جامبىل وبلىسىندا تۋريزم سالاسى جاندانىپ كەلەدى

تاراز. 29 اقپان. جامبىل وبلىسىندا تۋريزم سالاسى جاندانىپ كەلەدى. وبلىس «جiبەك جولىنىڭ تاريحي ورتالىقتارىن جاڭعىرتۋ, تۇركi تiلدi مەملەكەتتەردiڭ مادەني مۇراسىن ساقتاۋ جانە ساباقتاستىرۋ, دامىتۋ, تۋريزم ينفراقۇرىلىمىن قۇرۋ» مەملەكەتتiك باعدارلاماسىنا ىلىككەن. بۇل تۋرالى egemen.kz ءتىلشىسى حابارلادى. وبلىس ارقىلى ۇلى جىبەك جولىنىڭ بولىگى (سايرام كەنتى – تاراز – اكشولاك – اقىرتوبە ستانتسياسى – قۇلان – مەركى – شۋ – اسپارا – قورداي ) وتەدى, جول بويىندا تاريحي جانە مادەني قىزىقتى ەسكەرتكiشتەر ورنالاسقان. جىبەك جولى بويىنداعى 5 ەسكەرتكىش يۋنەسكو-نىڭ دۇنيەجۇزىلىك مادەني مۇرا تىزىمىنە ەنگىزىلدى. قازىرگى كەزەڭدە ايماقتىق تۋريزم دامۋىنىڭ نەگىزگى ارتىقشىلىعى «ەجەلگى تاراز» جوباسى بولىپ تابىلادى. جوبا تاراز قالاسىنىڭ ورتالىق بولىگىندە كولەمى شامامەن 20 گەكتار جەردە ورنالاسىپ, ارحەولوگيالىق جانە تۋريستىك ساياباقتاردان تۇراتىن بولادى. نىسانداردىڭ ءبىرتۇتاس ءانسامبلىن ەجەلگى شىعىس ستيلىندە (ەجەلگى وركەنيەت قازبا جۇمىستارىنا قاتىسۋ, تابىلعان ارتەفاكتىلەر مۇراجايى, شىعىس بازارلارى جانە شەبەرلەر قالاسى, قوناق ۇيلەر, ساۋدا ورتالىقتارى جانە ت.ب.) قۇرۋ جوسپارلانعان. بۇگىنگى كۇنى وبلىسىمىزدا 42 تۋريستىك فيرما, 1 كيىز ءۇي قالاشىعى, 1 ساۋىقتاندىرۋ كەشەنى, 5 دەمالىس ورتالىعى, 10 بالالار ساۋىقتاندىرۋ لاگەرلەرى, بىرەگەي شيپالى بالشىق جانە مينەرالدى سۋلارى جانە 5 شيپاجاي, ساۋىقتاندىراتىن ورىندار جۇمىس ىستەيدى. جامبىل وبلىسى بويىنشا تۋريستىك مارشرۋتتار ازىرلەنۋدە. اتاپ ايتقاندا, TARAZ TRAVEL تۋريستىك كومپانياسىمەن «كونە تاراز مارجاندارى», «اقىرتاس جۇمباقتارى», «اسپان استى جولدارى», «اقسۋ جاباعىلى» مۇراجاي-قورىعىنا ەكسكۋرسيالار جانە « ۇلى جىبەك جولى» تۋر مارشرۋتتارى. «زولوتوي كاراۆان» تۋريستىك ورتالىعىنىڭ تۋر مارشرۋتتارى: «كونە تاراز بۇگىن», «ارحيتەكتورلىق ەسكەرتكىشتەر», «اقىرتاس جۇمباقتارى», «قارلى شىڭداردان قۇمدى جوتالارعا دەيىن». «تاراز دامۋ» تۋريستىك فيرماسىنىڭ «كوكساي» قازاق اۋىلى اتتى مارشرۋتى. جامبىل وبلىسىندا ينفراقۇرىلىم جوبالارى جۇزەگە اسىرىلۋدا, مىسالى حالىقارالىق كولىك ماگيسترالى تەلىمىندە «باتىس ەۋروپا-باتىس قىتاي» جوباسى. وبلىس بويىنشا «باتىس ەۋروپا-باتىس قىتاي» حالىقارالىق كولىك ءدالىزى بويىندا بىرقاتار جول بويعى سەرۆيس كەشەندەرى ايقىندالعان, ونىڭ 1 كەشەنىنىڭ قۇرىلىسى اياقتالعان. قازىرگى دۇنيەجۇزىلىك ەكونوميكانىڭ دامۋ جاعدايىندا تۋريزم جەتەكشى جانە ديناميكالىق دامۋشى سالالاردىڭ ءبىرى بولىپ تابىلادى. دۇنيەجۇزىلىك تۋريستىك ۇيىم مالىمەتتەرىنە سايكەس دۇنيە ءجۇزى ەكسپورتى بويىنشا اۆتو كولىكتەر, حيميا ونىمدەرى, جانە جانار-جاعارماي ەكسپورتىنان كەيىن تۋريزم بويىنشا تاۋارلار مەن قىزمەتتەر ءتورتىنشى ورىندا. ورالحان ءداۋىت. دەرەك, سۋرەت: egemen.kz.