وزىق تاجىريبە تابىسقا باستايدى

كەشە ۇكىمەت ۇيىندە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ تاياۋ­دا دۇنيەجۇزىلىك بانكتىڭ قازاقستانداعى تۇراقتى وكىلى لاۋازى­مىنا تاعايىندالعان اتو براۋنمەن كەزدەسۋ وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. تاراپتار دۇنيەجۇزىلىك بانكتىڭ قولداۋىمەن قازاقستاندا جۇزەگە اسىرىلىپ جاتقان جوبالاردى, سونداي-اق, ءبىزدىڭ ەلىمىزدىڭ «Doing Business» رەيتينگىندەگى پوزيتسياسىن جاقسارتۋ جونىندەگى رەفورمالاردى تالقىلادى. باقىتجان ساعىنتاەۆ كەلىس­سوز­دەر بارىسىندا قازاقستاندى ءدۇ­نيەجۇزىلىك بانكتىڭ «Enabling the Business of Agriculture» («اگروبيزنەستى دامىتۋ») ەسەبىنە قوسۋ­دى ۇسىندى. زەرتتەۋ ناتيجەلەرى ۇكىمەت­كە تالداۋ جاساۋعا جانە اۋىل شارۋا­شىلىعىندا بيزنەس ءجۇر­گىزۋ ءۇشىن ورىن الىپ وتىرعان اكىم­شىلىك كەدەرگىلەردى قىسقار­تۋعا, شەتەلدەردىڭ تابىستى ءتاجىري­بەلەرىن ەسكەرە وتىرىپ, تاۋەلسىز ساراپ­شىلار ۇسىنىمدارى نەگىزىندە اوك-ءتى دامىتۋدىڭ قازىرگى بار باعدارلامالارىنا وزگەرىستەر ەنگىزۋگە, اۋىل شارۋاشىلىعىن قولداۋ­عا باعىتتالعان بيۋدجەت قارجى­لارىن نەعۇرلىم ءتيىمدى پايدا­لانۋعا جاعداي جاسايدى. ونىڭ سىرتىندا وڭىرلەردەگى وتان­دىق اۋىلشارۋاشىلىق تاۋارلارىن وندىرۋشىلەرگە قولداۋ جاساۋ ءجو­نىندەگى ورتالىق جانە جەرگىلىكتى اتقارۋ ورگاندارىنىڭ جۇمىستارىنا باعا بەرۋگە مۇمكىندىك تۋعىزادى. العاشقى «Enabling the Business of Agriculture» ەسەبى 2016 جىلدىڭ 28 قاڭتارىندا جاريالاندى. وندا 40 ەلدىڭ 10 تاقىرىپتىق باعىتتارى بويىنشا رەتتەۋشىلىك تەتىكتەرىنە تالداۋلار جاسالعان.