قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ بۇيرىعى №3

2016 جىلعى 13 قاڭتار,  استانا قالاسى قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ اسكەري, ارناۋلى وقۋ ورىندارىنا اۋىستىرۋ جانە قايتا قابىلداۋ قاعيدالارىن بەكىتۋ تۋرالى «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭى 5-1-بابىنىڭ 12) تارماقشاسىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ اسكەري, ارناۋلى وقۋ ورىندارىنا اۋىستىرۋ جانە قايتا قابىلداۋ قاعيدالارى بەكىتىلسىن. 2. «ءبىلىم الۋشىلاردى قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ جوعارى ارناۋلى (اسكەري) وقۋ ورىندارىنا اۋىستىرۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ 2014 جىلعى 2 شىلدەدەگى № 218 بۇيرىعىنىڭ كۇشى جويىلدى دەپ تانىلسىن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 9688 بولىپ تىركەلگەن, «ادىلەت» اقپاراتتىق-قۇقىقتىق جۇيەسىندە 2014 جىلعى 29 تامىزدا جاريالانعان). 3. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ كادرلار دەپارتامەنتى: 1) وسى بۇيرىقتى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدىك باسپا باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ ينتەرەنەت-رەسۋرسىندا ورنالاستىرۋدى قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ۇلتتىق قاۋىپسىزدىك كوميتەتى توراعاسىنىڭ ورىنباسارى م.ءو. قالقاباەۆقا جۇكتەلسىن. 5. وسى بۇيرىق العاش رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى ۆ. جۇماقانوۆ قازاقستان رەسپۋبليكاسى ۇقك توراعاسىنىڭ 2016 جىلعى 13 قاڭتارداعى № 3 بۇيرىعىمەن بەكىتىلگەن قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ اسكەري, ارناۋلى وقۋ ورىندارىنا اۋىستىرۋ جانە قايتا قابىلداۋ قاعيدالارى 1. جالپى ەرەجەلەر 1. وسى قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ اسكەري, ارناۋلى وقۋ ورىندارىنا اۋىستىرۋ جانە قايتا قابىلداۋ قاعيدالارى (بۇدان ءارى – قاعيدالار) «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسىنىڭ زاڭى 5-1-بابىنىڭ 12) تارماقشاسىنا سايكەس ازىرلەنگەن جانە قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ اسكەري, ارناۋلى وقۋ ورىندارىنا (بۇدان ءارى – ۇقو جوو) اۋىستىرۋ جانە قايتا قابىلداۋ ءتارتىبىن انىقتايدى. 2. وسى قاعيدالاردا اۋىستىرۋ دەپ ءبىلىم الۋشى ادامنىڭ قازاقستان رەسپۋبليكاسىنىڭ باسقا اسكەري, ارناۋلى وقۋ ورىندارىنان (بۇدان ءارى – قر جوو) ۇقو جوو-عا اۋىسۋى تۇسىندىرىلەدى. 3. قايتا قابىلداۋ – بۇل ۇقو جوو-دان بۇرىن وقۋدان شىعارىلعان ادامنىڭ قايتا قابىلدانۋىن انىقتايتىن ءىس-قيمىل. 