سەمينار-ترەنينگكە سەنىم ۇلكەن

كەشە استانا قالاسى بويىنشا سايلاۋدى بايقاۋعا جاردەمدەسۋ وڭىرلىك ورتالىعى «بايقاۋشىلاردىڭ قۇقىقتارى مەن مىندەتتەرى. قازاقستان رەسپۋبليكاسى پارلامەنتى ءماجىلىسى مەن ءماسليحاتتار دەپۋتاتتارىنىڭ سايلاۋلارىنداعى بايقاۋشىلار قىزمەتىندەگى ادىستەر مەن تاسىلدەر» تاقىرىبىندا سەمينار-ترەنينگ وتكىزدى. سەمينار-ترەنينگ بارىسىندا قوعامدىق بايقاۋ سالاسىنداعى ساراپشى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى ساياساتتانۋ كافەدراسى پروفەسسورىنىڭ ءمىن­دەتىن اتقارۋشى, ساياسي عىلىمدار كانديداتى يۋليا ونۋچكو سايلاۋ ۇدەرىسىندەگى بايقاۋشىلاردىڭ ءرولى جونىندە بايانداما جاسادى. بايانداماشى بايقاۋشى تۇلعاسىنا جان-جاقتى تۇسىنىكتەمە بەرە كەلىپ, ونىڭ اتقاراتىن قىزمەتىنە جان-جاقتى توقتالدى. سايلاۋ كۇنگى ۇدەرىسكە بايقاۋشىلار ءارى باقىلاۋشى, ءارى كۋاگەر رەتىندە قاتىساتىندىعىن تىلگە تيەك ەتتى. بايقاۋشىلار ءوز كەزەگىندە سايلاۋدىڭ وبەك­تيۆتى, ادىلەتتى جانە ادال وتۋىنە اتسالىسۋى قاجەت. كەرەك دەسەڭىز, سايلاۋدىڭ زاڭعا سايكەس اشىق, ادىلەتتى ءوتۋى بايقاۋشىلارعا دا بايلانىستى بولماقشى. ياعني, بايقاۋشىلار سايلاۋ ۇدەرىسىنىڭ بىرتۇتاستىعىن قامتاماسىز ەتەدى. سەمينار-ترەنينگ كەزىندە بايقاۋشىلار­دىڭ بىلىكتىلىگىن ارتتىرۋعا بايلانىستى ماسەلەلەر كوبىرەك قوزعالىپ, جيىنعا قاتى­سۋشىلاردىڭ كوكەيىندەگى سانسىز ساۋالعا جاۋ­اپ بەرۋمەن تۇيىندەلدى. جيىندا ءسوز العان بايانداماشىلار دا وعان قاتىسۋشىلاردىڭ نازارىن سايلاۋدىڭ اشىق جانە زاڭ نور­­مالارىنا سايكەس وتكىزىلۋىنە, قوعامدىق بايقاۋشىلار ينستيتۋتىنىڭ رولىنە اۋداردى. سونىمەن قاتار, اتالعان شارا بارىسىندا بايقاۋشىلاردىڭ وكىلەتتىكتەرى, قۇقىقتارى مەن مىندەتتەرى جان-جاقتى تالقىلاندى دەسە دە بولادى. سەمينار-ترەنينگتىڭ ۇتىمدىلىعى دا وسى تۇستا كورىندى. سايلاۋدى بايقاۋ ۇدەرىسىنە دايىندىق اياسىندا سايلاۋدى بايقاۋ جونىندەگى رەس­پۋبليكالىق قوعامدىق كوميسسيا (سبرقك) ەلوردالىق بايقاۋشىلار ءۇشىن ۇيىم­داس­تىرىلعان شاراعا سبرقك مۇشەلەرى جانە استانا قالاسى بويىنشا سايلاۋدى باقىلاۋعا جاردەمدەسۋ وڭىرلىك ورتالىعىنىڭ قىزمەتكەرلەرى قاتىستى. استانا قالاسى بويىنشا سايلاۋدى با­قىلاۋعا جاردەمدەسۋ وڭىرلىك ورتالىعىنىڭ باسشىسى جۇماعالي ارىستان وتكىزىلىپ جاتقان سەمينار-ترەنينگكە قاتىستى ءوز پىكىرىن تومەندەگىشە ءبىلدىردى: – استانادا 170 سايلاۋ ۋچاسكەسى بار, ياعني ءاربىر ۋچاسكەدەن ءبىر-ءبىر بايقاۋشىدان سايلاۋ كۇنى 170 بايقاۋشى قىزمەت ەتەدى دەگەن ءسوز. بۇگىنگى سەمينار-ترەنينگكە قاتىسقان بايقاۋشىلار سولاردىڭ قاتارىندا بولادى. بۇگىنگى كۇنگە دەيىن 100 بايقاۋشى سەمينار بارىسىندا تاعىلىمدامادان ءوتتى. ولار وسىنداي جيىن بارىسىندا العان ءبىلىمى مەن بىلىگىن سايلاۋ كۇنى ءىس جۇزىندە كورسەتەتىن بولادى, – دەدى ول. عابيت ىسكەندەر ۇلى, «ەگەمەن قازاقستان».