العىس ايتۋ كۇنىنە ارنالعان اشىق ەسىك كۇنىنە ارقاۋ بولدى
كەشە ەلورداداعى «Astana Mall» ساۋدا ويىن-ساۋىق ورتالىعىندا استانا قالاسى قازاقستان حالقى اسسامبلەياسىنىڭ العىس ايتۋ كۇنىنە ارنالعان اشىق ەسىك كۇنى بولىپ ءوتتى. ايتۋلى شارا قازاقستاندىقتاردىڭ ەرەكشە اتاپ وتەتىن ماڭىزدى دا تاعىلىمدى كۇنىنە اينالىپ تا ۇلگەردى.
ءىس-شاراعا قازاقستان حالقى اسسامبلەياسىنىڭ مۇشەلەرى, مەملەكەتتىك ورگاندار مەن قالالىق ەتنومادەني بىرلەستىكتەر وكىلدەرى, استانا قالاسى قحا-نىڭ عىلىمي-ساراپشىلىق توبى, انالار كەڭەسى مەن قوعامدىق كەلىسىم كەڭەستەرى, عىلىمي جانە شىعارماشىلىق زيالى قاۋىم, قوعام قايراتكەرلەرى, سونداي-اق, قالا تۇرعىندارى مەن قوناقتارى قاتىستى. مۇنداعى نەگىزگى ماقسات – قازاقستان رەسپۋبليكاسىنىڭ مادەني مۇراسىن ساقتاپ, دارىپتەۋ. بۇل تۇرعىدا قازاقستان حالقى اسسامبلەياسى حاتشىلىعىنىڭ مەڭگەرۋشىسى ءلاززات قۇسايىنوۆا العىس ايتۋ كۇنىنە ارنالعان اشىق ەسىك كۇنى تۋرالى ويىن بىلايشا ءوربىتتى: «قازاقستان حالقى اسسامبلەياسىنىڭ العىس ايتۋ كۇنىنە ارنالعان بۇگىنگى اشىق ەسىك كۇنىنە قالامىزداعى ءتۇرلى ەتنوس وكىلدەرى جينالىپ, ءوزارا تاتۋلىق, بىرلىك پەن دوستىقتى, ورتاق ءۇيىمىز – قازاقستان رەسپۋبليكاسىنىڭ دامي بەرۋىنە, تاۋەلسىز جانە ازات ەل بولىپ قالا بەرۋىنە دەگەن قۇلشىنىستارىن تاعى ءبىر مارتە كورسەتىپ وتىر». سونىمەن بىرگە, ويىن-ساۋىق ورتالىعىنا جينالعان قاۋىمدى حالىق شىعارماشىلىعىنىڭ مول مۇراسىمەن تانىستىرۋ دا باستى ماقساتتاردىڭ ءبىرى بولسا كەرەك. بۇل ءوز كەزەگىندە قازاقستانداعى ەتنوستاردىڭ شىعارماشىلىق دامۋىنا جاعداي جاساۋعا وڭ ىقپال ەتىپ قانا قويماي, دارىندى ورىنداۋشىلار مەن كاسىبي شىعارماشىلىق ۇيىمداردى انىقتاۋعا وزىندىك سەبىن تيگىزەرى ايتپاسا دا تۇسىنىكتى. اتالعان عيمارات تورىندە ورناتىلعان ساحنادا ءارتۇرلى ەتنوس وكىلدەرى وزدەرىنىڭ ۇلتتىق كيىمدەرىمەن جينالعان كوپشىلىكتى ءان مەن بيگە بولەدى. بۇل ايتۋلى كۇندى اتاپ ءوتۋ ەلباسىنىڭ ۇتىمدى دا دەر كەزىندە قابىلداعان شەشىمى بولعاندىعىن ەرەكشە اتاپ كەتتى. سەبەبى, قازاق جەرىندە تۇرىپ جاتقان كوپتەگەن ەتنوس وكىلدەرى ەلباسى ساياساتىنا جانە قازاق حالقىنا شىن جۇرەكتەن العىس ايتادى. ويتكەنى, جان-جاقتان قونىس اۋدارىپ كەلگەن وزگە ەتنوس وكىلدەرى قازاق جەرىنەن ءوز باقىتتارىن تاپتى.
