كاسساتسيالىق تارتىپپەن سوت اكتىسىنىڭ زاڭدىلىعىن تەكسەرۋ بارىسىندا جىمقىرىلعان قاراجاتتىڭ 127 ملن تەڭگە سوماسى باسقا زاڭدى تۇلعانىڭ بانك شوتتارىنان انىقتالدى. پروكۋروردىڭ كاسساتسيالىق نارازىلىعى بويىنشا سوت اكتىلەرى وزگەرتىلىپ, كورسەتىلگەن قاراجات مەملەكەت كىرىسىنە ءوندىرىلدى.
ءىس الماتىداعى «سارىارقا» جانە «دوستىق» مەترو ستانتسيالارىن سالۋ كەزىندە قاراجات جىمقىرۋعا بايلانىستى. 2024 جىلدىڭ ماۋسىمىندا المالى اۋداندىق سوتى 10 ايىپتالۋشىعا – «مەتروپوليتەن» كمك, «الماتىمەتروقۇرىلىس» اق جانە «اۆتوماتيزاتسيا جانە تەحنولوگيالار سەرۆيس» جشس باسشىلارىنا قاتىستى ۇكىم شىعارعان ەدى.
باس كولىك پروكۋراتۋراسىنىڭ دەرەگىنشە, 2018 جىلدىڭ ماۋسىمىنان 2020 جىلدىڭ تامىزىنا دەيىن سحەماعا قاتىسۋشىلار قاراجاتتى جالعان فيرمالار ارقىلى شىعارىپ وتىرعان. جالپى كەلتىرىلگەن شىعىن 5 ملرد تەڭگە دەپ باعالانعان.
نەگىزگى ايىپتالۋشىلار 7 جىلدان 8 جىلعا دەيىن باس بوستاندىعىنان ايىرىلدى. سونداي-اق سوت 1 ملرد تەڭگەدەن استام سوماداعى تىيىم سالىنعان م ۇلىكتى تاركىلەۋدى جانە كەلتىرىلگەن شىعىندى ورتاق تارتىپتە ءوندىرۋدى مىندەتتەگەن.
ىلە الاتاۋىنىڭ تاۋ بوكتەرىندەگى جەر تەلىمى مەملەكەتكە قايتارىلدى
«سارىارقا» مەترو ستانتسياسى 2022 جىلدىڭ مامىرىندا «دوستىق» ستانتسياسىمەن بىرگە اشىلعان. كەيىن «دوستىق» ستانتسياسى «باۋىرجان مومىش ۇلى» دەپ قايتا اتالدى.
