ميسسيا باسشىسىمەن بايىپتى اڭگىمە

«اۋىل» حالىقتىق-دەموكراتيالىق پات­ريوت­تىق پارتياسى رەسپۋبليكالىق قوعامدىق شتابى­نىڭ مۇشەلەرى استانادا ەۋروپاداعى قاۋىپ­سىزدىك جانە ىنتىماقتاستىق ۇيىمىنىڭ دە­موكراتيالىق ينستيتۋتتار مەن ادام قۇ­قىق­تارى جونىندەگى بيۋروسى (ەقىۇ/دياقب) پارلامەنت ءماجىلىسى ساي­­لاۋىن بايقاۋ جونىندەگى ميسسياسىنىڭ جەتەكشىسى بوريس فرلەتسپەن جۇزدەستى. ەقىۇ/دياقب ميسسياسىنىڭ ساياسي ماسەلەلەر جونىندەگى ساراپشىلارى ءجا­نە «اۋىل» پارتياسىنىڭ بەلسەندىلەرى قا­تىس­قان شارادا رەسپۋبليكالىق قوعام­دىق شتاب جەتەكشىسى رۇستەم جولامان شە­تەل­­دىك بايقاۋشىلاردى پارلامەنت ءما­جى­لىسىنىڭ دەپۋتاتتارىن سايلاۋ ناۋقا­نى­نا دايىندىق بارىسىمەن تانىستىردى. «قازىرگى تاڭدا «اۋىل» پارتياسىنىڭ رەسپۋبليكالىق قوعامدىق شتابى بارلىق قاجەتتى كادرلىق, ماتەريالدىق جانە قار­جىلىق رەسۋرستارعا يە جانە ساياسي دوداعا لايىقتى دەڭگەيدە قاتىسۋعا دا­يىن. بارلىق ايماقتىق شتابتار تولىق جاب­دىقتالعان جانە جۇمىسقا قابىلەتتى. ءبىز ايماقتىق شتاب جەتەكشىلەرى مەن مۇشە­لەرىن سايلاۋ ناۋقانىنىڭ بۇگە-شىگە­سىمەن تانىستىرىپ, ولاردى وقىتۋدى جال­عاس­تىرىپ كەلەمىز. ورتالىق شتاب تارا­پىنان ولارعا بارلىق قاجەتتى ۇيىم­داس­تىرۋشىلىق, ادىستەمەلىك جانە اقپا­راتتىق قولداۋ كورسەتىلىپ, ءتيىستى نۇسقاۋلىقتار مەن كىتاپشالار, ۇگىت-ناسيحات ماتەريالدارىمەن قامتاما­سىز ەتىلدى», – دەدى ر.جولامان. سونىمەن قاتار, ول ەقىۇ/دياقب ميس­سياسى ساراپشىلارىنا پارتيانىڭ سايلاۋالدى باعدارلاماسىنىڭ باسىم باعىت­تارى تۇرعىسىندا اڭگىمەلەپ بەردى. ەقىۇ/دياقب ميسسياسىنىڭ باسشى­سى بوريس فرلەتس ءوز كەزەگىندە بۇگىنگى كەز­دە­سۋدى ۇيىمداستىرعان تاراپقا العىسىن ءبىل­دىرىپ, ميسسيا ساراپشىلارىنىڭ باس­تى جۇ­مىس باعىتتارىمەن تانىستىرىپ شىقتى. سونىمەن بىرگە, كەزدەسۋ كەزىندە سايلاۋ ناۋقانىنا قاتىستى نورماتيۆتىك-قۇ­قىق­تىق بازا, ۇگىت-ناسيحات شارالارىن وتكىزۋ­دىڭ قىر-سىرى تالقىلاندى. شارا سوڭىندا قوعامدىق شتاب جەتەك­شىسى ر.جولامان پارتيانىڭ بارلىق حالىق­ارالىق بايقاۋشىلار ءۇشىن اشىق ءجا­نە الداعى سايلاۋ ناۋقانىنىڭ زاڭ تا­لاپ­­تا­رىنا ساي وتۋىنە مۇددەلى ەكەنىن جەتكىزدى. تاعى ءبىر ايتا كەتەر جايت, وتكەن جەك­سەن­بىدە «اۋىل» پارتياسىنىڭ ۇيىتقى بولۋى­مەن وسكەمەن قالاسىنداعى «جەكپە-جەك» سارايىندا توعىزقۇمالاق, دويبى جانە شاحماتتان جاستار اراسىندا سايىس ۇيىمداستىرىلدى.سپورتتىق شارا بارىسىندا رەسپۋب­ليكالىق قوعامدىق شتاب وكىلدەرى قاتى­سۋش­ىلارعا پارتيانىڭ سايلاۋالدى باعدار­لاماسىنىڭ باسىم باعىتتارىن ءتۇسىن­دىرىپ بەردى. سونداي-اق, جيىندا حالقىمىزدىڭ ءداستۇرلى قۇندىلىقتارى مەن قوعامنىڭ رۋحاني دامۋى تۇرعىسىندا ءسوز بولدى. شاراعا قاتىسۋشىلار ۇلتتىق سالت-ءداستۇردى جاڭعىرتۋدى قولعا العان «اۋىل» پارتياسىنىڭ قادامىن قۇپتادى. سايىس اياقتالعان سوڭ, جۇزدەن جۇيرىك شىق­قان­دارعا ارنايى ديپلومدار تابىس ەتىلدى. جولدىباي بازار, «ەگەمەن قازاقستان».