋىس بەرۋ ناتيجەلەرى تۋرالى حاتتاما جاساپ, قول قويادى. داۋىس بەرۋگە قاتىسقان اسسامبلەيا مۇشەلەرىنىڭ 50 پايىزدان جوعارى داۋىسىن جيناعان كانديداتتار سايلانعان بولىپ ەسەپتەلەدى». بريفينگ وتكىزۋشى وسك ءمۇ­شە­لەرىنىڭ بايان ەتكەنىندەي, سەسسيا قالالىق سايلاۋ كوميسسياسىنىڭ توراعاسى داۋىس بەرۋ ناتيجەلەرى تۋرالى حاتتامانى جاريا ەتكەن­نەن سوڭ جابىلادى. قالالىق ساي­لاۋ كوميسسياسىنىڭ حاتتاما­سى ورتسايلاۋكومعا سايلاۋ وتكەن كۇننەن ەكى كۇندىك مەرزىمنەن, ياعني 22 ناۋ­رىزدان كەشىكتىرىلمەي ۇسىنىلادى. سايلانعان ءماجىلىس دەپۋتاتتارىن تىركەۋدى ورتسايلاۋكوم جۇزەگە اسىرادى. ال ءماجىلىس دەپۋتاتتارىن سايلاۋدىڭ جالپى ەلىمىز بويىنشا قورىتىندىلارىن ورتسايلاۋكوم 2016 جىلعى 27 ناۋرىزدان كەشىكتىرمەي انىقتايدى, سايلاۋ قورىتىندىلارى تۋرالى حابار باق-تاردا 30 ناۋرىزدان كەشىكتىرىلمەي جاريالانادى. ءاليسۇلتان قۇلانباي, «ەگەمەن قازاقستان».