بۇگىن فۋتبولدان قازاقستان سۋپەركۋبوگى ساراپقا سالىنادى

استانا. 8 ناۋرىز. بۇگىن فۋتبولدان ەلىمىزدىڭ قازىرگى چەمپيونى «استانا» كومانداسى مەن قازاقستان كۋبوگىنىڭ يەگەرى الماتىنىڭ «قايراتى» قازاقستان سۋپەركۋبوگىن ساراپقا سالادى. «استانا ارەنا» ستاديونىندا وتەتىن ماتچ جەرگىلىكتى ۋاقىتپەن ساعات 15:00-دە باستالادى. بۇل تۋرالى egemen.kz ءتىلشىسى حابارلادى. اتالعان ويىنعا وزبەكستاننىڭ تانىمال تورەشىسى راۆشان يرماتوۆ قازىلىق ەتەدى. ودان بولەك, ماتچ وتەتىن ۋاقىتتا قالادا كولىك قوزعالىسى شەكتەلەتىنىن اتاپ وتكەن ءجون. ناقتى ايتقاندا, ساعات 13:00-دەن باستاپ قابانباي باتىر جانە تۇران داڭعىلدارى بويىندا كەرەي مەن جانىبەك حاندار كوشەسىنەن حۋسەين بەن تالال كوشەسىنە دەيىنگى بولىگىندە كولىك قوزعالىسى توقتاتىلادى. جولدار ماتچ سوڭىنا دەيىن جابىق بولادى. سوندىقتان اۋەجايعا باراتىن استانالىقتارعا جانە جاقىن ماڭداعى ەلدى مەكەندەردىڭ تۇرعىندارىنا پوليتسەيلەر اينالىپ ءوتۋ جولدارىن الدىن الا جوسپارلاۋدى ۇسىنادى. ەڭ ىڭعايلى جول – ورىنبور كوشەسى ارقىلى ءجۇرۋ. ءداستۇر بويىنشا فۋتبول اۋەسقويلارى ءۇشىن ارنايى ترانسفەر ۇيىمداستىرىلادى. اۆتوبۋستار جانكۇيەرلەردى بەس جەردەن الىپ كەتەدى. ولار: «قازاقستان» سپورت سارايىنىڭ, قاجىمۇقان مۇڭايتپاسوۆ اتىنداعى ستاديوننىڭ, «ازىرەت سۇلتان» جانە «نۇر استانا» مەشىتتەرىنىڭ, سونداي-اق, ەلوردالىق تسيركتىڭ اۆتوتۇراقتارى. ەلامان قوڭىر. دەرەك: egemen.kz. سۋرەت: vesti.kz.