قازاقستان ازەربايجاندارى مادەني ورتالىقتارى وداعىنىڭ پرەزيدەنتى ۆيدادي سالاحوۆ مۇنداي مەرەكەلىك شارالار ەتنوستار اراسىن جاقىنداتىپ قانا قويماي, ەتنومادەني ورتالىقتارى وكىلدەرىن ءوزارا دوستاستىراتىندىعىمەن دە بولىسە كەتتى. شىنتۋايتىندا, بۇل مەرەكە ەلىمىزدە تۇرىپ جاتقان بارلىق تۇرعىندار اراسىن ءبىر بىرىمەن جاقىنداتا ءتۇسۋ. ارينە, تاريحي وتانىن تاستاپ, قازاق دالاسىنا قونىس اۋدارۋدىڭ وڭاي بولماعانى انىق. قازاق حالقى ءوز باسىنداعى قيىندىقتارعا قاراماستان, سىرتتان كەلۋشىلەرگە كومەك قولىن سوزدى. «ادامي تۇرعىدان كەلگەندە دە قازاق حالقىنا العىس ايتۋىمىز وتە ورىندى. ەگەر تاريحقا كوز جۇگىرتەر بولساق, ازەربايجاندىقتاردى تاريحي وتانىنان ەكى ەشالونمەن اكەتكەنى ءمالىم. سونىڭ ءبىرى سىبىرگە ءجونەلتىلسە, ودان ءتىرى قايتقاندارى جوق. ال قازاقستانعا كەلگەن 60 مىڭ ازەربايجاندىقتىڭ قازىرگى سانى 130 مىڭ ادامعا جەتتى», دەپ اتادى ۆ.سالاحوۆ.
اشىق ەسىك كۇنىندە ەلوردالىق ەتنومادەني ورتالىق وكىلدەرى ءوز جەتىستىكتەرىمەن ءبولىسىپ, سونىمەن بىرگە, بىرلەستىكتەر جۇمىسىمەن تانىسۋعا مۇمكىندىك الدى. بۇدان باسقا, ەتنومادەني ورتالىقتار وكىلدەرى قولدانبالى ونەر, ۇلتتىق اسپاپتاردا ويناۋ جانە ۇلتتىق بيلەردى ورىنداۋ بويىنشا شەبەرلىك-سىنىپتار وتكىزىپ, ءوز ونەرلەرىن ورتاعا سالىپ جاتتى.
اسقار تۇراپباي ۇلى,
«ەگەمەن قازاقستان».
كەشە ەلورداداعى «Astana Mall» ساۋدا ويىن-ساۋىق ورتالىعىندا استانا قالاسى قازاقستان حالقى اسسامبلەياسىنىڭ العىس ايتۋ كۇنىنە ارنالعان اشىق ەسىك كۇنى بولىپ ءوتتى. ايتۋلى شارا قازاقستاندىقتاردىڭ ەرەكشە اتاپ وتەتىن ماڭىزدى دا تاعىلىمدى كۇنىنە اينالىپ تا ۇلگەردى.
ءىس-شاراعا قازاقستان حالقى اسسامبلەياسىنىڭ مۇشەلەرى, مەملەكەتتىك ورگاندار مەن قالالىق ەتنومادەني بىرلەستىكتەر وكىلدەرى, استانا قالاسى قحا-نىڭ عىلىمي-ساراپشىلىق توبى, انالار كەڭەسى مەن قوعامدىق كەلىسىم كەڭەستەرى, عىلىمي جانە شىعارماشىلىق زيالى قاۋىم, قوعام قايراتكەرلەرى, سونداي-اق, قالا تۇرعىندارى مەن قوناقتارى قاتىستى. مۇنداعى نەگىزگى ماقسات – قازاقستان رەسپۋبليكاسىنىڭ مادەني مۇراسىن ساقتاپ, دارىپتەۋ. بۇل تۇرعىدا قازاقستان حالقى اسسامبلەياسى حاتشىلىعىنىڭ مەڭگەرۋشىسى ءلاززات قۇسايىنوۆا العىس ايتۋ كۇنىنە ارنالعان اشىق ەسىك كۇنى تۋرالى ويىن بىلايشا ءوربىتتى: «قازاقستان حالقى اسسامبلەياسىنىڭ العىس ايتۋ كۇنىنە ارنالعان بۇگىنگى اشىق ەسىك كۇنىنە قالامىزداعى ءتۇرلى ەتنوس وكىلدەرى جينالىپ, ءوزارا تاتۋلىق, بىرلىك پەن