بىلىكتى زاڭگەر, قارىمدى قايراتكەر

ەلىمىزدە قازىرگى ۋاقىتتا ەرەكشە ساياسي ناۋقان ءجۇرىپ جاتقانى بەلگىلى. ۋاقىت تالابىنا ساي, جو­عارعى زاڭ شىعارۋشى ورگان – پار­لامەنتتىڭ ءماجىلىسى جانە جەر­گى­لىكتى سايلاناتىن ورگاندار – ءماس­ليحاتتاردىڭ قۇرامى جاڭار­تىلماق. جوعارعى ورگانعا دەپۋتاتتار پار­تيالىق تىزىمدەر ارقىلى ساي­لاناتىن بولسا, ءماسليحات دەپۋ­تات­تىعىنا كانديدات بولىپ, قو­عامدىق رەتتە جۇمىس اتقارۋعا, ۇجىم­داردىڭ ۇسىنىسى مەن ازا­مات­تاردىڭ جەكە ءوزىن ءوزى ۇسىنۋ ارقىلى تىركەلەتىنى بەلگىلى. قازىرگى كەزەڭدە دەپۋتاتتىققا ەل قامىن ويلايتىن, كۇرمەۋى قيىن ماسەلەلەردىڭ شەشىمىن تابا بىلەتىن, ءبىلىمدى دە بىلىكتى ازاماتتار كەلگەنى ءلازىم ەكەنىن ءومىردىڭ ءوزى كورسەتىپ وتىر. ونداي ازاماتتار ارامىزدا از ەمەس, سونىڭ ءبىرى رەسپۋبليكالىق ارداگەرلەر ۇيىمى ورتالىق كەڭەسىنىڭ تورالقا ءمۇ­شەسى, «جەتى جارعى» جانە قوجا­بەرگەن جىراۋ» حالىقارالىق قايى­رىمدىلىق قورىنىڭ توراعاسى بەكەت تۇرعاراەۆ. بەكەت تۇرعاراەۆ 1947 جىلى وڭتۇستىك قازاقستان وبلىسى, قازى­عۇرت اۋدانى تالدىبۇلاق اۋىلىندا تۋعان. 1974 جىلى قازاق مەم­لەكەتتىك ۋنيۆەرسيتەتىنىڭ زاڭ فاكۋلتەتىن بىتىرگەننەن سوڭ ەلى­مىزدىڭ سوت سالاسىندا ۇزاق جىلدار ابىرويلى قىزمەت اتقاردى. ەڭبەك جولىن وبلىستىق سوتتىڭ تالىمگەرىنەن باستاپ, وڭتۇستىك جانە سولتۇستىك قازاقستان وبلىس­تىق سوتتارىنىڭ توراعاسى قىز­مەتتەرىنە دەيىن كوتەرىلدى. «قازاق­ستاننىڭ ەڭبەك سىڭىرگەن زاڭگەرى», رەسپۋبليكانىڭ «قۇرمەتتى سۋدياسى» اتاقتارىنىڭ, «التىن بارىس» ومىراۋ بەلگىسىنىڭ, «قۇرمەت», «پاراسات» وردەندەرىنىڭ يەگەرى اتاندى. سولتۇستىك قازاقستان وبلىسىندا ون جىل قىزمەت اتقارعان جىلدارى ءوزىنىڭ نەگىزگى قىزمەتىنەن تىس «مادەني مۇرا» باعدارلاماسىن ىسكە اسىرۋدا قوعامدىق-مادەني سالا بويىنشا قىرۋار جۇمىستار اتقاردى. 2010 جىلى ەڭبەك دەمالىسىنا شىققاننان كەيىن قوعامدىق-مادەنيەت سالاسىندا دا ونەگەلى ەڭبەك جاسادى. ونىڭ ىشىندە ءپىر بەكەتتىڭ 260 جىلدىعىنا وراي «ەل يەسى, جەر يەسى ءپىر بەكەت» ات­تى حالىقارالىق كونفەرەنتسيا­نى جوعارعى دارەجەدە وتكىزدى. سونىڭ ناتيجەسىندە «بەكەت اتا-260» دەپ اتالاتىن عىلىمي-تانىمدىق كى­تاپ شى­عارىلىپ, رەسپۋبليكانىڭ ءما­­­دەني وشاقتارى ارقىلى كوپشىلىك وقىر­مانعا كەڭ تارالدى. ب.