جول تارام بولسا دا ماقسات ورتاق

ەلىمىزدەگى پارلامەنت ءماجىلىسى جانە بارلىق دەڭ­گەيدەگى ءماسليحاتتار سايلاۋلارى ناۋقانىنا جالپى­ۇلتتىق سوتسيال-دەموكراتيالىق پارتيانىڭ دا قا­تىسىپ جاتقانى بەلگىلى. ولاردىڭ ءماجىلىس دەپۋ­تات­تىعىنا 23 ۇمىتكەر ۇسىنعانى دا بارشاعا ءمالىم. ولار جەر-جەردە ۇگىت-ناسيحات جۇمىستارىن جۇرگىزىپ كەلەدى. پارتيانىڭ ءماجىلىس دەپۋتاتتىعىنا كانديدات ەتىپ ۇسىنعان ءتورت بەلسەندىسى – ەكونوميكا عىلىمدارىنىڭ دوكتورى جانگەلدى شىمشىقوۆ, «كەنەسارى حان» قوعامدىق قورىنىڭ جەتەكشىسى, پارتيا مۇشەسى ءۋاليحان قايساروۆ, بلوگەر اسلان قۇرمانباەۆ جانە پارتيانىڭ قوستاناي وبلىستىق فيليالىنىڭ توراعاسى سەرگەي بوگاتىرەۆ قوستاناي وبلىسى جۇرتشىلىعىمەن كەزدەستى. كەزدەسۋ الدىندا قوستاناي وبلىستىق فيليالى سايلاۋشىلارعا پارتيانىڭ «سوتسيال-دەموكرات» گازەتى مەن سايلاۋعا شاقىرعان ۇنپاراقتار تاراتتى. پارتيا بەلسەندىسى, ءماجىلىس دەپۋتاتتىعىنان ءۇمىت­كەر جانگەلدى شىمشىقوۆ الدى­مەن ءسوز الدى. ول ەلىمىزدەگى سايلاۋ ناۋ­قانىنا قاتىسىپ جاتقان ساياسي پارتيا­لاردىڭ قاي-قايسىسى دا قوعامنىڭ دامۋىن, مەملەكەتتىڭ ءوسىپ-وركەندەگەنىن كوزدەيتىنىن جانە «بيلىككە باتىرىپ اي­تامىز» دەگەنمەن دە بيلىكتىڭ دە, جال­پىۇلتتىق سوتسيال-دەموكراتيالىق پارتيانىڭ دا يلەگەنى ءبىر تەرىنىڭ پۇشپاعى ەكەنىن اتاپ ءوتتى. ول قازاقستان جانە دۇنيەجۇزى ەكو­نو­ميكاسىنداعى قالىپتاسىپ وتىرعان جاعدايعا شولۋ جاسادى. شەشەن ەكونو­مي­كاداعى شيكىزات ءوندىرۋدىڭ ۇلەسىن ازايتىپ, وڭدەۋ سالاسىن دامى­تۋعا كوپ ءمان بەرۋ كەرەكتىگىن ايتتى. ءوڭ­دەۋ كاسىپورىندارىن دامىتۋدىڭ ارقا­سىندا ۇلكەن تابىسقا جەتۋگە بولاتىنىن كولدەنەڭ تارتتى. بىراق مۇنى ايتۋعا وڭاي بولعانىمەن, جۇزەگە اسىرۋ ءۇشىن كوپ كۇش-جىگەر جۇمساۋ كەرەك بولا­تىنىن دا جاسىرمادى. سونىمەن قاتار, جانگەلدى ەردەن ۇلى ءار مەملەكەت ءۇشىن ەكونوميكانىڭ باسىمدىق بەرە­تىن سالاسى, ءتىپتى, وندىرەتىن ءونىم ءتۇرى بو­لۋى كەرەكتىگىن ايتتى. قازاقستان ءۇشىن باسىمدىق بەرىلەتىن سالا اۋىل شارۋا­شىلىعى, ياعني مال, ەگىن ەكەنىن ءبىلدىردى. – ۇلان-عايىر جەر مال شارۋاشىلىعىن دا,   ەگىن شارۋاشىلىعىن دا دامىتۋعا مول ءمۇم­كىندىك بەرەدى. اۋىل شارۋاشىلىعى ءونىم­دەرىن سىرتقا شيكىزات كۇيىندە سات­پاي, وڭدەۋ ءىسىن دامىتا بەرۋىمىز كەرەك, – دەدى ج.شىمشىقوۆ. مۇنان كەيىن ءسوز العان بلوگەر ا.قۇرمانباەۆ ەلىمىزدەگى قۇقىق قورعاۋ, سوت جۇيەسىندەگى اشىقتىق پەن مولدىرلىكتى ءالى دە دامىتا ءتۇسۋ كەرەكتىگىنە توقتالدى. ال پارتيا بەلسەندىلەرىنىڭ ءبىرى ۋ.قايساروۆ الدىمەن زالدا وبلىستىق ىشكى ىستەر باسقارماسىنىڭ باسشىسى ءجاندىلدا ماقانوۆتىڭ, تاعى باسقا دا اكىمشىلىك قىزمەتكەرلەرىنىڭ وتىرعانىن بايقاپ, «بۇل – دەموكراتيانىڭ كورىنىسى» دەپ ريزاشىلىق ءبىلدىردى. مۇنان كەيىن جالپىۇلتتىق سوتسيال-دەموكراتيالىق پارتيا بەلسەندىلەرى مەن قوستانايلىق سايلاۋشىلار اراسىندا ەكونوميكا, الەۋمەتتىك ماسەلەلەر جونىندە سۇراق-جاۋاپ اڭگىمە ءوربىدى. ءنازيرا جارىمبەتوۆا, «ەگەمەن قازاقستان». قوستاناي.