اقسۋاتتاعى العاشقى جەكەمەنشىك بالاباقشا

تاياۋدا اقسۋات اۋىلىندا «با­لا­­­پان» باعدارلاماسى اياسىندا «اقبوتا» بالاباقشاسىنىڭ جاڭا عيماراتى پايدالانۋعا بەرىلدى. جەرگىلىكتى جاس كاسىپكەر ولجاس قا­ليزادا اشقان جەكەمەنشىك بالاباقشا 75 بالاعا ارنالعان. جالپى, تارباعاتاي اۋدانىندا بالاباقشامەن قامتۋعا اۋىل كا­سىپكەرلەرىن تارتۋ جۇمىستا­رى جوعارى دەڭگەيدە جۇرگىزىلىپ جات­­قانىن بايقادىق. بۇل رەتتە مەملەكەت-جەكەمەنشىك ارىپتەستىگىن دامىتۋ باعدارلاماسىنىڭ بالا­باقشاعا جەكە ينۆەستيتسيا سالۋعا ىقپال ەتىپ وتىرعانىن ايتقان اب­زال. اتالعان جوبا اياسىندا عي­مارات سالۋ جانە ونى جابدىقتاۋ, جۇمىستى ءارى قاراي جۇرگىزۋ كا­سىپكەرگە جۇكتەلسە, بالاباقشا قىزمەتكەرلەرىنىڭ ەڭبەكاقىسى مەن كوممۋنالدىق شىعىنى مەم­لەكەتتىك قازىنادان تولەنەدى. بۇل مەملەكەت پەن كاسىپكەرلەرگە دە, اتا-انالارعا دا ءتيىمدى. – بۇلدىرشىندەردى مەكتەپكە دەيىنگى مەكەمەمەن قامتۋ بويىنشا تارباعاتاي اۋدانى وبلىس كو­لەمىندە العاشقى ورىندا كەلەدى. سوڭعى ەكى جىل كولەمىندە اۋدانىمىزدا 25 بالاباقشا اشىلسا, ونىڭ ىشىندە 13 جەكەمەنشىك بالاباقشا پايدالانۋعا بەرىلدى. ەلباسى نۇرسۇلتان نازارباەۆ­تىڭ تاپسىرماسى بويىنشا, مەم­­لەكەت-جەكەمەنشىك ارىپتەستىگىن دامىتۋ اياسىندا بيىل تاعى ءتورت بالاباقشا سالۋدى كوزدەپ وتىرمىز. ياعني, بۇلدىرشىندەرگە ارنالعان جاڭا نىساندار قابانباي, تۇعىل, قارعىبا, ماڭىراق اۋىلدارىندا بوي كوتەرەدى. بۇل بالاباقشالار بۇلدىرشىندەرىمىزدى تاربيەلەپ قانا قويماي, جاڭا جۇمىس ورىندارىن اشۋعا دا سەپتىگىن تيگىزىپ وتىر, – دەدى نىساننىڭ اشىلۋىمەن قۇتتىقتاعان اۋدان اكىمى دىلدابەك ورازباەۆ. سونداي-اق, جەرگىلىكتى بيۋدجەت قارجىسىمەن سەرىكتەستىك اۋى­لىنداعى بالاباقشاعا كەڭەيتۋ جۇمىستارى جۇرگىزىلىپ, كوكتۇبەك, شورعا ەلدى مەكەندەرىندە جا­ڭا با­لاباقشالار اشىلماق. وسى ارقىلى تارباعاتايلىق ءبۇل­دىر­شىندەردى بالاباقشامەن قامتۋدى تولىعىمەن شەشۋ جوسپارلانعان. اۋدان اكىمى سالتاناتتى شارادا تۇرسىنحان ءجۇنىسوۆ جانە فاۋ­زيا راحيمباەۆا سىندى اۋىل اردا­گەرلەرىن «ەڭبەك ارداگەرى» مە­دا­لىمەن جانە جاس كاسىپكەر ولجاس قاليزادانى العىس حاتپەن ماراپاتتادى. سەكسەننىڭ سەڭگىرىنەن اسقان فاۋزيا اجە اقسۋاتتا 1938 جىلى اشىلعان العاشقى بالاباقشانىڭ تۇلەگى ەكەن. 1936 جىلى