قازاقستان حالقى اسسامبلەياسى

ۇسىنعان دەپۋتاتتىققا كانديداتتار تىركەلۋگە قاجەتتى قۇجاتتاردى تاپسىردى كەشە قازاقستان حالقى اسسامبلەياسىنىڭ كەڭەسى ۇسىنعان پارلامەنت ءماجىلىسىنىڭ دەپۋتاتتىعىنا كانديداتتار ورتالىق سايلاۋ كوميسسياسىنا تىركەۋ ءۇشىن قاجەتتى قۇجاتتاردى ۇسىندى. 26 اقپاندا «قازاقستان رەس­پۋب­ليكاسىنداعى سايلاۋ تۋرالى» قازاقستان رەسپۋبليكاسى كونس­تيتۋتسيالىق زاڭىنىڭ 87-بابىنا جانە «قازاقستان حال­قى اسسام­بلەياسى تۋرالى» قازاقستان رەس­پۋبليكاسى زاڭى­نىڭ 10-بابىنا سايكەس قحا كە­ڭەسى قازاقستان حال­قى اس­سامبلەياسى سايلايتىن قازاقستان رەس­پۋبليكاسى پار­لامەنتى ءماجىلىسىنىڭ دەپۋتاتتىعىنا 9 كان­ديدات – ساۋىت­بەك ابدراح­مانوۆ, ۆلا­ديمير كارپو­ۆيچ بوجكو, ناتاليا ۆاسيلە­ۆ­نا جۇمادىلداەۆا, رومان ۋكە­نو­ۆيچ كيم, نارينە گاملە­توۆنا ميكاەليان, احمەد سەيداراح­ما­نوۆيچ مۋرادوۆ, شايماردان ۋساي­نوۆيچ نۇرۋموۆ, يۋري ەۆ­گە­نيەۆيچ تيموششەنكو جانە شا­كير حۋساينوۆيچ حاحازوۆتى ۇسىنعان ەدى. كەشە ەلىمىزدىڭ سايلاۋ زاڭناماسىنىڭ تالاپتارىنا سايكەس قازاقستان حالقى اسسامبلەياسى سايلايتىن قا­زاقستان رەسپۋبليكاسى پار­لامەنتى ءماجىلىسىنىڭ دەپۋ­تاتتىعىنا اسسامبلەيا كەڭە­سى ۇسىنعان كانديداتتار ورتا­لىق سايلاۋ كوميسسياسىنا ءتىر­كەۋ ءۇشىن قاجەتتى مىنا­داي قۇجاتتاردى ۇسىندى: اس­سامبلەيا كەڭەسىنىڭ دەپۋ­تات­تىققا كانديداتتاردى ۇسى­نۋ تۋرالى حاتتاماسىنان ءۇزىن­دى كوشىرمە, دەپۋتاتتىققا كان­ديدات بولىپ داۋىسقا ءتۇ­سۋگە كەلىسىم بەرۋ تۋرالى ءوتىنىش, قازاقستان حالقى اس­سامبلەياسىنىڭ كەڭەسى ۇسىن­عان ءاربىر ادام تۋرالى ءومىر­باياندىق دەرەكتەر, سالىق ور­گا­نىنىڭ قازاقستان حالقى اس­سامبلەياسىنىڭ كەڭەسى ۇسىنعان كانديداتتاردىڭ ءجا­نە ولاردىڭ جۇبايلارىنىڭ تا­بىسى مەن مۇلكى تۋرالى دەكلاراتسيا تاپسىرعانى تۋرالى انىقتامالارى. 2016 جىلعى 21 ناۋرىزعا تاعاي­ىن­دالعان قازاقستان حالقى اسسامبلەياسى ساي­لايتىن قازاقستان رەسپۋبليكاسى پارلامەنتى ءماجىلىسى دەپۋ­تات­تارىن كەزەك­تەن تىس ساي­لاۋ­دى ازىرلەۋ مەن وتكىزۋ ءجو­نىن­دەگى نەگىزگى ءىس-شارالار­دىڭ كۇن­تىزبەلىك جوسپارىنا سايكەس, قازاق­ستان حالقى اسسام­بلەياسى ۇسىنعان قازاق­­ستان رەسپۋبليكاسى پارلا­مەن­تى ءماجى­لىسىنىڭ دەپۋتات­تىعىنا كانديداتتاردى تىركەۋ 2016 جىلعى 29 اقپان – 5 ناۋ­رىز ارالىعىنداعى كەزەڭدە جۇرگىزىلەدى. ءاليسۇلتان قۇلانباي, «ەگەمەن قازاقستان». سۋرەتتى تۇسىرگەن ەرلان وماروۆ.