اتىراۋدا مەملەكەتتىك سىيلىقتىڭ لاۋرەاتى, حالقىمىزدىڭ ءبىرتۋار اقىن قىزى فاريزا وڭعارسىنوۆاعا ەسكەرتكىش قويىلدى
قازاق پوەزياسىندا ەشكىم قايتالاي المايتىن وزىندىك ورنەگى بار اقىننىڭ ەڭسەلى ەسكەرتكىشى مۇنايلى ءوڭىر ورتالىعى – اتىراۋ قالاسىندا بوي كوتەردى. ەسكەرتكىش قازاق عىلىمىنىڭ زاڭعار تۇلعاسى قانىش ساتباەۆ كوشەسىندە بوي كوتەردى. بۇل كوشەنىڭ بويىنان ازاتتىقتى اڭساعان يساتاي مەن ماحامبەت باتىردىڭ دا, قازاقتىڭ ءدۇلدۇل كۇيشىسى دينا نۇرپەيىسوۆانىڭ دا, كورنەكتى عالىم قانىش ساتباەۆتىڭ دا ەسكەرتكىشىنە كوزىڭىز تۇسەدى. ەندى سول ەڭسەلى ەسكەرتكىشتەردىڭ قاتارىندا قازاق پوەزياسىنىڭ كورنەكتى تۇلعاسى, مەملەكەت جانە قوعام قايراتكەرى, مەملەكەتتىك سىيلىقتىڭ لاۋرەاتى فاريزا وڭعارسىنوۆانىڭ دا تاس تۇعىرداعى بەينەسى مەنمۇندالاپ تۇرادى.
اقىن ەسكەرتكىشىنىڭ اشىلۋىنا ءوڭىردىڭ زيالى قاۋىم وكىلدەرى, اقىننىڭ تۋىستارى مەن جاستار بۋىنى, جۇرتشىلىق وكىلدەرى كوپتەپ قاتىستى. قازاقستان جوبالاۋشىلارى ۇلتتىق قاۋىمداستىعىنىڭ ۆيتسە-پرەزيدەنتى, قازاقستان رەسپۋبليكاسىنىڭ ەڭبەك ءسىڭىرگەن ساۋلەتشىسى سەرىك ءرۇستامبەكوۆتىڭ ايتۋىنشا, اقىن ەسكەرتكىشىن سومداۋ كونكۋرس ارقىلى تاڭدالىپتى. ارنايى جاريالانعان كونكۋرسقا اقىننىڭ بەينەسى سومدالعان 12 جوبا ۇسىنىلعان. ونىڭ ىشىندە اقىننىڭ وتىرعان بەينەسى سومدالعان نۇسقا دا بولىپتى. ارنايى كوميسسيانىڭ مۇشەلەرى كەشە ءوز تۇعىرىنا ورناتىلعان نۇسقاسىنا تاڭداۋ جاساپتى.
ەسكەرتكىش قولادان قۇيىلعان, تۇعىرىنىڭ بيىكتىگى – 4 مەتر 50 سم, ال اقىن بەينەسى – 4 مەتر 10 سم. تۇعىردىڭ سەگىز قابىرعاسى بار, ونىڭ بىرىندە اقىننىڭ اتى-ءجونى, قالعان جەتەۋىندە پوەزيا پاديشاسىنىڭ ولەڭدەرىنىڭ ءبىر شۋماعى قاشالىپ جازىلعان. «اقىننىڭ تۋىستارىمەن دە اقىلداستىق. ولار ءبىزدىڭ شەبەرحانامىزدا بولىپ, شاش ۇلگىسىنە قاتىستى ءوز ويلارىمەن ءبولىستى. ءمۇسىندى مۇرات مانسۇروۆ جاسادى. اقىننىڭ شابىتتانىپ, جاڭا جىر جازۋعا ۇمتىلىپ تۇرعانىن بەينەلەدىك», – دەدى ساۋلەتشى سەرىك رۇستامبەكوۆ.
– بىلتىرعى جىلدىڭ اياعىندا ءانۇران اۆتورلارىنىڭ ءبىرى, مەملەكەتتىك سىيلىقتىڭ يەگەرى جۇمەكەن ناجىمەدەنوۆتىڭ ەسكەرتكىشى اشىلعان ەدى. بۇگىن ءوزىنىڭ جىرلارىمەن دە, ءوزىنىڭ ادامي بولمىسىمەن دە ەلدىڭ جادىندا جاتتالعان اقىن فاريزا وڭعارسىنوۆانىڭ ەسكەرتكىشى اشىلدى. فاريزا اپامىز تەك پوەزيانىڭ كورنەكتى تۇلعاسى عانا ەمەس, سونىمەن بىرگە, ەلىمىزدىڭ تاۋەلسىزدىگىن نىعايتۋعا دا ءوز ۇلەسىن قوسقان مەملەكەت جانە قوعام قايراتكەرلىگىمەن تانىلدى, – دەدى اقىن ەسكەرتكىشىنىڭ اشىلۋ سالتاناتىندا وبلىس اكىمى باقتىقوجا ءىزمۇحامبەتوۆ.
