تۇركىتىلدەس ەلدەرمەن قارىم-قاتىناس ارتا تۇسپەك

كەشە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ تۇركىتىلدەس مەملەكەتتەر ىنتىماقتاستىعى كەڭەسىنىڭ (تمىك) باس حاتشىسى راميل گاسانوۆپەن كەلىسسوزدەر جۇرگىزدى, دەپ حابارلادى پرەمەر-ءمينيستردىڭ ءباسپاسوز قىزمەتى. كەزدەسۋ بارىسىندا مادەنيەت الماسۋدى نىعايتۋ, ءبىلىم بەرۋ, تۋريزم سالالارىنداعى بايلانىستاردى دامى­تۋ­دى قوسا العاندا, كوپ جاقتى ىنتىماق­تاس­تىقتىڭ نەگىزگى باعىتتارى تالقىلاندى. باقىتجان ساعىنتاەۆ پەن راميل گا­سانوۆ تمىك-قا مۇشە مەملەكەتتەردىڭ تران­زيتتىك الەۋەتىن, سونىڭ ىشىندە ترانس­كاسپي حالىقارالىق كولىك باعىتى ارقىلى دا ودان ءارى دامىتۋدىڭ ماڭىزدىلىعىن اتاپ كورسەتتى. قازىرگى ۋاقىتتا تۇركى كەڭەسى قولداۋىمەن حالىقارالىق قۇراما جۇك تاسىمالدارى تۋرالى كەلىسىمنىڭ جوباسى تالقىلانۋدا, ونىڭ ماقساتى جۇكتى قۇرامالى تۇردە كاسپي تەڭىزى ارقىلى تاسىمالداۋ نۇسقاسىنىڭ تيىمدىلىگىن ارتتىرۋ جانە قىتاي-ەۋروپا باعىتىنداعى ءترانزيتتى ۇلعايتۋ. تمىك قۇرۋ تۋرالى كەلىسىمگە 2009 جىلدىڭ 3 قازانىندا ناحچىۆان قالاسىندا (ازەربايجان رەسپۋبليكاسى) وتكەن 9-شى سامميتتە قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ باس­تاماسى بويىنشا قول قويىلعان بولاتىن. ۇستىمىزدەگى جىلى قازاقستان رەسپۋب­ليكاسى تۇركى كەڭەسىنە توراعالىق ەتەدى. تمىك حاتشىلىعىنىڭ شتاب-پاتەرى ىستام­بۇل قالاسىندا ورنالاسقان.