2. اۋىستىرۋ ءتارتىبى 4. قر جوو-دان ۇقو جوو-عا اۋىستىرۋ كانيكۋل كەزەڭىندە وقۋ جىلىنىڭ ناتيجەلەرى مەن جيناعان اۋىستىرۋ باللى ەسكەرىلە وتىرىپ, ەگەر باكالاۆريات ءۇشىن جۇمىس وقۋ جوسپارىنداعى ايىرماشىلىق مىندەتتى كومپونەنتتىڭ وقۋ ءپانى بەستەن اسپاسا, ءتيىستى كۋرستا بوس ورىن بولعان جاعدايدا جۇزەگە اسىرىلادى. ۇقو جوو قىسقارتىلعان وقۋ مەرزىمىمەن جوعارى ءبىلىمنىڭ ءبىلىم بەرۋ باعدارلامالارى بويىنشا (جوعارى ءبىلىمنىڭ نەگىزىندە) دايارلاۋ لەكتەرىنە اۋىسۋ جۇزەگە اسىرىلمايدى. 5. قر جوو-دان ۇقو جوو-عا اۋىسۋ كەزىندە ولاردىڭ وتكەن اكادەميالىق ۋاقىت ارالىعىندا مەڭگەرگەن جۇمىس وقۋ جوسپارلارىنىڭ پاندەرىندەگى اكادەميالىق ايىرماشىلىق انىقتالادى. پاندەردىڭ ايىرماشىلىعىن انىقتاۋ كەزىندە قورىتىندى باقىلاۋ نىساندارىنداعى ايىرماشىلىق ەسەپتەلمەيدى. 6. جۇمىس وقۋ جوسپارلارىنىڭ پاندەرىندەگى اكادەميالىق ايىرماشىلىقتى زەردەلەنگەن پاندەردىڭ تىزبەسى, وقۋ كارتوچكاسىنىڭ كوشىرمەسىندە نەمەسە ترانسكريپتتە نە بولماسا «ءبىلىم الۋدى اياقتاماعان ادامدارعا بەرىلەتىن انىقتاما نىسانىن بەكىتۋ تۋرالى» قازاقستان رەسپۋبليكاسى ءبىلىم جانە عىلىمي ءمينيسترىنىڭ 2009 جىلعى 12 ماۋسىمداعى № 289 بۇيرىعىمەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 5717 بولىپ تىركەلگەن) بەكىتىلگەن نىسان بويىنشا ءبىلىم الۋدى اياقتاماعان ادامدارعا بەرىلەتىن انىقتامادا كورسەتىلگەن ولاردىڭ باعدارلامالارى مەن اكادەميالىق ساعاتتار نەمەسە كرەديتتەر كولەمى نەگىزىندە ۇقو جوو انىقتايدى. وقۋ ءپانى باسقا وقۋ پانىمەن نەمەسە وقۋ ءپانىنىڭ مازمۇنى بويىنشا ارالاس توپتامامەن مازمۇنى مەن كولەمى سايكەس بولعان جاعدايدا پرەرەكۆيزيت رەتىندە انىقتالعان قايتا تاپسىرۋعا رۇقسات ەتىلەدى. 7. مەڭگەرىلگەن پرەرەكۆيزيتتەرگە سايكەس ۇقو جوو ءبىلىم بەرۋ كۋرسىن انىقتايدى جانە وقۋ باعدارلامالارىنا سايكەس مەڭگەرگەن كرەديتتەردى قايتا تاپسىرۋدى وتكىزەدى. جۇمىس وقۋ جوسپارىنىڭ پاندەرىندەگى اكادەميالىق ايىرماشىلىقتى جويۋ ۇقو جوو وقۋ-ادىستەمەلىك بولىمشەسى دايىندايتىن جانە ۇقو جوو باستىعىنىڭ وقۋ-ادىستەمەلىك جۇمىسقا جەتەكشىلىك ەتەتىن ورىنباسارى بەكىتەتىن جەكە جوسپار بويىنشا اعىمداعى اكادەميالىق كەزەڭدە جۇزەگە اسىرىلادى. 8. جۇمىس وقۋ جوسپارىنىڭ پاندەرىندەگى بەلگىلەنگەن مەرزىمدە جويىلماعان اكادەميالىق ايىرماشىلىق بۇدان ءارى اكادەميالىق قارىز بولىپ ەسەپتەلەدى. ءپان بويىنشا اكادەميالىق ايىرماشىلىقتى جويۋ كەزىندە قاناعاتتانارلىقسىز باعا العان جاعدايدا قارىز كەلەسى اكادەميالىق كەزەڭنىڭ باستالۋىنا دەيىن جويىلادى. 