قۇرمەتتى وتانداستار!

قازاقستان حالقى اسسامبلەياسى ەلى­مىز­دىڭ بارشا ازاماتتارىن 1 ناۋ­رىز – العىس ايتۋ كۇنىمەن قۇتتىق­تاي­دى! تاۋەل­­سىزدىكتىڭ 25 جىلدىق مە­رەي­تويلىق جى­لىن­دا ۇلتتىق كۇن­تىز­­بەمىزدە وسى مە­رە­­كەنىڭ پايدا بولۋ­ى­نىڭ ماعىناسى تەرەڭ. بەيبىتشىلىك, دوستىق پەن كەلىسىم قۇندىلىقتارى قازاق­ستاننىڭ كوپۇلتتى حالقىنىڭ تاريحي تاعدىرىمەن ۇشتاسقان. بۇل كۇنى ءبىز قازاقستاننىڭ كوپەتنوستى جاسامپاز حالقىنىڭ ورتاق تاريحىنا قۇرمەت بىلدىرەمىز. العىس ايتۋ كۇنى – پرەزيدەنتتىڭ بەيبىتشىلىك پەن كەلىسىم ساياساتىنىڭ سالتاناتى. ەلباسىنىڭ دانا, سارابدال ساياساتىنىڭ ناتيجەسىندە قازاقستاندا قوعام­دىق كەلىسىم مەن جالپىۇلتتىق بىرلىكتىڭ بىرەگەي ۇلگىسى قالىپ­تاستى, ونىڭ ارقاۋى – قازاقستان حالقى اسسامبلەياسى. بىرلىك, تۇراقتىلىق جانە كەلىسىم ەلىمىزدىڭ ەكونو­مي­كالىق قۋاتىنىڭ بەرىك ىرگەتاسى, ساياسي, الەۋمەتتىك جانە مادەني مىندەتتەردى شەشۋ جولىنداعى سەنىمدى كەپىلى بول­دى. بۇل قاعيداتتار – جاڭا زاماننىڭ سىن-قاتەرلەرىنە ءبىز­دىڭ ­جاۋابىمىز. قازاقستان حالقى اسسامبلەياسى ءۇشىن بۇل كۇن ەرەكشە قۋا­نىش­تى مەرەكە, سەبەبى, ءدال وسى 1 ناۋرىز – قازاقستان حالقى اسسام­­بلەيا­سىنىڭ قۇرىلعان كۇنى العىس ايتۋ كۇنى بولىپ جاريالاندى. داتالاردىڭ ءتۇيىسۋى ءبىزدىڭ جاڭا مەرەكەمىزگە ەرەكشە ماعىنا جانە ايرىقشا ماڭىز بەرەدى, ول ادامدار اراسىنداعى, قازاقستاننىڭ ءبىرتۇتاس حالقىن قۇرايتىن بارلىق ەتنوستار اراسىنداعى ءوزارا سەنىم مەن سىيلاستىق دەڭگەيىنىڭ جوعارىلىعىن, ءوزارا تۇسىنىستىك پەن تەرەڭ قۇرمەتتى بىلدىرەدى. داتالاردىڭ بۇل ءتۇيىسۋى كەزدەيسوقتىق ەمەس. مەملەكەت باسشىسىنىڭ ءوزى اسسامبلەيانىڭ قۇرىلعان كۇنىن جىل سايىن بارلىق ەتنوستاردىڭ ءبىر-بىرىنە جانە ولاردى ءوز تۋعانىنداي قابىلداپ, مەيىرباندىق تانىتقان قازاقتارعا العىس ايتۋ كۇنى رەتىندە اتاپ ءوتۋ تۋرالى ۇسىنىس ايتقان بولاتىن. العىس ايتۋ كۇنى – قۋعىن-سۇرگىنگە ۇشىراپ, الاساپىران زاماننىڭ تاۋقىمەتىن تارتقان حالىقتىڭ رۋحاني يگىلىگى – كەڭپەيىلدىلىگى مەن قايىرىمدىلىق داستۇرلەرىنە تەرەڭ تاعزىم بەلگىسى. ءبىز تاۋەلسىزدىكتىڭ مەرەيتويى قارساڭىندا ىنتىماعى جاراسقان, بىرلىگى بەكەم, تەڭ قۇقىقتار يەلەنگەن جانە نۇرلى بولاشاق جولىندا زور جاۋاپكەرشىلىكپەن توپتاسقان بولاشاعى ءبىرتۇتاس ۇلت قالىپتاستىرۋ تۋرالى مالىمدەدىك. قازاقستان حالقى اسسامبلەياسى مەملەكەتىمىز بەن قوعا­مى­مىزدى جاڭارتۋعا, «ماڭگىلىك ەل» جالپىۇلتتىق پات­ريوتتىق يدەياسىنىڭ نەگىزىندە قازاقستان حالقىنىڭ ءبىر­لىگىن نىعايتۋعا باعىتتالعان بارلىق رەفورمالاردىڭ ءجۇ­زەگە اسىرىلۋىنا اتسالىسادى. ءبىز قازاقتىڭ قاسيەتتى جەرىندەگى ەڭ باستى قۇندىلى­عى­­مىز – بىرلىك پەن تاتۋلىق ءۇشىن ورتاق جاۋاپ­كەرشى­لى­گىمىزدى سەزىنەمىز جانە جارقىن بولاشاعىمىزعا نىق سەنەمىز. مەرەكە قۇتتى بولسىن, قىمباتتى قازاقستاندىقتار!  قازاقستان حالقى اسسامبلەياسىنىڭ كەڭەسى.