فوتو: اشىق دەرەككوز
دەپۋتاتتىڭ ايتۋىنشا, جوعارى اۋديتورلىق پالاتانىڭ دەرەكتەرىنە سايكەس, مەملەكەت بىرىڭعاي جوعارى ءبىلىم پلاتفورماسىن تەگىن الۋى ءتيىس بولعان. الايدا كەيىننەن جۇيەگە قاتىستى قۇقىقتار مەملەكەتتىك ەمەس, جەكە تۇلعانىڭ اتىنا راسىمدەلگەن. سونىڭ سالدارىنان مەملەكەت ماڭىزدى تسيفرلىق رەسۋرسقا يەلىك ەتۋ قۇقىعىنان ايىرىلعان.
سونداي-اق بازاربەك كونكۋرسقا قاتىسقان ەكى كومپانيا – Flowport جانە Platonus جشس-ءنىڭ قۇرىلتايشىسى ءبىر ادام ەكەنىن اتاپ ءوتتى. ونىڭ پىكىرىنشە, فورمالدى تۇردە باسەكەلەستىك بولعانىمەن, ءىس جۇزىندە كونكۋرسقا ءوزارا بايلانىستى قۇرىلىمدار عانا قاتىسقان.
«تەحنيكالىق تالاپتار تىم تار شەڭبەردە جازىلعان, سونىڭ سالدارىنان باسقا كومپانيالار قاتىسا المايدى. قازىر 100-دەن استام جوعارى وقۋ ورنى وسى جۇيە ارقىلى جۇمىس ىستەيدى. بۇل – ەلەۋلى ماسەلە», دەدى دەپۋتات.
ءوز كەزەگىندە عىلىم جانە جوعارى ءبىلىم ءمينيسترى ساياسات نۇربەك بۇل ماسەلەنىڭ بولعانىن مويىندادى. ونىڭ ايتۋىنشا, مينيسترلىكتەر قايتا قۇرىلعان كەزدە جۇيە باسقا ۆەدومستۆونىڭ قاراماعىندا قالىپ, جاڭا پلاتفورما جەدەل تۇردە جاسالعان. قۇقىقتاردى راسىمدەۋ بارىسىندا تەحنيكالىق قاتەلىك كەتكەن.
مينيستر قازىرگى تاڭدا اتالعان ماسەلە تولىق شەشىلگەنىن, ياعني جۇيەگە قاتىستى بارلىق م ۇلىكتىك قۇقىقتار مەملەكەتكە بەرىلگەنىن ايتتى. سونىمەن قاتار جوعارى اۋديتورلىق پالاتانىڭ ەسكەرتۋلەرىنەن كەيىن كونكۋرس شارتتارى قايتا قارالىپ, جاڭا ساتىپ الۋ اشىق تۇردە وتكىزىلەتىنىن جەتكىزدى.
دەپۋتات: ستاتسيوناردان شىققان ناشاقورلارعا الەۋمەتتىك قولداۋ قاجەت
الايدا دەپۋتات بۇل جاۋاپقا قاناعاتتانباي, ماسەلەنىڭ بۇرىن جاسالعان كەلىسىمشارتقا قاتىستى ەكەنىن تاعى دا كوتەردى. مينيستر ءوز كەزەگىندە بارلىق ەسكەرتۋلەر ورىندالعانىن جانە كونكۋرس تالاپتارى تۇزەتىلەتىنىن قايتالادى.
