«قازاقستان رەسپۋبليكاسى ۇلتتىق بانكى» باسقارماسىنىڭ قاۋلىسى  № 224

2015 جىلعى 19 جەلتوقسان,  الماتى قالاسى قازاقستان رەسپۋبليكاسىنىڭ كەيبىر نورماتيۆتىك قۇقىقتىق اكتىلەرىنە وزگەرىستەر ەنگىزۋ تۋرالى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2015 جىلعى 2 تامىزداعى قازاقستان رەسپۋبليكاسىنىڭ زاڭىن ىسكە اسىرۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى: 1. «باعالى قاعازداردى ۇستاۋشىلار تىزىلىمدەرىنىڭ جۇيەسىن جۇرگىزۋ جونىندەگى قىزمەتتى جۇزەگە اسىراتىن ۇيىمنىڭ تاۋەكەلدەردى باسقارۋ جۇيەسىنىڭ بولۋىنا قويىلاتىن تالاپتاردى بەكىتۋ جانە قازاقستان رەسپۋبليكاسىنىڭ كەيبىر نورماتيۆتىك قۇقىقتىق اكتىلەرىنە وزگەرىستەر ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2012 جىلعى 24 تامىزداعى № 276 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7993 تىركەلگەن, «ەگەمەن قازاقستان» 2012 جىلعى 27 جەلتوقسان № 852-856 (27927) گازەتىندە جاريالانعان) مىناداي وزگەرىس ەنگىزىلسىن: كورسەتىلگەن قاۋلىمەن بەكىتىلگەن باعالى قاعازداردى ۇستاۋشىلار تىزىلىمدەرىنىڭ جۇيەسىن جۇرگىزۋ جونىندەگى قىزمەتتى جۇزەگە اسىراتىن ۇيىمنىڭ تاۋەكەلدەردى باسقارۋ جۇيەسىنىڭ بولۋىنا قويىلاتىن تالاپتاردا: 16-تارماق مىناداي رەداكتسيادا جازىلسىن: «16. قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىلدارعا باعىتتالعان راسىمدەرگە مىنالار كىرەدى, بىراق ولارمەن شەكتەلمەيدى: 1) ەگەر وپەراتسيا «قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى» 2009 جىلعى 28 تامىزداعى قازاقستان رەسپۋبليكاسى زاڭىنىڭ (بۇدان ءارى – كىرىستەردى جىلىستاتۋعا قارسى ءىس-قيمىل تۋرالى زاڭ) 4-بابىنىڭ 1-تارماعىندا بەلگىلەنگەن كريتەريلەرگە سايكەس كەلگەن جاعدايدا, كىرىستەردى جىلىستاتۋعا قارسى ءىس-قيمىل تۋرالى زاڭعا سايكەس كليەنتتەردى سايكەستەندىرۋ جانە ولاردىڭ وپەراتسيالارىنىڭ مونيتورينگىن جۇرگىزۋ; 2) كىرىستەردى جىلىستاتۋعا قارسى ءىس-قيمىل تۋرالى زاڭعا سايكەس قارجىلىق مونيتورينگتى جۇزەگە اسىراتىن جانە قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل بويىنشا وزگە شارالاردى قابىلدايتىن مەملەكەتتىك ورگانعا قارجىلىق مونيتورينگكە جاتاتىن وپەراتسيالار تۋرالى, ونىڭ ىشىندە, كۇماندى وپەراتسيالار تۋرالى مالىمەتتەر مەن اقپارات بەرۋ.». 2. «قازاقستان رەسپۋبليكاسىندا قولما-قول شەتەل ۆاليۋتاسىمەن ايىرباستاۋ وپەراتسيالارىن ۇيىمداستىرۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2014 جىلعى 16 شىلدەدەگى № 144 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9801 تىركەلگەن, 2014 جىلعى 12 قاراشادا نورماتيۆتىك قۇقىقتىق اكتىلەرىنىڭ «ادىلەت» اقپاراتتىق-قۇقىقتىق جۇيەسىندە جاريالانعان) مىناداي وزگەرىس ەنگىزىلسىن: كورسەتىلگەن قاۋلىمەن بەكىتىلگەن قازاقستان رەسپۋبليكاسىندا قولما-قول شەتەل ۆاليۋتاسىمەن ايىرباستاۋ وپەراتسيالارىن ۇيىمداستىرۋ قاعيدالارىندا: 51-تارماقتىڭ ەكىنشى بولىگى مىناداي رەداكتسيادا جازىلسىن: «تىزىلىمدەر جۋرنالى ايىرباستاۋ پۋنكتىنىڭ ءاربىر