اگرارلى وڭىردەگى القالى باسقوسۋلار

«نۇر وتان» پارتياسى توراعاسىنىڭ ءبىرىنشى ورىنباسارى اسقار مىرزاحمەتوۆ باستاعان رەس­پۋبليكالىق سايلاۋالدى شتاب كەشە اقمولا وبلى­سىندا ۇگىت-ناسيحات جۇمىستارىن جۇرگىزدى. رسش مۇشەلەرى مۇندا وبلىستىق شىعارماشىلىق ينتەل­ليگەنتسيا مەن ەتنومادەني بىرلەستىكتەر وكىلدەرىمەن, دەنساۋلىق ساقتاۋ جانە تەمىرجول سالالارىنىڭ ەڭبەككەرلەرىمەن كەزدەستى. بۇل جولى دەلەگاتسيا قۇرامىنا پار­لامەنت ءماجىلىسى V شاقىرىلىمىنىڭ دەپۋتاتى سەرگەي دياچەنكو, «ۇلتتىق عىلىمي مەديتسينالىق ورتالىعىنىڭ» ديرەكتورى اباي بايگەنجين, «قتج» ۇك ۆيتسە-پرەزيدەنتى رومان سكليار, «اۋىل شارۋاشىلىعى ارداگەرلەر كەڭەسى» قوعامدىق بىرلەستىگىنىڭ توراعاسى ميحايل تروشيحين, تەاتر جانە كينو اكتەرى نۇرلان ءالىمجان, «قازاقستان بارىسى» دامۋ قورى قامقورشىلار كەڭەسىنىڭ تور­اعاسى ارمان شوراەۆ جانە تاعى باسقا­لار دا كىردى. مۇندا ولار «رودينا» اگروفير­ما­سىنىڭ جۇمىسىمەن تانىستى. سوڭعى ءۇش جىل ىشىندە اگروفيرمانىڭ ورتاشا جىلدىق ءوندىرىس كولەمى 3,7 ميلليارد تەڭگەنى قۇراعان. قازىرگى تاڭدا ءوندىرىس كولەمىنىڭ 65 پايىزىن ەگىن, ال قالعان بولىگىن مال شارۋاشىلىعى قۇرايدى ەكەن. جينالعان قاۋىم الدىندا ءسوز سوي­لە­گەن رسش جەتەكشىسى اسقار مىرزاحمەتوۆ بىلاي دەدى: «ەلباسى تاپسىرماسىنا سايكەس, 2020 جىلعا قاراي اگروونەركاسىپ كەشەنىن قارجىلاندىرۋ 4, 5 ەسەگە ارتپاق. وعان قوسا, مەملەكەتتىك سۋبسيديالاۋ سوڭعى ءونىم وندىرىسىنە باعىتتالاتىن بولادى. ىشكى نارىقتى وتاندىق ونىمدەرمەن قامتاماسىز ەتۋدە قۇس ەتى يمپورتىن 55%-دان 40%-عا, ءسۇت يمپورتىن 28%-دان 25%-عا تومەندەتۋ جوسپارلانۋدا». مەملەكەت باسشىسى 2014 جىلعى قىر­كۇيەك ايىندا اشقان «قوعامدىق كەلىسىم» ۇيىندە رسش مۇشەلەرى وبلىستىق ەتنومادەني ۇيىمدار وكىلدەرىمەن كەز­دەستى. قحا مۇشەسى جانسۇلۋ يسمايلوۆا بىلاي دەدى: «ەلباسىنىڭ بىرەگەي باستاماسى بۇگىندە كۇللى الەمگە ۇلگى. ۇلت پەن ۇلىستى ۇيىتىپ, بەرەكە-بىرلىكتى ساق­تاۋدا نۇرسۇلتان نازارباەۆتىڭ ەڭ­بەگى ەرەن. بەيبىتشىلىك – باعا جەتپەس باي­لىق. سول ءۇشىن ءبىز «نۇر وتانعا» داۋىس بەرەمىز». ال ش.قۇسايىنوۆ اتىن­داعى وبلىستىق دراما تەاترىندا شىعار­ماشىلىق جانە زيالى قاۋىم وكىل­دەرىمەن بولعان كەزدەسۋدە «نۇر وتان» پارتياسىنىڭ ۇلتتىڭ رۋحاني قۇندىلىقتارىن ساقتاۋعا ايرىقشا نازار اۋدارىپ كەلە جاتقانى ەرەكشە ايتىلدى. رسش مۇشەلەرى, سونىمەن قاتار, وبلىستىق قان ورتالىعىنا دا باردى. ال «قازاقستان تەمىر جولى» ۇك» اق اقمولا وبلىستىق بولىمشەسىندە بولعان كەزىندە مەملەكەتتىڭ حالىقتى جۇمىسپەن قامتىپ, ساپالى ءومىر سۇرۋگە جاعداي تۋعىزىپ وتىرعانىنا كەزەكتى مارتە كوز جەتكىزدى. اسقار تۇراپباي ۇلى, «ەگەمەن قازاقستان». اقمولا وبلىسى.