دوستىقتى, ورتاق ءۇيىمىز – قازاقستان رەسپۋبليكاسىنىڭ دامي بەرۋىنە, تاۋەلسىز جانە ازات ەل بولىپ قالا بەرۋىنە دەگەن قۇلشىنىستارىن تاعى ءبىر مارتە كورسەتىپ وتىر». سونىمەن بىرگە, ويىن-ساۋىق ورتالىعىنا جينالعان قاۋىمدى حالىق شىعارماشىلىعىنىڭ مول مۇراسىمەن تانىستىرۋ دا باستى ماقساتتاردىڭ ءبىرى بولسا كەرەك. بۇل ءوز كەزەگىندە قازاقستانداعى ەتنوستاردىڭ شىعارماشىلىق دامۋىنا جاعداي جاساۋعا وڭ ىقپال ەتىپ قانا قويماي, دارىندى ورىنداۋشىلار مەن كاسىبي شىعارماشىلىق ۇيىمداردى انىقتاۋعا وزىندىك سەبىن تيگىزەرى ايتپاسا دا تۇسىنىكتى. اتالعان عيمارات تورىندە ورناتىلعان ساحنادا ءارتۇرلى ەتنوس وكىلدەرى وزدەرىنىڭ ۇلتتىق كيىمدەرىمەن جينالعان كوپشىلىكتى ءان مەن بيگە بولەدى. بۇل ايتۋلى كۇندى اتاپ ءوتۋ ەلباسىنىڭ ۇتىمدى دا دەر كەزىندە قابىلداعان شەشىمى بولعاندىعىن ەرەكشە اتاپ كەتتى. سەبەبى, قازاق جەرىندە تۇرىپ جاتقان كوپتەگەن ەتنوس وكىلدەرى ەلباسى ساياساتىنا جانە قازاق حالقىنا شىن جۇرەكتەن العىس ايتادى. ويتكەنى, جان-جاقتان قونىس اۋدارىپ كەلگەن وزگە ەتنوس وكىلدەرى قازاق جەرىنەن ءوز باقىتتارىن تاپتى.
قازاقستان ازەربايجاندارى مادەني ورتالىقتارى وداعىنىڭ پرەزيدەنتى ۆيدادي سالاحوۆ مۇنداي مەرەكەلىك شارالار ەتنوستار اراسىن جاقىنداتىپ قانا قويماي, ەتنومادەني ورتالىقتارى وكىلدەرىن ءوزارا دوستاستىراتىندىعىمەن دە بولىسە كەتتى. شىنتۋايتىندا, بۇل مەرەكە ەلىمىزدە تۇرىپ جاتقان بارلىق تۇرعىندار اراسىن ءبىر بىرىمەن جاقىنداتا ءتۇسۋ. ارينە, تاريحي وتانىن تاستاپ, قازاق دالاسىنا قونىس اۋدارۋدىڭ وڭاي بولماعانى انىق. قازاق حالقى ءوز باسىنداعى قيىندىقتارعا قاراماستان, سىرتتان كەلۋشىلەرگە كومەك قولىن سوزدى. «ادامي تۇرعىدان كەلگەندە دە قازاق حالقىنا العىس ايتۋىمىز وتە ورىندى. ەگەر تاريحقا كوز جۇگىرتەر بولساق, ازەربايجاندىقتاردى تاريحي وتانىنان ەكى ەشالونمەن اكەتكەنى ءمالىم. سونىڭ ءبىرى سىبىرگە ءجونەلتىلسە, ودان ءتىرى قايتقاندارى جوق. ال قازاقستانعا كەلگەن 60 مىڭ ازەربايجاندىقتىڭ قازىرگى سانى 130 مىڭ ادامعا جەتتى», دەپ اتادى ۆ.سالاحوۆ.
اشىق ەسىك كۇنىندە ەلوردالىق ەتنومادەني ورتالىق وكىلدەرى ءوز جەتىستىكتەرىمەن ءبولىسىپ, سونىمەن بىرگە, بىرلەستىكتەر جۇمىسىمەن تانىسۋعا مۇمكىندىك الدى. بۇدان باسقا, ەتنومادەني ورتالىقتار وكىلدەرى قولدانبالى ونەر, ۇلتتىق اسپاپتاردا ويناۋ جانە ۇلتتىق بيلەردى ورىنداۋ بويىنشا شەبەرلىك-سىنىپتار وتكىزىپ, ءوز ونەرلەرىن ورتاعا سالىپ جاتتى.
اسقار تۇراپباي ۇلى,
«ەگەمەن قازاقستان».
