اتىراۋ وبلىستىق سپورتتىق جانە ءداستۇرلى كاراتە فەدەراتسياسىنىڭ مالىمەتىنە سۇيەنسەك, 45-54 جاستاعى ارداگەرلەر اراسىنداعى دودا شوتوكان كاراتەنىڭ «شوبۋ يپون» باعدارلاماسىمەن وتكەن.
«الەم چەمپيوناتى 22-26 ساۋىردە ىستامبۇل قالاسىندا ءوتتى. بۇل سايىستا اتىراۋ سپورتشىسى مارات مۋرزيەۆ ءۇش جەكپە-جەك وتكىزدى. العاشقى كەزدەسۋدە انگليا ەلىنىڭ وكىلىن 2:0 ەسەبىمەن جەڭدى. كەيىن تۇركيا سپورتشىسىن ۇتتى. فينالدا كوت-د’يۆۋار ەلىنەن قاتىسقان قارسىلاسىن ايقىن باسىمدىقپەن جەڭىپ, الەم چەمپيونى اتاندى. بۇل ناتيجە – جوعارى دايىندىق دەڭگەيى مەن سپورتتىق تاجىريبەنىڭ ايقىن دالەلى», دەپ حابارلادى اتالعان فەدەراتسيادان.
مارات مۋرزيەۆ ەڭبەك جولىن 2003 جىلى اتىراۋ وبلىستىق تابيعات قورعاۋ پروكۋرورىنىڭ كومەكشىسى قىزمەتىنەن باستاعان.
پرەمەر-ليگا: يتاليادا كاراتەشى سوفيا بەرۋلتسەۆا التىننان القا تاقتى
كەيىن باتىس قازاقستان جانە اتىراۋ وبلىسىنىڭ اكىمدىگىندە ءتۇرلى لاۋازىمدى اتقاردى. 2017 جىلى يساتاي اۋدانىنىڭ اكىمى, 2021 جىلى قۇرمانعازى اۋدانىنىڭ اكىمى بولىپ تاعايىندالدى. ال 2023 جىلعى 28 ساۋىردەن بەرى اتىراۋ وبلىسى اكىمىنىڭ ورىنباسارى لاۋازىمىن اتقارىپ كەلەدى.