تۇرعاراەۆ جاڭاوزەن وقي­عا­سىنا بايلانىستى قۇرىلعان رەس­پۋبليكالىق قوعامدىق كوميس­سيا­نىڭ جۇمىسىنا بەلسەندى ارالاسىپ, بىلىكتى زاڭگەر رەتىندە لايىقتى ۇلەس قوستى. «جەتى جار­عى» جانە قوجابەرگەن جىراۋ» حالىقارالىق قوعامدىق قايى­رىمدىلىق قورىن قۇرىپ, ءبىر­تالاي يگى ىستەردىڭ ات­قارىلۋىن قام­تاما­سىز ەتتى. ونىڭ ىشىندە قوجابەرگەن تو­لى­بايسىنشى ۇلىنىڭ 350 جىل­دىعىنا وراي الماتى جانە اس­­تانا قالا­لارىندا حالىقارالىق قو­عامدىق كونفەرەنتسيالار وتكىزىپ, قو­رى­­تىندىسى بويىنشا «ماڭگىلىك ەلدىڭ ءماڭ­گىلىك جىرشىسى» اتتى كوركەم بە­زەندىرىلگەن عىلىمي تانىمدىق كى­تاپ جانە قازاقستان رەسپۋبليكاسى كونستيتۋتسياسىنىڭ 20 جىلدىعىنا وراي «پرەزيدەنت جانە قۇقىقتىق رەفورما», «سال­تانات» اتتى كولەمدى كىتاپتار شىعاردى. « ۇلى جەڭىستىڭ 70 جىلدىعى قارساڭىندا قازىعۇرت اۋدانىندا «بابالار رۋحىنا تاعزىم» كەشەنىن سالتاناتتى تۇردە اشىپ, سول مەكەننەن سوعىسقا اتتانىپ ەلگە ورال­ماعان 384 بوزداقتىڭ اتى ءمارمار تاسقا جازىلىپ, ماڭگىلىك الاۋ وتى جاعىلىپ, «ەرلەر ەسىمى ەل ەسىندە» دەگەن 21 مەترلىك الىپ مونۋمەنت تۇرعىزىلدى. ب.تۇرعاراەۆ رەسپۋبليكالىق ارداگەرلەر ۇيىمى ورتالىق كە­ڭەسىنىڭ, ونىڭ تورالقاسىنىڭ ءمۇ­شەسى رەتىندە ءبىرتالاي جۇمىستار اتقارۋدا. ول جاستارعا پاتريوتتىق تاربيە بەرۋ تۇرعىسىندا كوپتە­گەن وقۋ ورىندارىندا جەت­كىن­شەكتەرمەن كەزدەسىپ, قۇقىقتىق رەفورمالار تۇرعىسىنان ساليقالى دا سالماقتى اڭگىمەلەر وتكىزدى. سوعىس ارداگەرلەرى مەن تىل ەڭبەككەرلەرى اراسىندا دا ءجيى كەزدەسۋلەر وتكىزىپ, اقساقالداردىڭ مۇڭ-مۇقتاجىن تىڭداپ, ول قيىندىقتاردىڭ تىندىرىمدى شەشىلۋىنە ىقپال جاساۋدا. №21 سايلاۋ وكرۋگى بويىنشا وڭتۇستىك قازاقستان وبلىسىنىڭ ءماسليحاتىنا دەپۋتات بولىپ ءتىر­كەلگەن بەكەت تۇرعاراەۆ مىرزا ءسوزى مەن ءىسى الشاقتامايتىن جان. ول ەل قامىن ويلاي بىلەتىن, ءبىلىمى, ءتاجى­ريبەسى, قايرات-جىگەرى مول, الدىنا قويعان ماقسات-ماسەلەلەردى شەشە الاتىن ازامات. ومىرزاق وزعانباەۆ, رەسپۋبليكالىق ارداگەرلەر ۇيىمى ورتالىق كەڭەسىنىڭ توراعاسى. جاريالانىم اقىسى دەپۋتات­تىققا كانديداتتىڭ جەكە سايلاۋ قورىنان تولەندى.