«ماڭگىلىك ەل» پويىزى – پاۆلوداردا استانادان 15 اقپاندا ەل ءتاۋ­ەلسىزدىگىنىڭ

25 جىلدىعىنا وراي ساپارعا شىققان «ماڭگىلىك ەل» الەۋمەتتىك پويىزى وسكەمەن مەن سەمەيدى ارالاپ, 23-24-ءى كۇن­دەرى كەرەكۋ وڭىرىنە كەلگەنىن بۇعان دەيىن حابارلاعان ەدىك. ال اۋەلى اقسۋ قالاسىنا ايالدا­عان پويىزدى كەلەسى كەزەكتە وب­لىس ورتالىعى – پاۆلودار قالا­سىنىڭ تەمىرجول ۆوكزالىنان قالا اكىمى بولات باقاۋوۆ باستا­عان قحا مەن قوعامدىق ۇيىم­دار­دىڭ وكىلدەرى, جەرگىلىكتى جاس­تار, قالا تۇرعىندارى قارسى ال­دى. ارناۋ ولەڭدەر ايتىلىپ, قازا­قى عۇرىپپەن شاشۋ شاشىلدى. – ءوندىرىستى وڭىرگە كەلگەنىمىزگە قۋانىشتىمىز, – دەدى پويىز جەتەكشىسى ءامىرجان الپەيىسوۆ. – ءبىزدىڭ جولعا شىققانداعى ماقساتىمىز ەلباسىنىڭ «ماڭگىلىك ەل» يدەياسىن ەل ىشىندە ناسيحاتتاۋ, ەلدىك ماقساتتاردى, ۇلتتىق قۇندىلىقتارىمىزدى دارىپتەۋ. پويىز قۇرامىنداعى 98 ادامنىڭ ءبارىنىڭ دە ويلارى ءبىر – ەلدەگى قابىلدانعان رەفورمالاردىڭ ءمان-جايىن ءتۇسىندىرىپ, تۇرعىندارعا جەتكىزۋ. ءبىزدىڭ توپ قۇرامىندا مەملەكەتتىك ورگانداردىڭ باس ماماندارى, الەۋمەتتىك جانە مەديتسينا سالاسىنىڭ قىزمەتكەرلەرى, بانك كەڭەسشىلەرى بار. ارامىزداعى 30 دارىگەر تۇرعىنداردى قاراپ, ولارعا كەڭەس بەرەدى. بۇدان كەيىن وبلىس ورتالىعىنداعى ەستاي اتىنداعى قالالىق مادەنيەت سارايىندا پويىز قوناقتارىنىڭ قاتىسۋىمەن دوڭگەلەك ۇستەل باسىندا ۇلتارالىق كەلىسىم, ەلدەگى تۇراقتىلىق, وركەندەۋ, تاۋەلسىزدىك تالاپتارى اياسىندا القا-قوتان اڭگىمە ءوربىدى. ال دارىگەرلەر وبلىس ورتالىعىنداعى №3 ەمحانادا قابىلداۋ جۇرگىزدى. الەۋمەتتىك پويىزدىڭ كەلىپ توقتاعانىن ەستىپ, بىرىنەن سوڭ ءبىرى كەلىپ جاتقان قالا تۇرعىندارىمەن كەزدەسۋ كەشكى ساعات 7-گە دەيىن سوزىلدى. ءا.الپەيىسوۆتىڭ ايتۋىنشا, پويىز قۇرامى پاۆلودارعا كەلىپ جەتكەنگە دەيىن 7,5 مىڭ ادامدى قابىلداعان ەكەن. تۇرعىنداردىڭ كوپشىلىگى دارىگەرلەرگە كورىنگەن. نازارعا الىنعان ءوتىنىش-تىلەكتەر ەندى استاناعا بارعان سوڭ مينيسترلىكتەردىڭ قاراۋىنا جولدانادى. – پويىزدىڭ كەلۋى, ارينە, قاراپايىم تۇرعىندار ءۇشىن جاقسى. ەڭ باستىسى – حالىق ريزا. اسىرەسە, دارىگەرلەرگە قارالىپ, كەڭەستەر العاندارىنا العىس كوپ. ەكىنشىدەن, «ماڭگىلىك ەل» دەگەن اتاۋمەن كەلگەن الەۋمەتتىك پويىزدىڭ ءار ادامنىڭ بويىندا ەلگە, جەرگە دەگەن قۇرمەت سەزىمىن تۋدىرارى انىق, – دەدى وبلىستىق قحا توراعاسىنىڭ ورىنباسارى سەيسەنباي جەتپىسباەۆ ال ۇيىمداستىرۋشىلاردىڭ ايتۋىنشا, قۇرامىندا 100-گە جۋىق مۇشەسى بار, 9 ۆاگوننان تۇراتىن پويىز ءوزىنىڭ ساپارى بارىسىندا ماماندار قۇرامىن اۋىستىرىپ, جاڭارتىپ وتىرادى ەكەن. ماقسات – اۋىلدىقتاردىڭ, سوعىس ارداگەرلەرى مەن مۇمكىندىگى شەكتەۋلى ادامداردىڭ ءوتىنىش-تىلەكتەرىن تىڭداپ, قۇقىقتىق جانە مەديتسينالىق تۇرعىدا كەڭەس بەرۋ. جەكە كاسىبىن اشقىسى كەلەتىندەرگە دە كومەك كورسەتىلەدى. مادەني-سپورتتىق شارالار, كونتسەرتتىك باعدارلامالار ۇسىنىلادى. پويىز ساپارى ءارى قاراي ءوندىرىستى ەكىباستۇزدا كەزدەسۋلەرمەن جالعاستى. فاريدا بىقاي, «ەگەمەن قازاقستان». پاۆلودار وبلىسى.