استانادا فۋتزالدان ستۋدەنتتەر ليگاسىنىڭ جاڭا ماۋسىمى باستالدى

استانا. 10 ناۋرىز. بۇگىن استانا قالاسىنداعى جوعارى وقۋ ورىندارىندا فۋتزالدان ستۋدەنتتەر ليگاسىنىڭ ويىندارى باستالدى. بۇل تۋرالى استانا قالاسى اكىمدىگىنىڭ رەسمي سايتى – astana.gov.kz-كە سىلتەمە جاساعان egemen.kz ءتىلشىسى حابارلادى. سايىسقا 8 كوماندا قاتىسۋدا. ولار ءبىرىنشى كەزەڭدە ءوزارا ەكى ماتچتان وتكىزەدى. ۇزدىك ءتورت كوماندا شەشۋشى كەزەڭدە باق سىناۋ مۇمكىندىگىنە يە بولادى. ليگانىڭ العاشقى ماۋسىمى 12 مامىرعا دەيىن جالعاسادى. تۋرنير ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ سپورتزالىندا باستالسا, شەشۋشى ماتچتاردى نازارباەۆ ۋنيۆەرسيتەتىندە وتكىزۋ جوسپارلانعان. جارىسقا «استانا» مەديتسينا ۋنيۆەرسيتەتىنەن, قازاق ەكونوميكا, قارجى جانە حالىقارالىق ساۋدا ۋنيۆەرسيتەتىنەن, «تۇران-استانا» ۋنيۆەرسيتەتىنەن جانە قارجى اكادەمياسىنان – ءبىر, ال ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى مەن نازارباەۆ ۋنيۆەرسيتەتىنەن ەكى كوماندادان قاتىسادى. ءار كوماندادا 18 ستۋدەنتتەن وينايدى. «استانادا ستۋدەنتتەر اراسىندا فۋتبولدان تۋرنيرلەر ءجيى وتكىزىلەدى. استانا فۋتبول فەدەراتسياسىنىڭ ماقساتى – ستۋدەنتتەر ليگاسىن جاڭا دەڭگەيگە كوتەرۋ. كەزدەسۋلەردە قازاقستان پرەمەر-ليگاسى مەن ءبىرىنشى ليگادا جۇمىس ىستەگەن تورەشىلەر قازىلىق ەتەدى», – دەيدى استانا فۋتبول فەدەراتسياسىنىڭ مەنەدجەرى ەرىك چينچالينوۆ. ەلامان قوڭىر. دەرەك, سۋرەت: astana.gov.kz.