فاريزا وڭعارسىنوۆانىڭ ەسكەرتكىشىنىڭ اق جامىلعىسىن وبلىس اكىمى باقتىقوجا ءىزمۇحامبەتوۆ پەن ەڭبەك ارداگەرى مەلليات سابىروۆا اشتى. اقىننىڭ تۋىستارى اتىنان ايبەك پەن الماگۇل وڭعارسىنوۆالار ءوز ويلارىمەن ءبولىسىپ, ەسكەرتكىشتىڭ كوڭىلدەن شىققانىنا توقتالدى. اقىن جىرلارى وقىلىپ, سوزىنە جازىلعان اندەرى شىرقالىپ تۇردى.
«...تىرلىك زاڭى مىقتى دا, بىراق مۇنى جانى بارلار ۇقتى ما؟ سونىڭ ءبارىن ۋاقىت-جەمقور جۇتتى دا, كۋاسى بوپ قالدىم مەن, تالاي عاسىر جاساي بەرەم ءالى دە, ەي, ادامدار! بارمىن مەن!» ءوز ۇلتىن جان-تانىمەن سۇيگەن, ۇلتىنىڭ رۋحاني كەلەشەگى ءۇشىن ولشەۋسىز ۇلەس قوسقان كورنەكتى تۇلعا فاريزا وڭعارسىنوۆا ەسكەرتكىشىنىڭ تۇعىرىندا سەگىز قابىرعانىڭ بىرىنە ءدال وسى شۋماعى جازىلىپتى. ءيا, اقىننىڭ ءوزى جىرلاعانداي, ول ەندى تالاي عاسىرلار بويى ەلدىڭ جادىنان وشپەي, ماڭگى جاساي بەرەدى. ويتكەنى, ونىڭ ەل جۇرەگىنە جاتتالعان قايتالانباس جىرلارى دا, تاس تۇعىرداعى بەينەسى دە كەلەشەكتىڭ كوشىنە بەت بۇردى...
جولداسبەك شوپەعۇل,
«ەگەمەن قازاقستان».
اتىراۋ.
سۋرەتتى تۇسىرگەن
راحىم قويلىباەۆ.
اتىراۋدا مەملەكەتتىك سىيلىقتىڭ لاۋرەاتى, حالقىمىزدىڭ ءبىرتۋار اقىن قىزى فاريزا وڭعارسىنوۆاعا ەسكەرتكىش قويىلدى
قازاق پوەزياسىندا ەشكىم قايتالاي المايتىن وزىندىك ورنەگى بار اقىننىڭ ەڭسەلى ەسكەرتكىشى مۇنايلى ءوڭىر ورتالىعى – اتىراۋ قالاسىندا بوي كوتەردى. ەسكەرتكىش قازاق عىلىمىنىڭ زاڭعار تۇلعاسى قانىش ساتباەۆ كوشەسىندە بوي كوتەردى. بۇل كوشەنىڭ بويىنان ازاتتىقتى اڭساعان يساتاي مەن ماحامبەت باتىردىڭ دا, قازاقتىڭ ءدۇلدۇل كۇيشىسى دينا نۇرپەيىسوۆانىڭ دا, كورنەكتى عالىم قانىش ساتباەۆتىڭ دا ەسكەرتكىشىنە كوزىڭىز تۇسەدى. ەندى سول ەڭسەلى ەسكەرتكىشتەردىڭ قاتارىندا قازاق پوەزياسىنىڭ كورنەكتى تۇلعاسى, مەملەكەت جانە قوعام قايراتكەرى, مەملەكەتتىك سىيلىقتىڭ لاۋرەاتى فاريزا وڭعارسىنوۆانىڭ دا تاس تۇعىرداعى بەينەسى مەنمۇندالاپ تۇرادى.
اقىن ەسكەرتكىشىنىڭ اشىلۋىنا ءوڭىردىڭ زيالى قاۋىم وكىلدەرى, اقىننىڭ تۋىستارى مەن جاستار بۋىنى, جۇرتشىلىق وكىلدەرى كوپتەپ قاتىستى. قازاقستان جوبالاۋشىلارى ۇلتتىق قاۋىمداستىعىنىڭ ۆيتسە-پرەزيدەنتى, قازاقستان رەسپۋبليكاسىنىڭ ەڭبەك ءسىڭىرگەن ساۋلەتشىسى سەرىك ءرۇستامبەكوۆتىڭ ايتۋىنشا, اقىن ەسكەرتكىشىن سومداۋ كونكۋرس ارقىلى تاڭدالىپتى. ارنايى جاريالانعان كونكۋرسقا اقىننىڭ بەينەسى سومدالعان 12 جوبا ۇسىنىلعان. ونىڭ ىشىندە اقىننىڭ وتىرعان بەينەسى سومدالعان نۇسقا دا بولىپتى. ارنايى كوميسسيانىڭ مۇشەلەرى كەشە ءوز تۇعىرىنا ورناتىلعان نۇسقاسىنا تاڭداۋ جاساپتى.
