جاس جازۋشىنىڭ جولى اشىلدى

تالدىقورعاندا «اباي ءجا­نە ءححى عاسىر» حالىقارالىق كلۋ­بىنىڭ پرەزيدەنتى, تانىمال جازۋشى-باس­پاگەر روللان سەي­سەنباەۆتىڭ «مەنىڭ 100 كى­تابىم» اتتى سە­رياسى­مەن شىققان نۇرسۇلتان نازارباەۆ: «كنيگا رازدۋمي», ءجۇسىپ با­لاسا­عۇن: «اقىل كىتابى», «دەش­تى-قىپ­شاق جىرلارى», ءابۋ ناسىر ءال-فا­رابي: «قايىرىمدى قالا» جانە ورىس تىلىندە جازاتىن جاس قا­لامگەرلەر كىتاپتارىنىڭ تۇساۋ­كەسەر ءراسىمى ءوتتى. ونى ءسا­كەن سەيفۋللين اتىنداعى ال­ماتى وب­لىستىق امبەباپ كىتاپحاناسىنىڭ ۇجىمى ۇيىم­داستىردى. حالىقارالىق اباي كلۋبى مەن روللان سەيسەنباەۆ «RS» باسپا ءۇيى الەم ادەبيەتىنىڭ جاڭا كىتاپحانا سەرياسىن ومىرگە اكەلگەنىنىڭ قۋا­نارلىعى سول, بۇل سەريامەن شىق­قان كىتاپتار قازاقستان جاستارىنا ارنالعان. ەرەكشە ايتار جايت, بۇل تۋىن­دىلاردىڭ ءار­قاي­سىسى بەلگىلى تۇل­عالار – ءجۇ­سىپ بالاساعۇن, ءال-فارابي, اباي قۇنانباەۆ, ءسۇيىنباي ارون ۇلى مەن جام­بىل جاباەۆ سىندى بەل­گىلى تۇل­عالاردىڭ شى­عارمالارى مەن ەڭبەكتەرىن قامتىپ, سونى لەپ ەستىرەدى. «قازاقتىڭ جاس قالامگەر­لەرىنىڭ اراسىنان سۇرىپتالىپ, شوق­تىعى بيىك بولعان «حا­بار» اگەنتتىگىنىڭ الماتى وبلىسىنداعى مەنشىكتى ءتىلشىسى, جەتىسۋلىق ءادىلحان ساحا­ريەۆتىڭ «سيندروم كەنتاۆرا» اتتى پوۆەسى «مەنىڭ 100 كىتابىم» سەرياسى بويىنشا الدىڭعى كەزەكتە باسپامىزدان باسىلعانىن ەرەكشە اتاپ وتكەن دۇرىس. «سيندروم كەن­تاۆرا» پوۆەسى رەسەيدىڭ 2014 جىل­دى قورىتىندىلاعان « ورىس سىي­لىعى» اتتى ۇزىن پاراققا ەن­گىزىلگەنىن ماقتان تۇتۋعا بولادى. بىلە-بىلسەك, بۇل رەسەيدەن تىس ەلدەردە تۇرىپ ورىس تىلىندە جازاتىن اۆتورلارعا بەرىلەتىن جالعىز ادەبي سىيلىق بولىپ سانالادى. سونداي-اق, ءادىلحان ساحاريەۆتىڭ بۇل پوۆەسى رەسەيدىڭ «نوۆىي مير» اتتى ادە­بي جۋرنالىنىڭ بىل­تىرعى جىل­عى شىلدە ايىنداعى سانىندا تولىعىمەن جاريالانعانى تاعى بار», دەدى «اباي جانە ءححى عاسىر» حالىقارالىق كلۋبىنىڭ پرەزيدەنتى, تانىمال جازۋشى-باس­پاگەر روللان سەيسەنباەۆ. نۇربول الدىباەۆ, ەگەمەن قازاقستان». تالدىقورعان.