جازۋشى يۋري كۋشاك قايتىس بولدى

استانا. 8 ناۋرىز. جازۋشى, اقىن, اۋدارماشى يۋري كۋشاك 79 جاسىندا قايتىس بولدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. العاش بولىپ, بۇل حاباردى جازۋشىنىڭ ۇلى facebook الەۋمەتتىك جەلىسىندە حابارلادى. «بۇگىن اكەم يۋري كۋشاك قايتىس بولى. 19 ءساۋىر كۇنى 80 جاسقا تولار ەدى. جازۋشى, اۋدارماشى, «حح عاسىردىڭ ساتيرالىق جانە ءازىل-وسپاق جيناعى» («انتولوگيا ساتيرى ي يۋمورا حح ۆەكا») كىتابىنىڭ اۆتورى, جان-جاقتى ادام ەدى. تەڭىزشى, بوكسشى دا بولاتىن. كوپشىلىكتىڭ ىستىق ىقىلاسىنا بولەنگەن جان بولاتىن», – دەدى جازۋشىنىڭ ۇلى. ونىڭ العاشقى ولەڭدەرى 1955 جىلى جاريالانعان. «قۇمىرسقالار شىراقشىسى» («مۋراۆينىي فونارششيك), «پوشتالىق تاريح», («پوچتوۆايا يستوريا»), «جولداستار ءۇيى» («دوم درۋزەي») سىندى بالالارعا ارنالعان كىتاپتاردىڭ اۆتورى. يۋري كۋشاك ەڭبەگى ءۇشىن كورنەي چۋكوۆسكي اتىنداعى «التىن وستاپ» جانە «زامانۋي پوەزياداعى كورنەكتى جەتىستىگى» سىيلىقتارىنىڭ يەگەرى اتانعان. ايان ءابدۋالي. دەرەك, سۋرەت: ريا «نوۆوستي».