ەسكەرتكىش قولادان قۇيىلعان, تۇعىرىنىڭ بيىكتىگى – 4 مەتر 50 سم, ال اقىن بەينەسى – 4 مەتر 10 سم. تۇعىردىڭ سەگىز قابىرعاسى بار, ونىڭ بىرىندە اقىننىڭ اتى-ءجونى, قالعان جەتەۋىندە پوەزيا پاديشاسىنىڭ ولەڭدەرىنىڭ ءبىر شۋماعى قاشالىپ جازىلعان. «اقىننىڭ تۋىستارىمەن دە اقىلداستىق. ولار ءبىزدىڭ شەبەرحانامىزدا بولىپ, شاش ۇلگىسىنە قاتىستى ءوز ويلارىمەن ءبولىستى. ءمۇسىندى مۇرات مانسۇروۆ جاسادى. اقىننىڭ شابىتتانىپ, جاڭا جىر جازۋعا ۇمتىلىپ تۇرعانىن بەينەلەدىك», – دەدى ساۋلەتشى سەرىك رۇستامبەكوۆ.
– بىلتىرعى جىلدىڭ اياعىندا ءانۇران اۆتورلارىنىڭ ءبىرى, مەملەكەتتىك سىيلىقتىڭ يەگەرى جۇمەكەن ناجىمەدەنوۆتىڭ ەسكەرتكىشى اشىلعان ەدى. بۇگىن ءوزىنىڭ جىرلارىمەن دە, ءوزىنىڭ ادامي بولمىسىمەن دە ەلدىڭ جادىندا جاتتالعان اقىن فاريزا وڭعارسىنوۆانىڭ ەسكەرتكىشى اشىلدى. فاريزا اپامىز تەك پوەزيانىڭ كورنەكتى تۇلعاسى عانا ەمەس, سونىمەن بىرگە, ەلىمىزدىڭ تاۋەلسىزدىگىن نىعايتۋعا دا ءوز ۇلەسىن قوسقان مەملەكەت جانە قوعام قايراتكەرلىگىمەن تانىلدى, – دەدى اقىن ەسكەرتكىشىنىڭ اشىلۋ سالتاناتىندا وبلىس اكىمى باقتىقوجا ءىزمۇحامبەتوۆ.
فاريزا وڭعارسىنوۆانىڭ ەسكەرتكىشىنىڭ اق جامىلعىسىن وبلىس اكىمى باقتىقوجا ءىزمۇحامبەتوۆ پەن ەڭبەك ارداگەرى مەلليات سابىروۆا اشتى. اقىننىڭ تۋىستارى اتىنان ايبەك پەن الماگۇل وڭعارسىنوۆالار ءوز ويلارىمەن ءبولىسىپ, ەسكەرتكىشتىڭ كوڭىلدەن شىققانىنا توقتالدى. اقىن جىرلارى وقىلىپ, سوزىنە جازىلعان اندەرى شىرقالىپ تۇردى.
«...تىرلىك زاڭى مىقتى دا, بىراق مۇنى جانى بارلار ۇقتى ما؟ سونىڭ ءبارىن ۋاقىت-جەمقور جۇتتى دا, كۋاسى بوپ قالدىم مەن, تالاي عاسىر جاساي بەرەم ءالى دە, ەي, ادامدار! بارمىن مەن!» ءوز ۇلتىن جان-تانىمەن سۇيگەن, ۇلتىنىڭ رۋحاني كەلەشەگى ءۇشىن ولشەۋسىز ۇلەس قوسقان كورنەكتى تۇلعا فاريزا وڭعارسىنوۆا ەسكەرتكىشىنىڭ تۇعىرىندا سەگىز قابىرعانىڭ بىرىنە ءدال وسى شۋماعى جازىلىپتى. ءيا, اقىننىڭ ءوزى جىرلاعانداي, ول ەندى تالاي عاسىرلار بويى ەلدىڭ جادىنان وشپەي, ماڭگى جاساي بەرەدى. ويتكەنى, ونىڭ ەل جۇرەگىنە جاتتالعان قايتالانباس جىرلارى دا, تاس تۇعىرداعى بەينەسى دە كەلەشەكتىڭ كوشىنە بەت بۇردى...
جولداسبەك شوپەعۇل,
«ەگەمەن قازاقستان».
اتىراۋ.
سۋرەتتى تۇسىرگەن
راحىم قويلىباەۆ.
سوڭعى جاڭالىقتار
استانادا ءبىر كوشەدە كولىك قوزعالىسى ءىشىنارا شەكتەلەدى
ەلوردا • كەشە
الماتى وبلىسىندا 73 مايدانگەردىڭ ەسىمى كوشەلەرگە بەرىلگەن
وشپەس داڭق • كەشە
ورلوۆ شاحتاسىندا جۇمىسشى قازا تاپتى
وقيعا • كەشە
پرەزيدەنت بىرقاتار زاڭعا قول قويدى
پرەزيدەنت • كەشە
تۋعان جەر قۇرمەتىنەن قاناتتانىپ…
ادەبيەت • كەشە
1 شىلدەدەن باستاپ يپوتەكا كىمدەرگە بەرىلمەيدى؟
يپوتەكا • كەشە
