104-ءشى كوكتەم

ستەپنوگور قالاسىنىڭ اكىمى ءانۋار كۇمپەكەەۆ حالىقارالىق ايەلدەر مەرەكەسى قارساڭىندا قاتيرا نۇرماعامبەتقىزىن 104 جاسقا تولۋىمەن قۇتتىقتادى. ستەپنوگور قالاسىندا كوپ جاساعان كىسىلەر از ەمەس. ولار­دىڭ ىشىندە قاتيرا مۋسينا اجەي كوش باستاپ تۇر. قاتيرا نۇرماعامبەتقىزى 1912 جىلى ەرەيمەنتاۋ اۋدانىنداعى ولەڭتى اۋىلىندا دۇنيەگە كەلگەن. ۇلى وتان سوعىسى جىلدارىندا كۇيەۋى مايدانعا اتتانعان ق.مۋسينا تورعاي كەنىشىندەگى شاحتادا جۇمىس ىستەيدى. ودان كەيىن وسىنداعى اۆتوبازادا ەڭبەك ەتىپ, زەينەتكەرلىككە شىققان. ومىرلىك جولداسى قان مايداننان ورالماي, 7 بالا تاربيەلەگەن قارت انا بۇگىندە 38 نەمەرە, 65 شوبەرە, 5 شوپشەك ءسۇيىپ وتىر. قاتيرا اجەيدىڭ بۇگىندە 77 جاسقا تولعان ۇلكەن قى­زى ءمارۋاش اپاي 11 بالا ءتار­بيەلەپ, «باتىر انا» اتاعىن العان. قازىرگى تاڭدا قارت اجەي كەنجە ۇلى كەنجەبەك پەن كەلىنى سالتاناتتىڭ قولىندا تۇرادى. عاسىر جاساعان اياۋلى انا قالا باسشىلىعىمەن ەمەن-جارقىن اڭگىمەلەسىپ, كور­سەتىلگەن سىي-قۇرمەتكە ريزا­شىلىعىن ءبىلدىرىپ, اق باتاسىن بەردى. باقبەرگەن امالبەك, «ەگەمەن قازاقستان». اقمولا وبلىسى, ستەپنوگور قالاسى.