شىمكەنتتىك «موسكۆيچ-412» كولىگى افينا كوشەلەرىندە ءجۇر

تاياۋدا «Motor.kz» پورتالىندا ءبىر قىزىق فوتو جاريالاندى. وندا كادىمگى كەڭەس ۇكىمەتى كەزىندە شىعارىلعان ەسكى «موسكۆيچ-412» شىمكەنت نومىرىمەن ءتۇسى­رىلىپتى. بىلاي قاراساڭ, قىزىق فاكت. گرەكيا­نىڭ جۇرەگى – افينا قايدا, قازاقستاننىڭ كۇن ساۋلەتتى شىمكەنتى قايدا؟! وسى افينادا وليمپيادا ويىندارى ءوتتى. قازاقستاندىق سپورت دەلەگاتسياسىنىڭ قۇرامىندا بارعان زياددين دەگەن جىگىت اعاسى, بۇگىندە مارقۇم, ءبىر قىزىق اڭگىمە ايتىپ بەرىپ ەدى. – افينادا داۋدىراپ ءبىر توپ قازاق اڭگىمە ايتىپ بارا جاتىر ەدىك, – دەيدى زاكەڭ, – كوشەدە وتىرعان ءبىر اقساقال ورنىنان اتىپ تۇرىپ, تازا قازاقشا: «ياپىراي, قازاقسىڭدار ما؟», – دەدى. «قازاقپىز. شىمكەنتتەنبىز», – دەدىك تاڭىرقاپ. «وندا ىشتەرىڭدە قۇلشىعاش بار ما؟». ءزيادديننىڭ ءوزى قوڭىرات تايپاسىنىڭ قۇلشىعاش رۋىنان عوي. ءبىراز جىگىت كەلەمەجدەپ كۇلگەن. ول انت-سۋ ءىشىپ ءتۇ­سىندىردى. ءسوي­تسە, الگى اقساقال شىمكەنتتىڭ كەن­تاۋىندا تۇرىپتى. قاراتاۋدىڭ ءتا­جى اتانعان كەنتاۋ – ەۋروپانىڭ كونە قا­لا­­لارىنا وتە ۇقسايدى. قازاقستان قا­لا­لا­رىنىڭ ىشىندە توبەدە اسپالى شام ور­ناتىلعان ۆەلوسيپەدكە ارنالعان جولدى وسى كەنتاۋدان كورگەنبىز. كەنتاۋدا گرەكتەر تۇرعان. تاعدىر تالايىمەن قازاقستاننىڭ وسى قالاسىنا جەر اۋدارىلىپ, وتكەن عا­سىردىڭ 90-جىلدارىندا تاريحي وتانىنا قايتقان گرەكتەر قازاقتارمەن توننىڭ ىشكى باۋىنداي ارالاسىپ كەتكەن. الگى افيناداعى گرەك قۇلشىعاشتىڭ ءبىر ازاماتىمەن زامانداس بولىپ, جىلىك ۇستاتقان دوس ەكەن. كەڭەستىك كارى تارلان «موسكۆيچتىڭ» يەسىمەن گرەكياعا سەگىز مىڭ شاقىرىم ءجۇرىپ كەلۋىن وسىلاي تۇسىندىرۋگە بولادى. گرەكتەر وتانىنا قايتقان 90-جىلدارى «موسكۆيچ» بۇگىنگى «مەرسەدەستەي» باعالى ەدى. بۇگىندە ءالى شىمكەنتتىك ءنومىرى شەشىلمەگەن يج-412 افينانىڭ Tharipou كوشەسىندەگى №12 ۇيدە 2009 جىلدان بەرى تۇر دەسەدى. باقتيار تايجان, «ەگەمەن قازاقستان». شىمكەنت.