ەلباسى «ماكدونالدس» مەيرامحاناسىندا بولدى

مەملەكەت باسشىسى نۇرسۇلتان نازارباەۆ «ماكدونالدس» جىلدام ازىرلەنەتىن تاعام مەيرامحاناسىنا باردى, دەپ حابارلادى پرەزيدەنتتىڭ ءباسپاسوز قىزمەتى. مەملەكەت باسشىسى «ماك­دونالدس» كورپوراتسياسىنىڭ قا­زاق­ستانداعى العاشقى كاسىپور­نى جۇمىسىمەن تانىسىپ, ەڭبەك ۇجىمىمەن اڭگىمەلەستى. مەيرامحانا اۋدانى 863 شارشى مەتر اۋماقتى الىپ جاتىر, كەلۋشىلەر ءۇشىن وتىرۋعا لايىقتالعان 206 ورىن بار. ونى بەزەندىرۋگە جاڭا تۇجىرىمدارعا نەگىزدەلگەن ديزايندار, سونداي-اق, كەلۋشىلەرگە قىزمەت كورسەتۋدەگى ەڭ زاماناۋي جۇيەلەر قولدانىلعان. كومپانيانىڭ ەكىنشى مەيرامحاناسىن دا 2016 جىلى اشۋ جوسپارلانعان, ال تاياۋ بەس جىلدا تاعى 15 مەيرامحانا اشۋ كوزدەلىپ وتىر. «ماكدونالدستىڭ» قازاق­ستان­داعى مەيرامحانالارىنا ازىق-ت ۇلىك سىننان وتكەن ءونىم جەت­كىزۋ­شى­لەردەن كەلەتىن بولادى. سونى­مەن بىرگە, جەرگىلىكتى ءوندى­رۋ­شىلەر بازاسىن دامىتۋ جۇ­مىستارى جالعاسۋدا. مەيرامحانانىڭ استاناداعى رەسمي اشىلۋ ءراسىمى 8 ناۋرىزدا ءوتتى. * * * «ماكدونالدس» – قوعامدىق تاماقتاندىرۋ جانە جىلدام قىز­مەت كورسەتۋ سالاسىنداعى الەمدىك كوشباسشىلاردىڭ ءبىرى. الەمنىڭ 120 ەلىندە كومپانيانىڭ 36 مىڭ كاسىپورنى كەلۋشىلەرگە قىزمەت كورسەتەدى.