جىلدىڭ قايىرىمدى ادامى

وڭتۇستىك قازاقستان پو­ليتەحنولوگيالىق كول­لەد­جىنىڭ ديرەكتورى, ەكونوميكا عىلىمدارىنىڭ دوكتورى امانگەلدى سوپبەكوۆتى جۇرت ءارتۇرلى باعالايدى. بىرەۋلەر پىسىقتىعىن ۇناتپاي «ءوي, قويشى سونى» دەسە, ەكىنشىلەرى «ءاي, جىگىت بولساڭ امانگەلدىدەي بول» دەيدى. اسىلىندە, ادامعا باعا بەرۋ قيىن. ال, ەلدىڭ بارىنە ۇنايتىن ادام جوق, بولا قالسا سول ماقتاۋلى ادامىڭىزدا ءسىز بەن ءبىز بىلمەيتىن ءبىر كىنارات بولۋى ابدەن ءمۇم­كىن. بار ماقتاۋ تەك جاراتقانعا عانا جاراسادى. رەداكتسيا تاپسىرما بەرگەن. ەل ىشىندە جۇرتقا پايداسى ءتيىپ جۇرگەن, جوق-جەتىمنىڭ باسىن سيپاپ, كوز جاسىن سۇرتكەن, قايىرىمدى جاندار تۋرالى كوبىرەك جازۋىمىز كەرەك ەكەن. انا ءبىر جىلى وسكەمەندە جىلدىق مولشەردەن الدەنەشە ارتىق قار جاۋىپ, اۋىل-اۋىلداردى سۋ باسىپ, ەل ابىرجىپ جات­قاندا شىمكەنتتە ءجۇرىپ الاڭداعان امانگەلدىنى كورگەم. – كوكە, شىعىس قازاقستان وبلىسىنىڭ اكىمى بەردىبەك ساپارباەۆ ءۇيىن سۋ الىپ تارىققان وتباسىلارعا كاسىپكەرلەردەن ءجار­دەم سۇراعان ەكەن. قۇداي باسقا تۇسىرمەسىن, ولارعا اق قار, كوك مۇزدا وڭاي بولىپ جاتقان جوق. ەكى كاماز جالداپ, ۇن جىبەرىپ جاتىرمىن, – دەگەن. ويپىر-اي, دەپ قالدىم. الىستاعى اعا­يىنعا قازاقستاننىڭ ءبىر تۇكپىرىندە وتىرىپ جانى اشىپ كومەك بەرگەنىنە سۇيسىنگەنبىز. امانگەلدى سوپبەكوۆ سارىاعاش اۋدانى بوزاي اۋىلىنىڭ تۇلەگى. سوناۋ ءبىر جىلدارى سارىاعاشتىڭ قىزىلاسكەر باعىتىنداعى اۋىلدارىنان 2 مىڭعا تارتا ءۇيدى قارعىن سۋ العان. قىردان قۇبا قالماقتاي جوڭكىلگەن قارعىن جولىنداعىسىن جاڭقاداي اعىزىپ اكەتىپ جاتقانىن كوزىمىز كورگەن. سوندا دا وسى امانگەلدى ماشينا-ماشينا ازىق-ت ۇلىك تاسىپ, قاناتىمەن سۋ تاسىعان قارلىعاشتاي شىرقىراپ ەدى-اۋ. سۋ العان وشاقتى اۋىلىنا 2 كاماز ۇن, 2 كاماز جىلى كيىم, اپتا بويى ىستىق قاۋمەت جىبەرگەن. مەشىت اللا تاعالانىڭ جەردەگى ءۇيى دەلىنەدى. وسى امانگەلدى قىرىققا تارتا مەشىتكە كومەك قولىن سوزىپتى. 2009 جىلى قولى قىسقا­لى­عىنان پروتەزگە جەتە الماي جۇرگەن 9 ازاماتقا قارجىسىن تولەپ بەردى. سارىاعاش اۋدانى بىرتىلەك ەلدى مەكەنىندەگى كومەككە مۇقتاج 38 ۇيگە كوگىلدىر وتىن كىرگىزىپ بەردى. ارىس قالاسىنداعى ت.ءتا­جى­باەۆ اتىنداعى بالالار ءۇيىنىڭ تاماعىنا دەپ 50 قوي اپاردى. ءۇش جىل بويى 154 بالانى قام­قورلىعىنا الىپ, قاجەتتەرىن ايىردى. 500 جەتىم بالانىڭ جازعى لاگەردە دەمالۋ قۇنىن تولەپ بەردى. ارداگەرلەر ءۇيى «سوپبەكوۆ بىزگە اۆتوبۋس الىپ بەردى», سارىاعاشتاعى سپورت مەكتەبىنىڭ جاس ورەندەرى جارىستارعا «امانگەلدى اعامىز مىنگىزگەن ماشيناسىمەن بارىپ ءجۇرمىز», دەپ ماقتانادى. ەل بولعان سوڭ تەلى-تەنتەك بولماي تۇر­مايدى. ولاردى ۇلتقا ءبولىپ, ەل ءىشىن الا تايداي بۇلدىرمەي تەزگە سالاتىن ازاماتتار كەرەك. سارىاعاشتاعى وسىنداي وقيعا ورتاسىندا ەكى جاققا اقىل سالىپ, ءبارىن زاڭ اياسىندا شەشىپ جۇرگەن جاقسىلاردىڭ ورتاسىنان تاعى دا امانگەلدىنى كوردىك. – «كوپ ۇلتتى بولۋ ءبىزدىڭ باقىتىمىز», دەپ ەلباسىمىزدىڭ ءوزى ايتقان, – دەيدى ول. – كۇنى كەشە تاۋەلسىزدىك العانىمىزدا قازاقستانعا قيلى جاعدايمەن كەلگەن ۇلتتار مەن ۇلىستار جان-جاققا تارتپاي, مەملەكەتتىگىمىزدى قول­دادى. مەملەكەت باسشىسىنىڭ سىندارلى ساياساتىنىڭ ارقاسىندا ماڭگىلىك ەلگە اي­نالىپ جاتساق, ولار دا ءبىزدىڭ بولىنبەس بولشەگىمىز. بىرەۋ جاقتىرمايتىن, بىرەۋ جاقسى كورەتىن, الايدا, ەكى جاققا دا ۇناۋعا تىرىس­پايتىن, ءوز شارۋاسىن بىلەتىن, ارتىق قارجىسىن جۇدەگەن جۇرتىنىڭ يىعىنا جابا­تىن امانگەلدى سوپبەكوۆ دەگەن ازاماتىڭىزدىڭ قالپى وسى. وسىنداي يماندىلىق ىستەرىمەن ول بىلتىر «التىن جۇرەك» قوعامدىق قورىنىڭ «جىل­دىڭ قايىرىمدى ادامى» نوميناتسياسىنا يە بولدى. ادامنىڭ بولمىسى ونىڭ قايىرىمدىلىق ىستەرىمەن ولشەنەدى. قازاقتىڭ ءبىر كاسىپكەرى امانگەلدى سياقتى جەتىم-جەسىردىڭ ماڭ­دايىنان سيپاپ, كومەگىن بەرىپ جۇرسە جۇدەگەن كوڭىلدەردى كورمەس ەدىك. باقتيار تايجان, «ەگەمەن قازاقستان». وڭتۇستىك قازاقستان وبلىسى.