183 كوميسسيا جۇمىسقا دايىن

ءتۇرلى سايلاۋ كوميسسيالارىندا ءار باعىتتاعى جوبا ۇسىنعان دەپۋتاتتاردى تىركەۋ ءجۇرىپ جاتىر. وسىعان وراي قالالىق اكىمدىكتە جيىن ءوتىپ, قالالىق ءماسليحات دەپۋتاتتارى دا سايلاۋ جايلى پىكىرلەرىن ايتىپ, ورتاعا سالدى. حالىق قالاۋلىلارى بۇل سايلاۋ اسا ماڭىزدى, داعدارىسقا وراي جاڭا باعىتتاعى باعدارلامالار قابىلدانۋى كەرەك جانە پرەزيدەنت رەفورمالارىن جۇيەلى تۇردە ىسكە اسىرۋ اسا قاجەت, دەدى. قازاقستان ەكونوميكاسى وسىناۋ داعدارىس ۋاقىتىندا قولداۋدى كۇتەدى. ال جاڭارعان دەپۋتاتتىق قۇرام وسى باعىتتا ىلكىمدى ەڭبەك ەتەرى ءسوزسىز. – حالىق جاڭارعان دەپۋتاتتار قۇرامىنان ۇلكەن ءۇمىت كۇتىپ وتىر, – دەدى سەمەيدەگى ايماقتىق ساي­لاۋ كوميسسياسىنىڭ توراعاسى زەينوللا توقاەۆ. – ويتكەنى, مۇنداي تىڭ قادامدار ەلدى العا باستارى ءسوزسىز. پرەزيدەنتىمىز قانداي شەشىم قابىلداسا دا ول حالىقتىڭ بولاشاعى ءۇشىن جاسالاتىن تىڭ جوبالار باس­تاماسى. جاڭا سايلاۋ مەملەكەت پەن قوعامنىڭ ۇلت جوسپارىنا, ەكونوميكا مەن ەلدى داعدارىستان قورعاۋ مىندەتتەرىنە جۇمىلۋىنا مۇمكىندىك بەرەدى. بۇل ەلىمىزدىڭ بارلىق ازاماتتارىن تولعاندىراتىن وتە ماڭىز­دى مىندەت. وسى رەتتە ءبىز كەزەكتەن تىس سايلاۋ كۇن تارتىبىندەگى وزەكتى ماسەلەلەرگە قاتىستى قوعامدىق مامىلە مەن كەلىسىمدى نىعايتا تۇسەتىنىنە سەنىمدىمىز. وسىنىڭ بار­­لىعى ىشكى ساياسي بىرلىك پەن تۇراقتىلىقتى نىعايتىپ, ەلباسىنىڭ جۇرگىزىپ وتىرعان ساياساتى اينالاسىندا بىرىگۋ ءۇشىن قاجەت. بۇل ەلىمىزدىڭ جاھاندىق سىناقتاردان ابىرويمەن ءوتۋى ءۇشىن دە اسا ماڭىزدى كەزەڭ. سەمەيدەگى ايماقتىق سايلاۋ كوميسسياسىنىڭ توراعاسى زەي­نول­لا توقاەۆتىڭ ايتۋىنشا, وتكەن جىلدارداعى سايلاۋلارعا وراي قالادا سايلاۋ ۋچاسكەلەرى ناقتى بەكىتىلگەن. جانە قوسىمشا ءۇش سايلاۋ ۋچاسكەسى جاڭادان اشىلىپ وتىر. حالىقتىڭ ەمىن-ەركىن ءوز داۋىستارىن بەرۋى ماسەلەسى دە قاراستىرىلىپ وتىر. ءار سايلاۋ كوميسسياسىندا جەتى مامان جۇمىس ىستەيدى. وتكەن جىلعى پرەزيدەنت سايلاۋىنان كەيىن سايلاۋ كوميسسياسىنىڭ قۇرامى جاڭاردى. جاڭادان كەلگەن وسى ءىستى جۇرگىزۋشى ماماندارعا ارنايى سەمينار وتكىزىلىپ, ولار سايلاۋدى قالاي وتكىزۋ كەرەكتىگى تۋرالى اقپاراتتار العان. راۋشان نۇعمانبەكوۆا.سەمەي.