01 ناۋرىز، 2016

كەلەلى ماسەلەلەر قوزعالعان كەزدەسۋ

126 رەت كورسەتىلدى
بىرلىك-27«بىرلىك» پارتياسىنىڭ مۇشەلەرى مەن پارتيانىڭ جاستار قاناتى استاناداعى رەسپۋبليكالىق عىلىمي-تەحنيكالىق كىتاپحانادا تەحنولوگيا جانە بيزنەس كوللەدجىنىڭ ستۋدەنتتەرىمەن كەزدەستى. كىتاپحانا ءىسىنىڭ بۇگىنگى جاعدايى مەن دامۋ پەرسپەكتيۆاسى جانە كىتاپ قورىنىڭ ۇنەمى جاڭارىپ وتىرۋى ءتوڭى­رەگىندەگى پىكىر الماسۋلار «بىرلىك» پارتياسى شاراسىنىڭ نەگىزگى ارقاۋى بولدى. باس­پا ونىمدەرىنە دەگەن وقىرماننىڭ قىزى­عۋشىلىعىن وياتۋعا باعىتتالعان اكتسيالار مەن ءتۇرلى شارالاردى ۇيىمداستىرا وتى­رىپ، قوعام ومىرىندەگى كىتاپتىڭ ءرولىن نىعايتۋدىڭ ماڭىزى جونىندەگى ويلار ورتاعا سالىندى. پارتيا وكىلدەرى كىتاپتىڭ تۇلعانى قالىپتاستىرۋداعى ورنى تۋرالى ءوز ءتاجى­ريبەلەرىمەن ءبولىسۋ ماقساتىندا بۇگىن­گى اكتسياعا جەكە كىتاپحانالارىنان وزدەرى­نىڭ بىرنەشە سۇيىكتى كىتاپتارىن الا كەلىپتى. سونىمەن قاتار، كىتاپ وقۋدى كەڭ ناسي­حاتتاۋعا ارنالعان ۇسىنىستارىن دا جاريا قىلدى. «بىرلىك» پارتياسى توراعاسىنىڭ ورىن­باسارى بولات بايقاداموۆ پەن پارتيا مۇشەسى مۇرات راەۆتىڭ پىكىرىنشە، قانداي كەرەمەت دامىعان زامان بولسا دا ادامزات مادەنيەتىندە كىتاپتىڭ ماڭىزى ەش كەمىمەيدى. كىتاپ وقۋ رۋحاني-مادەني كەمەلدىككە جەتكىزەتىندىكتەن، قازىرگى جاستار ءومىرىنىڭ اجىراماس بولىگىنە اينالۋى ءتيىس. كەزدەسۋ سوڭىندا «بىرلىك» پارتياسىنىڭ جاستار قاناتى كىتاپ­حانا­نىڭ الدىندا «كىتاپ – ءبىلىم بۇلاعى»، «بروس مىشكۋ – ۆوزمي كنيجكۋ» اتتى فلەش-موب وتكىزدى. ولار وقىرماندار مەن قالا تۇرعىندارىن پارتيانىڭ وسى باستاماسىن قولداۋعا شاقىراتىن ۇنپاراقتار تاراتتى. «بىرلىك» پارتياسىنىڭ اتىنان پار­لامەنت ماجىلىسىنە ۇمىتكەرلەردىڭ پىكىرىن­شە، ازاماتتاردىڭ كىتاپ وقۋ مادە­نيەتىن كوتەرۋ پارتيا جۇمىسىنىڭ ءبىر باعىتى بولۋى ءتيىس. سوندىقتان، ولار بولاشاقتا وسى تاقىرىپتى كەڭىرەك قاۋ­زاۋ ءۇشىن تاعى دا بىرنەشە ءىس-شارا ۇيىمداستىرۋدى كوزدەپ وتىر ەكەن. ال جەكسەنبى كۇنى «بىرلىك» پار­تيا­سى­نىڭ وكىلدەرى استاناداعى قارتتار مەن مۇگەدەكتەر ءۇيىنىڭ ۇجىمىمەن كەزدەس­تى. اتالعان پارتيادان پارلامەنت ءماجىلى­سىنە ۇسىنىلعان كانديداتتار وسى كەزدەسۋ بارىسىندا وزدەرىنىڭ سايلاۋالدى باعدارلامالارىمەن تانىستىرىپ، ۇلتتىق داستۇرلەر مەن ادامي قۇندىلىقتارعا بايلانىستى اعا ۇرپاقتىڭ ويىنداعى كوپتەگەن تۇيتكىلدەردى قوزعادى. قيلى تاعدىردىڭ تالكەگىمەن قارتتار ۇيىنە كۇنى قاراعان قاريالاردىڭ ومىرگە دەگەن قۇلشىنىسى ەرەكشە. وكىنىشتىسى، مەملەكەت تاراپىنان ولارعا بارلىق جاعداي جاسالعانىمەن، اعايىن-تۋىستارى مەن جاقىن-جۇراعاتتارىنىڭ ءىلتيپاتى مەن قۇرمەتىنە ءزارۋ. سوندىقتان، «بىرلىك» پارتياسىنىڭ قوعامداعى مادەني-رۋحاني قۇندىلىقتاردى تۇلەتىپ، ءار قوعام مۇشەسىنە ىزگى نيەت ءبىلدىرىپ، جان جى­لۋلىعىن سىيلاۋدى ناسيحاتتاۋى قارت­تاردىڭ كوڭىل-كۇيىن ەرەكشە كوتەردى. ءلايلا ەدىلقىزى، «ەگەمەن قازاقستان». استانا.
سوڭعى جاڭالىقتار

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

قارسىلاستار انىقتالدى

سپورت • بۇگىن، 08:47

پۋتينتسەۆا ۇتىلىپ قالدى

سپورت • بۇگىن، 08:46

مەرەي كۇمىس الدى

سپورت • بۇگىن، 08:45

سەربيادان ولجالى ورالدى

سپورت • بۇگىن، 08:43

تەمىرتاۋدا گاز تۇتاندى

ايماقتار • بۇگىن، 08:43

جومارت جاننىڭ جاقسىلىعى كوپ

قوعام • بۇگىن، 08:40

مەدال سانى 70-تەن استى

سپورت • بۇگىن، 08:38

ادەبيەتتانۋ تارلانى

ادەبيەت • بۇگىن، 08:33

شۇمەكتەن شىققان سۋ مەن شۋ

قوعام • بۇگىن، 08:23

«اينەگىڭىزدى جۋىپ بەرەيىك»

قوعام • بۇگىن، 08:21

ۇقساس جاڭالىقتار