پارتيا جاقتاستارىنىڭ فورۋمى

كەشە «نۇر وتان» پارتياسى رەسپۋبليكالىق سايلاۋالدى شتابى الماتى قالاسىنداعى ۇگىت-ناسيحات جۇمىستارىن جۇرگىزۋ اياسىندا «الماتى كوپىر قۇرىلعىلارى زاۋىتى» جشس-ءنىڭ ەڭبەك ۇجىمىمەن, عىلىمي-شىعارماشىلىق, زيالى قاۋىم, قايىرىمدىلىق جانە الەۋمەتتىك جوبالارمەن اينالىساتىن قوعامدىق بىرلەستىكتەردىڭ وكىلدەرىمەن كەزدەسىپ, «نۇر وتان» پارتياسى جاقتاستارىنىڭ فورۋمىنا قاتىستى. پارتيا توراعاسىنىڭ ءبىرىنشى ورىن­باسارى اسقار مىرزاحمەتوۆ باستا­عان رەسپۋبليكالىق سايلاۋالدى شتاب دەلەگاتسياسىنىڭ قۇرامىندا ءماجى­لىس­تىڭ V شاقىرىلىمىنىڭ دەپۋتاتى جەك­سەنباي دۇيسەباەۆ, سەنات دەپۋتاتى نۇر­لان ورازالين, ۇلتتىق عىلىم اكا­دەمياسىنىڭ مۇشەسى كەنجەعا­لي ساعاديەۆ جانە تاعى دا باسقا تانى­مال تۇلعالار بولدى. «عىلىم ورداسى» رەسپۋب­ليكالىق مەملەكەتتىك كاسىپ­ورنىن­دا رە­س­پۋبليكالىق سايلاۋالدى شتاب دەلە­گاتسياسىمەن وتكەن كەزدەسۋگە 500-گە جۋىق زيالى قاۋىم وكىلدەرى قاتىستى. وڭتۇستىك استانادا ەلىمىزدىڭ ينتەل­لەك­تۋالدى-شىعارماشىلىق الەۋەتى شوعىر­لانسا, جوعارى ءبىلىم بەرۋ مەكەمەلەرىنىڭ ۇشتەن ءبىرى (127 جوو-نىڭ 42-ءسى) ءدال وسى شاھاردا ورنالاسقان ەكەن. سونىمەن قاتار, «يننوۆاتسيالىق تەحنولوگيالار پاركى» ارنايى ەكونوميكالىق ايماعى دا ىسكە قوسىلعان. قازىرگى كەزدە اتالعان ارنايى ەكونوميكالىق ايماقتا تىركەلگەن كومپانيالاردىڭ سانى 151 بولسا, كومپانيالار نەگىزىنەن اقپاراتتىق تەحنولوگيا­لار, تەلەكوممۋنيكاتسيا, بايلانىس, ەلەكترونيكا سالالارى بويىنشا باسەكەگە قابىلەتتى ونىمدەر شىعارادى. «الەمدە جاڭا تەحنولوگيالار كەشەنى جيناقتالدى, ول جەتەكشى ەلدەرگە وزدەرى­نىڭ ەكونوميكالارىن تاياۋداعى 5-10 جىل ىشىندە مۇلدەم جاڭا تەحنيكالىق ءتəرتىپ­كە كوشىرۋگە مۇمكىندىك بەرەدى. مۇنداي تەح­نولوگيالىق بəسەكەلەستىك قازاقستان ءۇشىن بىرەگەي سىناق بولىپ تابىلادى. وسى­عان بايلانىستى «نۇر وتان» پارتيا­سى جوعارى تەحنولوگيالاردى دامىتۋ ءمىن­دەتىن قويىپ وتىر. ءبىزدىڭ جالپىۇلت­تىق باسىمدىقتارىمىزدىڭ ءبىرى ساندىق قوعامدى كەڭىنەن قالىپتاس­تىرۋ», – دەدى وسىعان وراي سوزىندە ا.مىر­زاحمەتوۆ. وسى كۇنى ۇگىت-ناسيحات توبىنىڭ مۇشە­لەرى «الماتى كوپىر قۇرىلعىلارى زاۋىتى» جشس-ءنىڭ ەڭبەك ۇجىمىمەن كەزدەستى. قازىرگى كۇنى زاۋىتتا 723 ادام جۇمىس ىستەسە, ونىڭ تورتتەن ءبىر بولىگى «نۇر وتان» پارتياسىنىڭ مۇشەلەرى. ونەركا­سىپ ورنى 350-دەن استام تاۋار اتالىمىن ءون­دىرىپ, رەسپۋبليكانى 85% كوپىر قۇرىلعىلارىمەن قامتاماسىز ەتەدى. «نۇر وتان» پارتياسى دوكتريناسىندا بەكىتىل­گەن ىنتىماقتاستىق جانە ءوزارا جاردەم قاعيدالارى شتاب مۇشەلەرى قايىرىم­دىلىق جانە الەۋمەتتىك جوبالارمەن اينالىساتىن ۇكىمەتتىك ەمەس ۇيىم وكىل­دەرىمەن وتكەن كەزدەسۋدە كەڭىنەن ءسوز ەتتى. اتالعان جيىن جىلىنا جوبا­لارعا 100 ملن. تەڭگە جۇمسايتىن «باۋىرجان» قايىرىمدىلىق قورىنىڭ كەڭسەسىندە ءوتتى. اسقار تۇراپباي ۇلى, «ەگەمەن قازاقستان». الماتى.