وپەراتسيالىق كاسساسىندا جانە كومپيۋتەرلىك جۇيە شەڭبەرىندە ءاربىر اۆتوماتتاندىرىلعان ايىرباستاۋ پۋنكتىندە جەكە-جەكە جۇرگىزىلەدى. بۇل رەتتە تىزىلىمدەر جۋرنالىن قالىپتاستىرۋدىڭ باعدارلامالىق-اپپاراتتىق قۇرالدارى كۇن سايىنعى تۇزەتىلمەيتىن تىركەۋدى جانە جاسالعان ايىرباستاۋ وپەراتسيالارى جونىندەگى اقپاراتتىڭ ەنەرگياعا تاۋەلسىز ساقتالۋىن ولاردى جاساعان كۇننەن باستاپ بەس جىل ىشىندە قامتاماسىز ەتەدى.». 3. «ەميسسيالىق باعالى قاعازدارمەن مامىلەلەردى باعالى قاعازداردى نومينالدى ۇستاۋدى ەسەپكە الۋ جۇيەسىندە تىركەۋ, نومينالدى ۇستاۋشىنىڭ باعالى قاعازداردى نومينالدى ۇستاۋدى ەسەپكە الۋ جۇيەسىندەگى باعالى قاعازداردى ۇستاۋشىنىڭ جەكە شوتىنان ءۇزىندى-كوشىرمەنى بەرۋ جانە نومينالدى ۇستاۋشىنىڭ اقپاراتتى جاريا ەتۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2014 جىلعى 22 قازانداعى № 210 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9876 تىركەلگەن, 2014 جىلعى 28 قاراشادا نورماتيۆتىك قۇقىقتىق اكتىلەرىنىڭ «ادىلەت» اقپاراتتىق-قۇقىقتىق جۇيەسىندە جاريالانعان) مىناداي تولىقتىرۋلار مەن وزگەرىس ەنگىزىلسىن: كورسەتىلگەن قاۋلىمەن بەكىتىلگەن ەميسسيالىق باعالى قاعازدارمەن مامىلەلەردى باعالى قاعازداردى نومينالدى ۇستاۋدى ەسەپكە الۋ جۇيەسىندە تىركەۋ, نومينالدى ۇستاۋشىنىڭ باعالى قاعازداردى نومينالدى ۇستاۋدى ەسەپكە الۋ جۇيەسىندەگى باعالى قاعازداردى ۇستاۋشىنىڭ جەكە شوتىنان ءۇزىندى-كوشىرمەنى بەرۋ جانە نومينالدى ۇستاۋشىنىڭ اقپاراتتى جاريا ەتۋ قاعيدالارىندا: 2-تارماق مىناداي رەداكتسيادا جازىلسىن: «2. نومينالدى ۇستاۋشى كليەنتپەن نومينالدى ۇستاۋ تۋرالى شارت جاساسقاننان كەيىن نومينالدى ۇستاۋدى ەسەپكە الۋ جۇيەسىندە كليەنتكە جەكە شوت جانە ورتالىق دەپوزيتاريدىڭ ەسەپكە الۋ جۇيەسىندە كليەنتتىڭ قوسالقى شوتىن اشادى. ورتالىق دەپوزيتاريدىڭ ەسەپكە الۋ جۇيەسىندە قوسالقى شوتتى اشۋ ءۇشىن نومينالدى ۇستاۋشى ورتالىق دەپوزيتاريگە قاعيدالاردىڭ 5-تارماعىنىڭ تالاپتارىنا سايكەس ونى اشۋ ءۇشىن قاجەتتى بارلىق دەرەكتەمەلەردى كورسەتە وتىرىپ, كليەنت تۋرالى مالىمەتتەر بەرەدى. جاسىرىن جەكە شوتتاردى جانە قوسالقى شوتتاردى, سونداي-اق ويدان شىعارىلعان اتتارعا جەكە شوتتاردى جانە قوسالقى شوتتاردى اشۋعا جول بەرىلمەيدى.»; 29-تارماق مىناداي رەداكتسيادا جازىلسىن: «29. نومينالدى ۇستاۋشى جەكە شوتتاعى ۇستاۋشى تۋرالى مالىمەتتەردىڭ وزگەرۋى جونىندەگى وپەراتسيانى اتالعان تۇلعانىڭ ول جونىندەگى مالىمەتتەردىڭ وزگەرۋى تۋرالى بۇيرىقتىڭ جانە تىزبەسى نومينالدى ۇستاۋشىنىڭ ىشكى قۇجاتتارىمەن بەلگىلەنەتىن وسى وزگەرىستەردى راستاۋشى قۇجاتتار نەگىزىندە جۇرگىزەدى. نومينالدى ۇستاۋشى كليەنتتەرىنىڭ باعالى قاعازدارمەن مامىلەلەر بويىنشا ەسەپ ايىرىسۋلاردى جۇزەگە اسىرۋعا ارنالعان اقشاسىن نومينالدى ۇستاۋشىنىڭ قازاقستان رەسپۋبليكاسىنىڭ ۇلتتىق بانكىندە اشىلعان كوررەسپوندەنتتىك شوتىنان ونىڭ ورتالىق دەپوزيتاريدە اشىلعان كوررەسپوندەنتتىك شوتىنا اۋدارعان جاعدايدا, باعالى قاعازدارمەن مامىلەلەر