«اق جول» جۇمىسشىلارمەن جۇزدەستى

«فابريكا پوش-تاراز» جاۋاپ­كەر­شىلىگى شەكتەۋلى سەرىكتەcتىگى – وبلىستا وتپەلى كەزەڭ قيىندىقتارىن ەڭسەرىپ, ساقتالىپ قالعان جانە جۇمىسىن قايتا جانداندىرعان كاسىپورىننىڭ ءبىرى. كاسىپورىندا مەملەكەت قولداۋىمەن ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا ءونىمدى وڭدەۋ جولىندا ەلەۋلى شارالار قولعا الىنىپ, جۇزەگە اسىرىلۋدا. مۇندا 2010 جىلى يندۋستريالاندىرۋ كارتاسىنا ەنگىزىلگەن توپس ءوندىرۋ جوباسى جۇزەگە اسىرىلدى. كەشەگى اپتا سوڭىندا «اق جول» پار­تيا­سىنىڭ وكىلدەرى تاراز قالاسىن­داعى وسى كاسىپورىندا بولىپ, جۇمىسشى­لار­مەن كەزدەسىپ, ۇگىت-ناسيحات جۇمىستارىن جۇرگىزدى. – بۇگىن ءبىزدىڭ پارتيانىڭ وكىلدەرى تەرى-ءجۇن وڭدەۋمەن اينالىسىپ جات­قان جۇمىسشىلارمەن جۇزدەسىپ, كاسىپ­ورىننىڭ قازىرگى تىرشىلىگىمەن تانىسىپ, العا قويعان ماقساتتارىن ءبىلدى. ارينە, جەڭىل ونەركاسىبىمىزدىڭ دامۋىنا زور ۇلەس قوسۋعا قاۋقارى بار ءجۇن وڭدەۋ سالاسىنا ازىرگە شەتەلدىكتەردىڭ عانا قىزى­عۋ­شىلىعى بولىپ تۇر. سوندىقتان, ءبىزدى وتاندىق كاسىپكەرلەردىڭ شەتەلدەردەگى مۇددەلەرىنىڭ قورعالۋى قىزىقتىرادى, دەدى «اق جول» پارتياسىنىڭ وكىلى بولات مومىشەۆ. سونداي-اق, كەزدەسۋ بارىسىندا كى­لەم, كيىم-كەشەك توقۋعا ارنالعان بۇل ءونىم قازىر الەمدىك دەڭگەيدە تاپشى ەكەنى اي­تىلدى. ءوز كەزەگىندە پارتيا مۇشە­لەرى بيزنەستى دامىتۋ ءۇشىن الدىمەن باسە­كەلەستىكتى ارتتىرۋ, باعانى تومەن­دەتۋ قاعي­دالارىن قولدانۋ جاعىن ۇسىنا­تىن­دىقتارىن كولدەنەڭ تارتتى. جيىن بارىسىندا, سونداي-اق, پارتيا جاريالاعان باعدار­لاماداعى كاسىپكەرلەردى قولداۋعا باعىت­تالعان وزگە دە ۇسىنىستار ايتىلدى. ونىڭ ىشىندە جەكەمەنشىك بيزنەس­تى قولداپ جۇرگەن ۇلتتىق دامۋ ينستي­تۋت­تارىنىڭ قىزمەتىنە باقىلاۋدى كۇشەي­تۋ, كاسىپكەرلىكتى دامىتۋعا بولىنگەن مەم­لەكەتتىك قاراجاتتى پايدالانۋ ءتيىمدى­لىگىن قامتاماسىز ەتۋ جايى ءسوز بولدى. شىنىندا, ونەركاسىپ وركەندەمەي كوسە­گەمىز كوگەرمەيدى. بۇل كۇنى اقجول­دىق­تار «تاراز مەتاللۋرگيا زاۋىتى» جشس-ءنىڭ دە جۇمىسىمەن تانىستى. سونداي-اق, سوڭعى جىلدارى ءوندىرىسى وركەندەپ كەلە جاتقان جاڭاتاس قالاسىندا بولىپ, جەرگىلىكتى تۇرعىندارمەن كەزدەستى. كەز­دە­سۋدە پارتيانىڭ سايلاۋالدى باعدار­لا­ماسىنداعى باسىمدىقتار تۋرالى جان-جاقتى اڭگىمە قوزعالدى. ماسەلەن, جاس مەملەكەتتىلىگىمىزدىڭ باستاۋىندا تۇرىپ, ونىڭ قالىپتاسۋى مەن دامۋىنىڭ كۋاسى ءارى تىكەلەي قاتى­سۋ­شىسى بولۋىمىز ءبىزدى ماقتانىش سەزى­مىنە بولەيدى, دەدى اقجولدىقتار. سونىمەن بىرگە, قازىرگى كەزەڭدە ەلىمىزدىڭ الدىندا ۋاقتىلى جانە لايىقتى نازار اۋدارۋدى تالاپ ەتەتىن جاڭا تاريحي قاجەتتىلىكتەر تۇرعانىنا نازار اۋدارتىلدى. باسقاشا ايتقاندا, جاقسىلىققا قاراي ۇنەمى ۇمتىلۋ كەرەكتىگى اتاپ كورسەتىلدى. ورالحان ءداۋىت, «ەگەمەن قازاقستان». جامبىل وبلىسى.