ورتا تاپتى كوتەرۋ – ورتاق مىندەت

كوكشەتاۋ قالاسىندا قازاقستان رەسپۋبليكاسى پارلامەنتى ءماجى­لى­سىنىڭ دەپۋتاتتىعىنان ۇمىتكەر مەرۋەرت قازبەكوۆا ارداگەرلەردىڭ ارنايى ەمحاناسىندا بولىپ, مەديتسينا قىزمەتكەرلەرىمەن جانە ەم-شارا قابىلداۋشىلارمەن كەزدەستى. كەزدەسۋگە 35 ادام قاتىسقان جيىندى «اق جول» پارتياسىنىڭ وبلىستىق سايلاۋالدى شتابىنىڭ جەتەكشىسى سەرىك بەيسەمباەۆ اشتى. قازاقستاننىڭ «اق جول» دەموكرا­تيا­لىق پارتياسىنان پارلامەنت ءماجى­لى­سىنىڭ دەپۋتاتتىعىنا ۇسىنىلعان ءۇمىت­كەر مەرۋەرت ايتقوجاقىزى – كوكشە­تاۋ­داعى العاشقى ءارى تابىستى كاسىپكەر قىزداردىڭ ءبىرى. وسىدان بولسا كەرەك, كەز­دەسۋ بارىسىندا اشىق-جارقىن اڭگىمە قوز­عالىپ, سان-الۋان پىكىرلەر ورتاعا سالىندى. مەرۋەرت قازبەكوۆا ءوز سوزىندە «اق جول» پارتياسىنىڭ سايلاۋالدى باع­دار­لاماسىنا كەڭىنەن توقتالىپ, نەگىزگى ۇس­تا­نىمدارعا تۇسىنىك بەردى. ول پارتيا­نىڭ ەلىمىزدەگى ورتا تاپ وكىلدەرى­نىڭ مۇددەسىن قورعايتىنىن, قازاق­ستاندىق بيزنەستى دامىتۋ باعدارلا­ما­لارىنىڭ جۇزەگە اسىرىلۋىنا بەلسەنە قاتىساتىنىن, جۇمىسشى كادرلارىن دايار­لاۋ جانە اۋىل جاستارىنىڭ ماماندىق الۋى مەن جۇمىسقا ورنالاسۋىنا قولداۋ كورسەتەتىنىن اتاپ ءوتتى. مەديتسينالىق قىزمەتتىڭ ساپاسى جونىندەگى ويلارىن ورتاعا سالعان ءماجىلىس دەپۋتاتتىعىنان ۇمىتكەر م.قازبەكوۆا جينالعانداردىڭ نازارىن دەنساۋلىق ساقتاۋ مەكەمەلەرىن بىلىكتى ماماندارمەن قامتاماسىز ەتۋ, ەمحانالار مەن اۋرۋحانالاردى زاماناۋي جابدىقتارمەن نىعايتۋ, مەديتسينالىق ساقتاندىرۋدى ەنگىزۋ ماسەلەلەرىنە اۋداردى. ۇمىتكەردىڭ پىكىرىنشە, دەموكراتيالىق قوعامدى دامىتۋ پارلامەنت جۇمىسىنىڭ ساپا­لىق جاعىنان جاڭعىرتىلۋىنا, بيلىك ورگان­دارىنىڭ حالىق الدىندا ەسەپتى بولۋىنا, شەنەۋنىكتەر قىزمەتىنىڭ اشىقتىعى مەن ولاردىڭ ءوز ىسىنە ادالدىعى مەن جاۋاپكەرشىلىگىنە بايلانىستى بولماق. كەزدەسۋ سوڭىندا جينالعاندار تاراپىنان سۇراقتار قويىلىپ, ولارعا ءماجىلىس دەپۋتاتتىعىنان ۇمىتكەردەن تۇششىمدى جاۋاپتار الىندى. سونداي-اق, ءماجىلىس دەپۋتاتتىعىنا «اق جول» پارتياسىنان ۇسىنىلعان ۇمىتكەرلەر مەرۋەرت قازبەكوۆا مەن اسەت اتاباەۆ ءوز پارتيالاستارى ۇيىمداستىرعان «اق جولدىڭ» شاعىن فۋتبولدان كۋبوگىن ساراپقا سالۋ جارىسىنىڭ اشىلۋىندا بولىپ, قۇتتىقتاۋ ءسوز سويلەدى. كوكشەتاۋ قالاسىندا جاڭادان سالىنعان «ترياتلون» سپورت كەشەنىندەگى سپورتتىق شاراعا 5 كوماندا قاتىستى. تارتىستى وتكەن باسەكەدە قالالىق ءماسليحات دەپۋتاتتىعىنان ۇمىتكەرلەردىڭ «باقىت-مارات» كومانداسى ءبىرىنشى ورىندى, قالا جاستارىنىڭ «فورتۋنا» قۇراماسى ەكىنشى, دەموكراتتاردىڭ جەرگىلىكتى «اق جول» كومانداسى ءۇشىنشى ورىندى يەمدەندى. جارىس قورىتىندىسىندا جەڭىمپازدار ديپلومدار جانە ارنايى سىيلىقتارمەن ماراپاتتالدى. باقبەرگەن امالبەك, «ەگەمەن قازاقستان». اقمولا وبلىسى.