بيۋدجەتكە وزگەرىستەر قارالدى

قاسىم-جومارت توقاەۆتىڭ توراعالىق ەتۋىمەن وتكەن سەنات بيۋروسىنىڭ وتىرىسىندا جوعارعى پالاتانىڭ 2016 جىلعى 3 ناۋرىزدا بولاتىن كەزەكتى وتىرىسىنىڭ كۇن ءتارتىبى كەلىسىلدى, دەپ حابارلادى سەناتتىڭ ءباسپاسوز قىزمەتى. سەنات تالقىسىنا «قازاقستان رەسپۋبليكاسىنىڭ ۇلتتىق قورىنان 2016-2018 جىلدارعا ارنالعان كەپىلدەندىرىلگەن ترانسفەرت تۋرالى» زاڭعا وزگەرىس ەنگىزۋ تۋرالى» جانە «2016-2018 جىلدارعا ارنالعان رەسپۋبليكالىق بيۋدجەت تۋرالى» زاڭعا وزگەرىستەر مەن تولىقتىرۋلار ەنگىزۋ تۋرالى», سونداي-اق, «حالىقتى جۇمىسپەن قامتۋ تۋرالى» زاڭ جوبالارى شىعارىلادى. «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەكولوگيالىق ماسەلەلەر بويىنشا وزگەرىستەر مەن تولىقتىرۋلار ەنگىزۋ تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە حالىقتى جۇمىسپەن قامتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى ءبىرىنشى وقىلىمدا قارالادى. كۇن تارتىبىنە ءتورت حالىقارالىق قۇجات: قازاقستان رەسپۋبليكاسىنىڭ ۇكىمەتى مەن سلوۆاك رەسپۋبليكاسىنىڭ ۇكىمەتى اراسىنداعى ينۆەستيتسيالاردى كوتەرمەلەۋ جانە ءوزارا قورعاۋ تۋرالى كەلىسىمدى; شانحاي ىنتىماقتاستىق ۇيىمىنا مۇشە مەملەكەتتەردىڭ شەكارا ماسەلەلەرى بو­يىنشا ىنتىماقتاستىعى مەن ءوزارا ءىس-قيمىلى تۋرالى كەلىسىمدى; كاسپي تەڭىزىنىڭ تەڭىز ورتاسىن قورعاۋ جونىندەگى نەگىزدەمەلىك كونۆەنتسياعا مۇنايمەن لاستانۋعا اكەلەتىن توسىن وقيعالار جاعدايىنداعى وڭىرلىك ازىرلىك, دەن قويۋ جانە ىنتىماقتاستىق تۋرالى حاتتامانى; قۇرلىقتىق قايراڭدا ورنالاسقان ستاتسيونارلىق پلاتفورمالار قاۋىپسىزدىگىنە قارسى باعىتتالعان زاڭسىز ءىس-ارەكەتتەرمەن كۇرەس تۋرالى حاتتاماعا 2005 جىلعى حاتتامانى راتيفيكاتسيالاۋ تۋرالى ماسەلەلەر ەنگىزىلدى.