گەرمانيادا ەلىمىزدىڭ ازاماتتارى ءۇشىن سايلاۋ بولىمشەلەرى اشىلادى

استانا. 9 ناۋرىز. گەرمانيادا 20 ناۋرىز كۇنى ەكى سايلاۋ بولىمشەسى اشىلادى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى. ەلىمىزدەگى پارلامەنت ءماجىلىسىنىڭ دەپۋتاتتارىن سايلاۋ كەزىندە ەل ازاماتتارى ءوز داۋىستارىن بەرلين مەن مايندەگى فرانكفۋرت قالالارىندا بەرە الادى. مۇنداعى بولىمشەلەرگە بارلىعى 400 ادام كەلەدى دەپ جوسپارلانعان. ولاردىڭ اراسىندا ەلشىلىك قىزمەتكەرلەرى مەن شەت مەملەكەتتە تۇرىپ جاتقان ستۋدەنتتەر بار. جالپى, بەرليندەگى سايلاۋ كوميسسياسىنىڭ مۇشەلەرى انىقتالدى. ال بۇگىندە سايلاۋشىلار ءتىزىمى جاساقتالىپ جاتىر. كوميسسيا توراعاسى داۋرەن كارىپوۆتىڭ حابارلاۋىنشا, نەمىس جەرىندە قازاقستاندا وتەتىن سايلاۋ جايلى ناسيحات پەن ونداعى باۋىرلارىمىزدى اقپاراتتاندىرۋ جۇمىستارى بەلسەندى اتقارىلۋدا. سونداي-اق, ول «ءبىزدىڭ كونسۋلدىق ءبولىمنىڭ قىزمەتكەرلەرى مەن باس كونسۋلدىقتىڭ قىزمەتكەرلەرى كونسۋلدىق تىركەۋدە تۇرعان ازاماتتارعا حابارلاسىپ, 20 ناۋرىزدا سايلاۋ تۋرالى حاباردار ەتىپ وتىر. ەلشىلىك سايتىنا ايدار پاراقشاسىن ورناتتىق. ول ەكى بولىمنەن تۇرادى. بىرىنشىسىندە سايلاۋ بولاتىندىعى تۋرالى حابارلاما ىلدىك, ەكىنشىسىندە كۇندەلىكتى سايلاۋعا قاتىستى اقپاراتتار ورناتىلادى. بۇل مالىمەتتەر كۇندە جاڭارتىلىپ تۇرادى», – دەدى. ايتا كەتەيىك, شەت ەلدەگى قازاقستاننىڭ ازاماتتارى 20 ناۋرىزدا وتەتىن سايلاۋعا قاتىسۋعا بەلسەندى بولىپ وتىر. تالعات رايىمبەك. دەرەك, سۋرەت: 24.kz.