ماڭىزى زور شارا

ەل تاۋەلسىزدىگىنىڭ مەرەيتويىنا وراي ۇيىمداستىرىلعان «ماڭگىلىك ەل» الەۋمەتتىك پويىزىنا مىنگەن قادىرلى قوناقتارعا اققايىڭ اۋدانىنىڭ جۇرتشىلىعى گۇل شوقتارىن ۇسىنىپ, كوتەرىڭكى كوڭىل-كۇيمەن قارسى الدى. تەمىرجول ۆوكزالىندا ەتنومادەني بىرلەستىكتەر, ۇكىمەتتىك ەمەس ۇيىمدار, جاستار وكىلدەرىنىڭ قاتىسۋىمەن وتكەن ميتينگىنى اۋدان اكىمى داۋرەن بايتولەشوۆ اشىپ, «ماڭگىلىك ەل» الەۋمەتتىك پويىزى اياسىندا تاۋەلسىزدىگىمىزدىڭ قول جەتپەس قۇندىلىقتارىن ناسيحاتتاپ, مەديتسينالىق, قۇقىقتىق, تاعى باسقا قىزمەتتەر كورسەتۋدى باستى ماقسات ەتكەن اكتسياعا قاتىسۋشىلاردى قاسيەتتى قىزىلجار جەرىنە كەلۋلەرىمەن قۇتتىقتاپ, جۇمىستارىنا تابىس تىلەدى. ايتۋلى شاراعا قاتىسۋ­شى­لاردى باستاپ كەلگەن توپ جە­تەكشىسى ءامىرجان الپەيىسوۆ وزگە اي­ماقتار سەكىلدى جۇزدەن استام ۇلت وكىلدەرى مەكەندەيتىن سولتۇستىك قازاقستان وبلىسى تۇرعىندارىنىڭ قۇشاق جايا قارسى العاندارى ءۇشىن ريزاشىلىعىن ءبىلدىرىپ, اكتسيانىڭ وسكەلەڭ ۇرپاق ءۇشىن ءمان-ماڭىزىن اتاپ كورسەتتى. ول ءوز سوزىندە قا­زاقستان شيرەك عاسىرعا جۋىق ۋا­قىت بەدەرىندە ازات ەلگە اينالىپ قانا قويماي, ەكونوميكالىق دامۋ تۇرعىسىنان دا الدا كەلە جاتقانىن, ۇلگى الار تاعىلىمدار مەن ۇردىستەر مول ەكەنىن جەتكىزدى. سالتاناتتى شارادان سوڭ دەن­­­ساۋلىق ساقتاۋ جانە الەۋ­مەتتىك دامۋ, ءبىلىم جانە عىلىم مينيسترلىكتەرىنىڭ, «اتا­مەكەن» ۇلتتىق كاسىپكەرلەر پالا­تاسى­نىڭ وكىلدەرى اۋداندىق كى­تاپ­حانا مەن حالىققا قىزمەت كور­سەتۋ ورتالىعىندا كەزدەسۋ­لەر ۇيىم­داستىرىپ, قوعامدىق قا­بىلداۋ جۇرگىزدى. ءوتىنىش-تىلەكتەر ايتا كەلگەن كوپشىلىكتىڭ ارىزدارىن مۇقيات تىڭداپ, شە­شىلۋىنە ىقپال جاسادى. «اتا­مەكەن» ۇلتتىق كاسىپكەرلەر دەپار­تامەنتىنىڭ ساراپشىسى ارنۇر دارىباەۆ, «قاز­اگروونىم» اق اپ­پارات باس­شى­­سىنىڭ اتقارۋشى ديرەكتورى مۇرات ەرگەشباەۆ قۇقىقتىق جاعىنان تۇسىنىكتەمەلەر بەرسە, دارىگەرلەر ورتالىقتاندىرىلعان ەمحانادا كەلۋشىلەردى قابىلداپ, مەديتسينالىق كومەك كورسەتتى. وسى كۇنى اق حالاتتى ابزال جان­دارعا التى جۇزگە جۋىق ادام تەگىن تەكسەرۋلەردەن ءوتتى. ولاردىڭ قا­تا­رىندا عاليا سۇيىندىكوۆا, ىبىراي قۇسايىنوۆ سەكىلدى تۇر­عىندار بولىپ, اق العىستارىن جاۋدىردى. «جۇمىسپەن قامتۋدىڭ جول كارتاسى-2020» باعدارلاماسىنا قاتىسۋشىلاردىڭ ءبىرى ۆلاديمير كوۆالەۆ اۋىلدىق جەردە كاسىبىن وركەندەتۋگە مۇمكىندىك بەرىپ وتىر­عان جوبالارعا قۋانىشتى ەكەنىن ءبىلدىردى. تۇستەن كەيىن «ماڭگىلىك ەل» الەۋمەتتىك اكتسياسى شەڭبەرىن­دە پرە­زيدەنت جانىنداعى «قو­عام­دىق كەلىسىم» رەسپۋبليكالىق مەم­لەكەتتىك مەكەمەنىڭ قىز­مەت­كەر­لەرى مەن ەتنومادەني بىرلەستىكتەردىڭ مۇشەلەرى بريفينگ ۇيىمداستىرىپ, جولداۋ تالاپتارىن, «100 ناقتى قادام» ۇلت جوسپارى ماقساتتارىن ءتۇسىندىرىپ, «ماڭگىلىك ەل» يدەياسى باستى تاقىرىپ ارقاۋىنا اينالدى. جاستاردىڭ باس بولۋىمەن وتكەن فلەش-موبتا, «مەنىڭ ەلىم–ماڭگىلىك ەل» كىتاپ كورمەسىندە جۇرتشىلىق تاۋەلسىزدىك قۇندى­لىقتارىن جان-جاقتى سيپاتتايتىن دۇنيەلەرمەن تانىستى. وبلىس كوركەمونەرپازدارىنىڭ كون­تسەرتتىك باعدارلاماسىن تاماشالادى. ءومىر ەسقالي, «ەگەمەن قازاقستان». سولتۇستىك قازاقستان وبلىسى. سۋرەتتەردى تۇسىرگەن تالعات تانىباەۆ.