اتىراۋدا كولىكپەن ادام باسقان ازامات قاماۋعا الىندى

اتىراۋ. 29 اقپان. اتىراۋ قالالىق №2 سوتى ساۋنانى پايدالانعانى ءۇشىن قىزمەت اقىسىن تولەمەي ب ۇلىك شىعارىپ, كەيىن ماس كۇيىندە اۆتوكولىكپەن ادامدى باسقان ازاماتتى قاماۋعا الدى. بۇل تۋرالى وبلىستىق سوتتىڭ ءباسپاسوز قىزمەتى حابارلادى. «تەرگەۋ دەرەگىنە سايكەس, ب ۇلىك شىعارۋشى ءوزىنىڭ تۋىسىمەن بىرگە اتىراۋ قالاسىنداعى ساۋنالاردىڭ بىرىنە كەلگەن. شىعار كەزدە ول ساۋنانىڭ قىزمەتى ءۇشىن اقى تولەۋدەن باس تارتادى. قىزمەتكەرلەردىڭ سوزدەرىنە قۇلاق اسپاي, اشۋلانىپ, بالاعاتتايدى. اقشا تولەۋدىڭ ورنىنا ماس جۇرگىزۋشى ءوز كولىگىنە وتىرىپ, ارتقا شەگىنگەن كەزدە ءوز تۋىسىن باسىپ كەتكەن. سودان سوڭ, اشۋعا ەرىك بەرگەن «قوناق» ساۋنا قىزمەتكەرلەرىن كولىكپەن قۋادى. شاتاق شىعارۋشى ولاردىڭ ءبىرىن قاعىپ, ونى كولىكپەن 10-15 مەتر جەرگە سۇيرەيدى. بىرنەشە رەت جابىرلەنۋشىنىڭ ۇستىنەن تاپاپ وتكەن. ارتىنشا وقيعا بولعان جەردەن بوي تاسالايدى. ناتيجەسىندە جابىرلەنۋشى العان اۋىر دەنە جاراقاتتارىنىڭ اسەرىنەن اۋرۋحانادا كوز جۇمعان», – دەپ حابارلادى اتىراۋ سوتىنىڭ ءباسپاسوز حاتشىسى بورانباي عاليەۆ. ءباسپاسوز مالىمدەمەسىندە ايتىلعانداي, قازىرگى ۋاقىتتا ب ۇلىك شىعارۋشىعا قاتىستى قىلمىستىق كودەكستىڭ 106-بابىنىڭ 3-بولىمىمەن قىلمىستىق ءىس قوزعالىپ, سوتپەن ەكى اي مەرزىمگە «كۇزەتپەن ۇستاۋ» تۇرىندەگى بۇلتارپاۋ شاراسىنا سانكتسيا بەرىلدى. قازىرگى تاڭدا تەرگەۋ امالدارى جالعاسۋدا. جولداسبەك شوپەعۇل. دەرەك: اتىراۋ وبلىستىق سوتىنىڭ ءباسپاسوز قىزمەتى. سۋرەت: aif.ru.