بويىنشا ەسەپ ايىرىسۋلاردى جۇزەگە اسىرۋعا ارنالعان باعالى قاعازدار ۇستاۋشىلارىنىڭ بانكتىك دەرەكتەمەلەرىن وزگەرتۋ بولىگىندە ۇستاۋشى تۋرالى مالىمەتتەردى وزگەرتۋ بويىنشا وپەراتسيا وسى نومينالدى ۇستاۋشىنىڭ بۇيرىعى نەگىزىندە جۇزەگە اسىرىلادى. نومينالدى ۇستاۋشى جەكە شوتتاعى ينۆەستيتسيالىق پاي قورى تۋرالى مالىمەتتەردىڭ وزگەرۋى بويىنشا وپەراتسيانى وسى قوردىڭ باسقارۋشى كومپانياسىنىڭ قور تۋرالى مالىمەتتەردىڭ وزگەرۋى تۋرالى بۇيرىقتىڭ جانە تىزبەسى نومينالدى ۇستاۋشىنىڭ ىشكى قۇجاتتارىمەن بەلگىلەنەتىن وسى وزگەرىستەردى راستاۋشى قۇجاتتار نەگىزىندە جۇرگىزەدى.»; 42-تارماق مىناداي رەداكتسيادا جازىلسىن: «42. كىرىستەردى جىلىستاتۋعا قارسى ءىس-قيمىل تۋرالى زاڭدا كوزدەلگەن, تەرروريزمدى جانە ەكسترەميزمدى قارجىلاندىرۋعا بايلانىستى ۇيىمدار مەن ادامداردىڭ تىزبەسى نەگىزىندە بۇعاتتاۋ جانە بۇعاتتاۋدى الىپ تاستاۋ وپەراتسيالارىن قوسپاعاندا, نومينالدى ۇستاۋشى نومينالدى ۇستاۋ جۇيەسىندە باعالى قاعازداردى (ەميتەنتتىڭ ەميسسيالىق باعالى قاعازدار جونىندەگى مىندەتتەمەلەرى بويىنشا تالاپ ەتۋ قۇقىقتارىن) بۇعاتتاۋ جانە بۇعاتتاۋدى الىپ تاستاۋ بويىنشا وپەراتسيالاردى اتقارۋشىلىق ءىس جۇرگىزۋ تۋرالى زاڭنىڭ 65-بابى 6-1-تارماعىنىڭ تالاپتارىن ەسكەرە وتىرىپ, قازاقستان رەسپۋبليكاسىنىڭ زاڭناماسىمەن بەلگىلەنگەن ءتارتىپ بويىنشا وسىنداي قۇقىعى بار مەملەكەتتىك ورگانداردىڭ ءتيىستى قۇجاتتارىنىڭ نەمەسە كليەنتتىڭ بۇيرىعىنىڭ نەگىزىندە جۇرگىزەدى. بۇعاتتاۋ جونىندەگى وپەراتسيا جۇرگىزىلگەن كەزدە باعالى قاعازدار (ەميتەنتتىڭ ەميسسيالىق باعالى قاعازدار جونىندەگى مىندەتتەمەلەرى بويىنشا تالاپ ەتۋ قۇقىقتارى) «نەگىزگى» بولىمنەن باعالى قاعازداردى ۇستاۋشىلاردىڭ جەكە شوتىن «بۇعاتتاۋ» بولىمىنە اۋىستىرىلادى. بۇعاتتاۋدى الىپ تاستاۋ جونىندەگى وپەراتسيا جۇرگىزىلگەن كەزدە باعالى قاعازدار (ەميتەنتتىڭ ەميسسيالىق باعالى قاعازدار جونىندەگى مىندەتتەمەلەرى بويىنشا تالاپ ەتۋ قۇقىقتارى) «بۇعاتتاۋ» بولىمىنەن «نەگىزگى» بولىمگە اۋىستىرىلادى.». 4. باقىلاۋ جانە قاداعالاۋ ءادىسناماسى دەپارتامەنتى ء(ابدىراحمانوۆ ن.ا.) زاڭنامادا بەلگىلەنگەن تارتىپپەن: 1) قۇقىقتىق قامتاماسىز ەتۋ دەپارتامەنتىمەن (دوسمۇحامبەتوۆ ن.م.) بىرلەسىپ وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى قاۋلى رەسمي جاريالانعاننان كەيىن ونى قازاقستان رەسپۋبليكاسى ۇلتتىق بانكىنىڭ رەسمي ينتەرنەت-رەسۋرسىنا ورنالاستىرۋدى قامتاماسىز ەتسىن. 5. حالىقارالىق قاتىناستار جانە جۇرتشىلىقپەن بايلانىس دەپارتامەنتى (قازىباەۆ ا.ق.) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا رەسمي جاريالاۋعا جىبەرۋدى قامتاماسىز ەتسىن. 6. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى و.ا. سمولياكوۆقا جۇكتەلسىن. 7. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. ۇلتتىق بانك توراعاسى د.اقىشەۆ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 2 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12970 بولىپ ەنگىزىلدى.