Siemens كومپانياسى 2,5 مىڭ جۇمىسشىسىن قىسقارتپاق

استانا. 10 ناۋرىز. Siemens كومپانياسى 2,5 مىڭ جۇمىسشىسىن قىسقارتپاق. بۇل تۋرالى The Wall Street Journal باسىلىمىنا سىلتەمە جاساعان egemen.kz ءتىلشىسى حابارلادى. اتالعان باسىلىمنىڭ حابارلاۋىنشا, ەلەكتروندى تەحنيكا جاساپ شىعاراتىن ءىرى نەمىس كونتسەرنى Siemens AG الداعى ۋاقىتتا 2,5 مىڭعا جۋىق قىزمەتكەرىن جۇمىستان شىعارماق. كومپانيا مۇنداي قادامعا تۇتىنۋشىلار تاراپىنان شيكىزات سەكتورىنا سۇرانىستىڭ ازايعاندىعىنان بارۋعا ءماجبۇر بولعان. قىسقارتۋدىڭ باسىم بولىگى نەمىس زاۋىتتارىندا جۇرگىزىلمەك. كومپانيا تاراتقان ءباسپاسوز مالىمدەمەسىندە بۇل ءىس-شارا قىزمەتتەردى بىرىكتىرىپ, ەۋروپاداعى ءوندىرىس قۋاتتىلىعىن ارتتىرۋعا باعىتتالعانى تۋرالى ايتالادى. «مۇنداعى باستى ماقسات – قازىرگى قيىن نارىقتىق جاعدايدا باسەكەگە قابىلەتتىلىكتى ارتتىرۋ بولىپ تابىلادى», – دەپ جازادى باسىلىم. ەلامان قوڭىر. دەرەك: The Wall Street Journal. سۋرەت: aeroport-transfer-muenchen.com.