جوبالارمەن تانىستى

پارلامەنت دەپۋتاتتارى س.پلوتنيكوۆ, ق.ايتاحانوۆ, ر.اكىموۆ, س.ءبىلالوۆ, م.جولداسباەۆ قاتىسقان سەناتتىڭ اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ كوشپەلى وتىرىسى جامبىل وبلىسىندا بولدى, دەپ حابارلادى وسى پالاتانىڭ ءباسپاسوز قىزمەتى. وتىرىستىڭ نەگىزگى تاقىرىبى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاق­ستان رەسپۋبليكاسىنىڭ «جاسىل ەكو­نوميكاعا» كوشۋى ماسەلەلەرى بو­يىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلاۋ بولدى. جاڭارتىلاتىن ەنەرگيا كوز­دەرى سالاسىنداعى جوبالاردى ىسكە اسى­رۋدىڭ كەلەشەگى قارالدى. وتىرىستا پرەزيدەنتتىڭ 2013 جىلعى 30 مامىرداعى جارلىعى­مەن بەكىتىلگەن قازاقستان رەسپۋب­ليكاسىنىڭ «جاسىل ەكونوميكاعا» كوشۋى جونىندەگى تۇجىرىمداماسىن ورىنداۋ اياسىندا جاڭارتىلاتىن ەنەرگيانى پايدالانۋدىڭ ناقتى نىساندى كورسەتكىشتەرى جانە وعان قول جەتكىزۋدىڭ قادامدارى بەلگى­لەندى. 2020 جىلى ەلىمىزدىڭ جالپى ەنەرگەتيكالىق تەڭگەرىمىندە جاڭارتىلاتىن ەنەرگيا كوزدەرىنىڭ ۇلەسىن ءۇش پايىزعا جەتكىزۋ كوزدەلىپ وتىر. سەناتورلار ساپار بارىسىندا ورتالىق ازيا اۋماعىنداعى جاڭارتىلاتىن ەنەرگيا كوزدەرىنىڭ ەڭ ءىرى نىسانى – قۋاتى 50 مۆت «بۋرنوە» كۇن-ەلەكتر ستانساسىندا بولدى. ونىڭ قۇرىلىسى ايماقتاعى ەلەكتر ەنەرگياسىنىڭ جەتىسپەۋشىلىگىن ەلەۋلى تۇردە قىسقارتۋعا ءمۇم­كىن­دىك بەردى. ەلەكتر ستانساسى ەكسپو-2017 حالىقارالىق كور­مە­سىن ۇيىمداستىرۋ اياسىندا جاريا ەتىلگەن «جاسىل ەكونوميكانى» قالىپتاستىرۋ ماقساتىنا ەلىمىزدى ىلگەرىلەتۋدىڭ جاقسى ونەگەسى بولدى. شاراعا جامبىل وبلىسى اكىمىنىڭ ورىنباسارى ە.مانجۋوۆ, ەنەرگەتيكا مينيسترلىگى مەن «سامۇرىق-قازىنا ينۆەست» جشس وكىلدەرى, ەلەكتر ەنەرگەتيكا كاسىپ­ورىن­دارىنىڭ باسشىلارى قاتىستى.