«يسلام مەملەكەتىنىڭ» مىڭداعان سودىرى تۋرالى دەرەكتەر بەلگىلى بولدى

استانا. 10 ناۋرىز. ۇلىبريتانيانىڭ Sky News تەلەارناسى «يسلام مەملەكەتى» لاڭكەستىك توبىنىڭ مىڭداعان سودىرى تۋرالى دەرەكتەر ساقتالعان قۇجاتتارعا قول جەتكىزگەنىن مالىمدەدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. تەلەارنانىڭ حابارلاۋىنشا, لاڭكەستىك توپتىڭ سودىرلارى جونىندە جەكە مالىمەتتەر جيناقتالعان قۇجاتتاردى ۇيىمنىڭ بۇرىنعى مۇشەلەرىنىڭ ءبىرى اكەلىپ بەرگەن. وندا 22 مىڭ ادامنىڭ اتى-جوندەرى, مەكەنجايلار, تەلەفون نومىرلەرى, سونداي-اق, «يسلام مەملەكەتى» لاڭكەستىك ۇيىمى اسكەريلەرىنىڭ وتباسى تۋرالى ون مىڭداعان قۇجات ساقتالعان. تەرروريستەردىڭ اراسىندا 51 ەلدىڭ وكىلدەرى بار. ولاردىڭ ارقايسىسى ۇيىمعا مۇشە بولۋلارى ءۇشىن 23 سۇراققا جاۋاپ بەرە وتىرىپ, وزدەرى تۋرالى جەكە مالىمەتتەردى جاريا ەتۋگە مىندەتتى بولعان. ەلامان قوڭىر. دەرەك: ريا «نوۆوستي». سۋرەت: news-front.info.