تۋنيستە لاڭكەستەردىڭ ارەكەتىنەن 50 ادام قازا تاپتى

استانا. 8 ناۋرىز. ءتۋنيستىڭ ليۆيامەن شەكارالاس جاتقان بەن-گەردان قالاسىندا لاڭكەستىك ۇيىمداردىڭ شابۋىلىنان 50 ادام قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. مەرت بولعانداردىڭ اراسىندا 35 سودىر, 7 بەيبىت تۇرعىن جانە بيلىك اسكەرىنىڭ 7 ساربازى بار. سونداي-اق, 12 جاسار بالانىڭ دا قازا تاپقانى انىقتالدى. كۋاگەرلەردىڭ ايتۋىنشا, قالاعا شابۋىل جاساعان لاڭكەستەر ەشكىمگە قاراماستان وق جاۋدىرعان, سونداي-اق, العا قويعان ماقساتتارىنا جەتۋ ءۇشىن بارىن سالاتىندارىن ايتقان. بۇل ءىس جوسپارلى تۇردە جۇزەگە اسقان. وقيعا ورنىندا ازىرگە تەرگەۋ امالدارى ءجۇرىپ جاتىر. الدىن الا بولجام بويىنشا, «يراك پەن لەۆانت» ەكسترەميستىك توپتارىنىڭ ءىسى بولۋى مۇمكىن. قازىر بەن-گەردان قالاسىندا كومەنداتتىق ساعات جاريالاندى. ايتا كەتەيىك, وسىدان بىرنەشە كۇن بۇرىن اتالعان توپ سيريانىڭ سولتۇستىك-شىعىسىنداعى ەلەكتر ستانتسياسىن باسىپ الىپ, تاسجولدى جاۋىپ تاستاعان. سيريادا باشار اساد ۇكىمەتى مەن وپپازيتسيالىق كۇشتەردىڭ اراسىندا بەيبىت كەلىسىم ورنادى. الايدا, بۇل كەلىسىمنىڭ «يراك پەن لەۆانت» لاڭكەستىك ۇيىمىنا ەش قاتىسى جوق. ايان ءابدۋالي. دەرەك: تاسس. سۋرەت: news.mail.ru.