LRT اتاۋلى كولىك كارتاسىن ەلوردانىڭ ءبىلىم بەرۋ ۇيىمدارىنىڭ 7 جاستان 18 جاسقا دەيىنگى وقۋشىلارى, سونداي-اق قولدانىستاعى زاڭناماعا سايكەس جەڭىلدىك ساناتتارىنا جاتاتىن, استانا قالاسىندا تىركەلگەن جانە تۇراقتى تۇراتىن ازاماتتارى الا الادى.
كارتانىڭ دايىن بولعانى تۋرالى پايدالانۋشى ءوتىنىم بەرۋ كەزىندە كورسەتكەن تەلەفون نومىرىنە SMS-حابارلاما كەلەدى.
كارتانى دايىنداۋ قۇنى − 1200 تەڭگە.
ءوتىنىم بەرۋ تەك ونلاين فورماتتا https://transcard.kz رەسمي سايتى ارقىلى جۇزەگە اسىرىلادى. راسىمدەۋ ءۇشىن مالىمەتتەردى تولتىرىپ, قاجەتتى قۇجاتتاردى تسيفرلىق فورماتتا تىركەۋ جانە كارتانى الۋ ءۇشىن ىڭعايلى پۋنكتتى (جاقىن اۋداندىق اكىمدىك) تاڭداۋ قاجەت.
قىزمەتتىڭ قولجەتىمدىلىگىن ارتتىرۋ ماقساتىندا قالانىڭ 6 اۋداندىق اكىمدىگىندە دايىن كارتالاردى بەرۋ ورىندارى ۇيىمداستىرىلدى. دايىن بولعان كارتالار سوندا جىبەرىلەدى.
كارتانى پايدالانۋشى ءوتىنىم بەرۋ كەزىندە تاڭدالعان ءتيىستى اۋداندىق اكىمدىكتەن الادى.
LRT اتاۋلى كولىك كارتاسى تەك LRT-مەن جۇرۋگە ارنالعان جانە قالالىق باعدارلارعا جارامسىز.
ءبىر رەتتىك بيلەتتەر LRT ىسكە قوسىلعاننان كەيىن بەرىلەدى
باسقا جولاۋشىلار ءۇشىن جول جۇرۋگە ارنالعان كولىك كارتالارى مەن ءبىر رەتتىك بيلەتتەر LRT ىسكە قوسىلعاننان كەيىن ستانسالاردا قولجەتىمدى بولادى.
«سونداي-اق, كاسساعا جۇگىنبەي تۋرنيكەتتەردەن وتۋگە مۇمكىندىك بەرەتىن بالامالى تولەم تاسىلدەرى قاراستىرىلعان. تولەم تاسىلدەرى تۋرالى قوسىمشا حابارلانادى», دەلىنگەن City Transportation Systems حابارلاماسىندا.
