ۇلتتىق وليمپيادالىق كوميتەت پەن «قازاقستان» رترك مەموراندۋم جاساستى

استانا. 9 ناۋرىز. مادەنيەت جانە سپورت ءمينيسترى ارىستانبەك مۇحامەدي ۇلى, ۇلتتىق وليمپيادالىق كوميتەتىنىڭ باس حاتشىسى دانيار ابىلعازين جانە «قازاقستان» رترك» اق باسقارما ءتورايىمى نۇرجان مۇحامەدجانوۆا حالىق اراسىندا سپورتتى دامىتۋ مەن ىلگەرىلەتۋ جونىندەگى ۇشجاقتى مەموراندۋمعا قول قويدى. بۇل تۋرالى egemen.kz ءتىلشىسى حابارلادى. مەموراندۋم شەڭبەرىندە قازاقستان رەسپۋبليكاسىندا دەنە شىنىقتىرۋ مەن سپورتتى, سالاماتتى ءومىر سالتىن دامىتۋعا ارنالعان جۇمىستاردى بىرىگىپ جاساۋ, ەلىمىزدە سپورتتى دامىتۋ, وليمپيادالىق قوزعالىستى, بۇقارالىق سپورتتىق ءىس-شارالاردى تەلەۆيدەنيەدە ناسيحاتتاۋ ارقىلى دامىتۋ جوسپارلانىپ وتىر. سونىمەن بىرگە باسىم باعىت رەتىندە ەلىمىزدىڭ وليمپيادالىق سپورت تۇرلەرىنەن ۇلتتىق قۇراما كوماندالارىنا باسا نازار اۋدارىلماق. مەموراندۋمدا سپورتشىلاردىڭ تەلەۆيزيالىق جوبالارعا, ساراپتامالىق باعدارلامالار, جاڭالىق سيۋجەتتەرىنە قاتىسۋىن قامتاماسىز ەتۋ قاراستىرىلدى. «كazsport» تەلەارناسىندا جاڭادان ارنايى باعدارلامالار (وتباسىلىق, ساۋىقتىرۋ) اشۋ كوزدەلگەن. سونداي-اق ارىپتەستىك مەموراندۋمىنا سايكەس «قازاقستان» رترك اق مينيسترلىك نەمەسە ۇوك وتكىزەتىن سپورتتىق شارالاردىڭ باستى اقپاراتتىق سەرىكتەسى بولادى. داستان كەنجالين. دەرەك: «قازاقستان» رترك سۋرەت: egemen.kz