9. ۇقو جوو اۋىسۋعا نيەت بىلدىرگەن قر جوو-دا ءبىلىم الاتىن ادامدار (بۇدان ءارى – وقۋعا كانديداتتار) اۋىستىرۋ جىلىنىڭ الدىنداعى جىلدىڭ 1 جەلتوقسانىنا دەيىن, قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ بولىمشەلەرى جانە ورگاندارى (بۇدان ءارى – ۇقك بولىمشەلەرى) ارقىلى ۇقو جوو باستىعىنىڭ اتىنا ءبىلىم الۋ ءتىلىن كورسەتە وتىرىپ, ەركىن نىساندا ءوتىنىش بەرەدى. وتىنىشكە: 1) جەكە باسىن كۋالاندىراتىن قۇجات (نوتاريالدى كۋالاندىرىلعان كوشىرمە); 2) الدىڭعى ءبىلىم دەڭگەيىن راستايتىن قۇجاتتار (ورتا ءبىلىمى تۋرالى اتتەستات نەمەسە ورتا بىلىمنەن كەيىنگى ءبىلىمى تۋرالى ديپلوم); 3) وقۋ, وقۋ-ادىستەمەلىك جۇمىسقا جەتەكشىلىك ەتەتىن قر جوو باستىعىنىڭ ورىنباسارى جانە قر جوو وقۋ-ادىستەمەلىك بولىمشەسىنىڭ قىزمەتكەرى قول قويعان, ەلتاڭبالىق مورمەن مورلەنگەن ترانسكريپت كوشىرمەسى; 4) ۇلتتىق بىرىڭعاي تەستىلەۋ نەمەسە كەشەندى تەستىلەۋدى تاپسىرۋ تۋرالى سەرتيفيكات (كوشىرمە); 5) التى فوتوسۋرەت (باس كيىمسىز, كولەمى 4,5 ح 6 سم); 6) اسكەرگە شاقىرىلۋشىنىڭ كۋالىگى (كوشىرمە); 7) ءومىربايان مەن ساۋالناما (تۇپنۇسقا) قوسا بەرىلەدى. 10. ۇقو جوو ءتيىستى كۋرستا بوس ورىن بولعان كەزدە بەس جۇمىس كۇنى ىشىندە وسى قاعيدالارعا قوسىمشاعا سايكەس نىسان بويىنشا ۇقو جوو-عا اۋىسۋ مۇمكىندىگى تۋرالى قورىتىندىنى (بۇدان ءارى – قورىتىندى) دايىندايدى; كانديداتتىڭ وقۋ ورنى بويىنشا ۇقك بولىمشەسىنە قورىتىندىنىڭ كوشىرمەسىن جولدايدى. 11. ۇقك بولىمشەلەرىنىڭ كادر قىزمەتى «قازاقستان رەسپۋبليكاسىنىڭ ارناۋلى مەملەكەتتىك ورگاندارى تۋرالى» 2012 جىلعى 13 اقپانداعى قازاقستان رەسپۋبليكاسى زاڭىنىڭ (بۇدان ءارى – زاڭ) 7 جانە 10-باپتارىندا كوزدەلگەن ەرەكشەلىكتەردى ەسكەرە وتىرىپ: قىزمەتكە جارامدىلىعىن انىقتاۋ ءۇشىن كانديداتتاردى وقۋعا ارنايى تەكسەرۋ, ۇقك بولىمشەلەرىنىڭ اسكەري-دارىگەرلىك كومميسسيالارىندا پسيحوفيزيولوگيالىق جانە مەديتسينالىق كۋالانداندىرۋ, سونداي-اق پوليگرافولوگيالىق زەرتتەۋلەر بويىنشا ءىس-شارالار وتكىزەدى; ۇقو جوو-عا وقۋعا كانديداتتاردىڭ قالىپتاسقان جەكە ىستەرىن اۋىساتىن جىلدىڭ 20 مامىرىنا دەيىن جىبەرەدى. 12. ۇقو جوو اۋىسۋ جىلىنىڭ 10 ماۋسىمىنا دەيىن ۇقك بولىمشەلەرىنىڭ كادر قىزمەتى ارقىلى وقۋعا كانديداتتاردى اۋىسۋ جونىندەگى ءىس-شارالاردىڭ وتكىزىلۋ مەرزىمى تۋرالى حاباردار ەتەدى. 13. كانديداتتاردى كۋرسانتتار قۇرامىنا وقۋعا قابىلداۋ ۇقو جوو باستىعىنىڭ بۇيرىعىمەن رەسىمدەلەدى. 3. قايتا قابىلداۋ ءتارتىبى 14. ۇقو جوو-دان شىعارىلعان ادام زاڭمەن رەگلامەنتتەلگەن ارناۋلى (اسكەري) وقۋ ورنىنا وقۋعا قابىلداۋ شارتتارىمەن انىقتالعان جاس ەرەكشەلىكتەرى شەكتەۋلەرىن ەسكەرە وتىرىپ, ەركىن نىساندا ءوتىنىش بەرگەن كەزدە جانە قايتا قابىلداۋ راسىمدەرىنەن تابىستى وتكەندە قايتا قابىلدانادى. 15. ۇقو جوو-دان تومەن ۇلگەرىمى نەمەسە تەرىس سەبەپتەر بويىنشا بۇرىن وقۋدان شىعارىلعان ادامدار ۇقو جوو-عا قايتا قابىلداۋعا جاتپايدى. 