كوكشەتاۋ گۇلمەن كومكەرىلەدى

شاھاردا 20 مىڭ شارشى مەترگە جۋىق الاڭدا گۇلزارلار پايدا بولماق كوكشەتاۋ قالاسىنداعى «زە­لەن­­ستروي» جانە «جاسىل ەل نس» جاۋاپكەرشىلىگى شەكتەۋلى سە­رىك­­­تەستىكتەرى بيىلعى كوكتەم­نەن ءوندىرىس اۋقىمىن كەڭەيتۋگە نيەتتى. جەر ءجىبىپ, كۇن جىلىنى­سىمەن قاۋرىت جۇمىستار قولعا الىنىپ, قالا اۋماعىندا 20 مىڭ شارشى مەتر الاڭدا جۇپار ءيىستى گۇلزارلار پايدا بولادى. سو­نىمەن قاتار, قوسىمشا 5 مىڭ شارشى مەتر اۋماقتا كوك وسكىندەر ەگۋ دە قامداستىرىلعان. بۇل ورايدا, بارلىق وسكىن مەن كوكجەلەك قالا كوركىن اشا تۇسەر جوعارى تالعاممەن تاڭدالۋدا. اسىرەسە, قالا قاقپاسى سانالاتىن تەمىرجول, اۋەجاي, اۆتوبەكەت پەن مادەني-كوپشىلىك ورىندار الدىنداعى الاڭدار الۋان ءتۇرلى گۇلدەرمەن كومكەرىلۋ جايى نازارعا الىندى. بۇل ماقساتتا وسكىندەردىڭ جەتكىلىكتى قورى قامتاماسىز ەتىلەدى. وتكەن جىلى «زەلەنستروي» سە­رىك­تەستىگى 12 مىڭ شارشى مەتر­گە گۇل وسكىندەرىن وتىر­عىز­عان ەدى. ايتكەنمەن, ءوڭىر باس­شىسىنىڭ تاپسىرماسىمەن كۇز ايلارىندا, تاعى دا 4 مىڭ شارشى مەترگە بالاۋسا گۇلدەر مەن كوك كىلەمدەردىڭ وتىر­عىزىلعاندىعىن ايتا كەتكىمىز كەلەدى. جشس بيىلعى مىندەتتى دە ورىنداپ شىعاتىنى داۋسىز. وعان «زەلەنسترويدىڭ» 2600 شارشى مەترلىك جاقسى جابدىقتالعان وسكىندەر جىلىجايى مەن ءوز ىسىنە بەرىلگەن ماماندارى تولىق نەگىز بولا الادى. جالپى, اتالعان ۇجىم سوڭعى ەكى جىلدا 82 ميلليون تەڭگەنىڭ 1650 مىڭ ءتۇپ گۇل مەن جاسىل جەلەك كوشەتتەرىن وتىرعىزدى. سونداي-اق, «جاسىل ەل نس» جشس 2015 جىلى 500 تۇپتەن استام سايالى اعاش پەن 4 مىڭ شارشى مەترلىك گۇل الاڭىن وتىر­عىزۋدى قامتاماسىز ەتكەن. سەرىكتەستىك الداعى جىلدارى ءوندىرىس الاڭىنىڭ اۋقىمىن 10 مىڭ شارشى مەترگە جەتكىزۋدى جوسپارلاپ وتىر. باقبەرگەن امالبەك, «ەگەمەن قازاقستان». اقمولا وبلىسى. سۋرەتتى تۇسىرگەن