اۋدان ورتالىعى قىزىلكەسىكتەن اقسۋات اۋىلىنا كوشىرىلدى. ەكى جىلدان كەيىن جامال توعاناسوۆا ەسىمدى اپامىز اقسۋاتتاعى قازىرگى «بەرەكە» دۇكەنىنىڭ ورنىنا ءتورت كيىز ءۇي تىگىپ, العاشقى بالاباقشانى اشتى. 1937 جىلى ءبىرىمىزدىڭ اكەمىزدى, ءبىرىمىزدىڭ اعا-باۋىرلارىمىزدى «ۇندەمەس» (نكۆد) الىپ كەتىپ جاتتى. سونداي قيىن كەزەڭدە اتا-اناسىز قالعان بالالار بار, بارلىعى 20 شاقتى سابيدەن قۇرالعان ال­عاش­­قى بالاباقشانى اشقان قاي­راتكەر اپامىزدىڭ ەسىمىن ءبۇ­گىنگى ۇرپاق ۇمىتپاۋى ءتيىس. سول كيىز ۇيلەردىڭ ءبىرى اسحانا, ءبىرى ۇل­دار­عا, ءبىرى قىزدارعا ارنالعان جاتىن بولمە بولعان ەدى. اتا-اجە­لەرىمىز قانداي قيىندىق كورسە دە قاجىرلى قايراتىمەن سابيلەردى قورعانسىز قالدىرعان جوق, دەدى وتكەن جىلداردى ەسكە العان 81 جاس­­­تاعى فاۋزيا اجە. سونداي-اق, بۇگىنگى بۇلدىرشىندەرگە بەيبىت ءھام باقىتتى ءومىر سىيلاعان ەلباسى سايا­ساتىن ايرىقشا باعالايتىنىن ايتتى. «جاس كەلسە – ىسكە». ءبىز اقسۋات­تىق بۇلدىرشىندەرگە قۋانىش سىيلاعان ولجاستى اڭگىمەگە تارتقان ەدىك. كاسىپكەر 2013 جىل­دىڭ قاراشا ايىندا اشىلعان بالاباقشانىڭ العاشقىدا شاعىن عيماراتتى جالعا العانىن, كەيىن اۋدان اكىمدىگىنىڭ قولداۋىمەن قۇرىلىس جۇرگىزگەنىن جەتكىزدى. «دامۋ» قورى جانە «جۇ­مىسپەن قامتۋدىڭ جول كارتاسى-2020» باعدارلاماسى ارقىلى 15 ميلليون تەڭگە جەڭىلدەتىلگەن نەسيە قاراجاتىنا بوي كوتەرگەن عيماراتتىڭ جالپى كولەمى 550 شارشى مەتردى قۇرايدى. بالاباقشا كەڭ ءارى جارىق, بۇلدىرشىندەردى تاربيەلەۋگە ارنالعان زاماناۋي قۇرال-جابدىقپەن تولىق قام­تىلعان. كاسىپكەر 20 ادامعا جۇمىس بەرىپ وتىر. ولاردىڭ قا­تارىندا بالالار دارىگەرى, پسيحولوگ جانە ادىسكەر ماماندار بار. ءۇش توپقا بولىنگەن سابيلەر ءتورت ۋاقىت تا­ماق­تانادى. – بالاباقشامىزدىڭ ەرەك­شەلىگى, اپتاسىنا التى كۇن جۇمىس ىستەيدى. الەۋمەتتىك باعا رەتىندە ءبىر كۇنگە 350 تەڭگە تولەماقى بەلگىلەدىك. بالاباقشاعا كەلمەي قالعان كۇندەر ەسەپكە الىنباي­تىندىقتان, اتا-انالارعا دا جە­ڭىل. سونداي-اق, ۇشتۇعىرلى ءتىل باعدارلاماسى شەڭبەرىندە اعىل­شىن, ورىس تىلدەرىن ۇيرەتەمىز. الداعى ۋاقىتتا ارنايى كولىكپەن بالالاردى ءوزىمىز تاسىمالداۋدى جوسپارلاپ وتىرمىز, – دەدى ول. دۋمان اناش, «ەگەمەن قازاقستان». شىعىس قازاقستان وبلىسى, تارباعاتاي اۋدانى.