16. قايتا قابىلداۋ تۋرالى ءوتىنىش ۇقو جوو باستىعىنىڭ اتىنا كەزەكتى اكادەميالىق كەزەڭنىڭ باستالۋىنا دەيىن ءۇش ايدان كەشىكتىرىلمەي وقۋدى جالعاستىرۋ نيەتىن بىلدىرە وتىرىپ, بەرىلەدى. قايتا قابىلداۋ تۋرالى وتىنىشكە ترانسكريپت قوسا بەرىلەدى. 17. ءبىلىم الۋشى جۇمىس وقۋ جوسپارىنا سايكەس ءبىرىنشى اكادەميالىق كەزەڭدى بىتىرگەن جاعدايدا, سونداي-اق ەگەر باكالاۆريات ءۇشىن جۇمىس وقۋ جوسپارىنداعى ايىرماشىلىق بەستەن كوپ ەمەس وقۋ ءپانىن قۇراسا, جوو كادر بولىمشەسى ەكى جۇمىس كۇنى ىشىندە زاڭنىڭ 8-بابى 1-تارماعىنا سايكەس تەكسەرۋ ءىس-شارالارىن جۇرگىزۋدى باستايدى. 18. تەكسەرۋ ءىس-شارالارى دۇرىس وتكەن كەزدە تەكسەرۋ اياقتالعان كۇننەن باستاپ ەكى اپتالىق مەرزىمدە وقۋ-ادىستەمەلىك بولىمشەسى ۇقو جوو باسشىسىنىڭ اتىنا وقۋعا قايتا قابىلداۋ مۇمكىندىگى تۋرالى انىقتاما دايىندايدى جانە ونى ۇقو جوو عىلىمي كەڭەسىنە قاراۋ ءۇشىن ۇسىنادى. 19. ۇقو جوو عىلىمي كەڭەسى تەكسەرۋ راسىمدەرىنىڭ وڭ قورىتىندىسى بولعان جانە وسى قاعيدالار 17-تارماعىنىڭ شارتتارى ساقتالعان كەزدە ۇقو جوو-نىڭ جۇمىس جوسپارلارىنىڭ پاندەرى بويىنشا اكادەميالىق قارىزدى جويۋعا قابىلداۋى تۋرالى شەشىم قابىلدايدى. 20. كانديدات اكادەميالىق قارىزدى جويعان كەزدە ۇقو جوو باستىعىنىڭ بۇيرىعىمەن وقۋعا قايتا قابىلدانادى. 21. ۇقو جوو-عا وقۋدان شىعارىلعان ادامدى قايتا قابىلداۋ ۇقساس ماماندىق بويىنشا سول كۋرسقا جۇزەگە اسىرىلادى. قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ اسكەري, ارناۋلى وقۋ ورىندارىنا اۋىستىرۋ جانە قايتا قابىلداۋ قاعيدالارىنا قوسىمشا نىسان بەكىتەمىن ۇقو جوو باستىعىنىڭ لاۋازىمى اتاعى ______________ تەگى مەن اتى-ءجونى 20___ ج. «____» ________________ قازاقستان رەسپۋبليكاسى ۇقك ____________________________________________ اۋىستىرۋ مۇمكىندىگى تۋرالى (قازاقستان رەسپۋبليكاسى ۇلتتىق قاۋىپسىزدىك ورگاندارىنىڭ اسكەري, ارناۋلى وقۋ ورنىنىڭ اتاۋى) ق و ر ى ت ى ن د ى _______________________________________________________________________________ (كانديداتتىڭ لاۋازىمى, ارناۋلى نەمەسە اسكەري اتاعى, تەگى, اتى, اكەسىنىڭ اتى (بار بولسا)) الدىڭعى اكادەميالىق كەزەڭدەردە ___________________كانديدات مەڭگەرگەن جۇمىس وقۋ جوسپارلارىنىڭ پاندەرىندەگى اكادەميالىق ايىرماشىلىق ___ وقۋ ءپانىن قۇرايدى. № ءپاننىڭ اتاۋى ەسكەرتپە ۇقو جوو كادر قىزمەتىنىڭ باستىعى: __________ اتاعى, تەگى مەن اتى-ءجونى ۇقو جوو وقۋ-ادىستەمەلىك بولىمشەسىنىڭ باستىعى: _______ اتاعى, تەگى مەن اتى-ءجونى قورىتىندىمەن تانىستىم: 20___ ج. «____» ________________ قولى_____________________ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 18 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13121 بولىپ ەنگىزىلدى.